ಪ್ರಮುಖ ಮುಖ್ಯಾಂಶಗಳು
ಹೀಗಾಗಿ, ದೇಶ ವಿಭಜನೆಯಾಗುತ್ತ ಹೊರಟಿದೆ ಎಂದು ಕಳವಳ ವ್ಯಕ್ತಪಡಿಸಿದರು.
ವ್ಯಕ್ತಿಯನ್ನು ಆತನ ಧರ್ಮ, ಜಾತಿಯಿಂದ ಅಳಿಯದೇ ವ್ಯಕ್ತಿತ್ವದಿಂದ ಅಳಿದಾಗ ಮಾತ್ರ ದೇಶದ ಅಭ್ಯುದಯ ಸಾಧ್ಯ. ಜಾತಿ ವ್ಯವಸ್ಥೆ ಹೋಗಲಾಡಿಸಲು ತಮ್ಮ ಜೀವನವನ್ನೇ ಮುಡಿಪಾಗಿಟ್ಟ ಬಸವಣ್ಣನವರ ಹೆಸರು ಹೇಳಿಕೊಂಡೇ ಜಾತಿ ಅಳೆಯುತ್ತಿರುವುದು ದುರದೃಷ್ಟಕರ ಎಂದು ಬೇಸರ ವ್ಯಕ್ತಪಡಿಸಿದರು.
ಪರೋಪಕಾರಕ್ಕೆ ಶ್ರಮಿಸುತ್ತಿರುವ ಆರ್ಎಸ್ಎಸ್ ಸಂಘಟನೆಯ ಬಗ್ಗೆ ಗೃಹ ಸಚಿವರು ನಿತ್ಯ ಮಾತನಾಡದೇ ಹೋದರೆ ಅವರಿಗೆ ಊಟ ಜೀರ್ಣವಾಗಲ್ಲ. ಆರ್ಎಸ್ಎಸ್ ಎಂದಿಗೂ, ಯಾರ ಉಪಕಾರಕ್ಕೂ ಕೆಲಸ ಮಾಡಿಲ್ಲ. ಪರೋಪಕಾರ, ಧರ್ಮ, ರಾಷ್ಟ್ರ ರಕ್ಷಣೆಯೇ ಆರ್ಎಸ್ಎಸ್ ಧ್ಯೇಯೋದ್ದೇಶ ಎಂದರು.
ವಂದೇ ಮಾತರಂ ಗೀತೆ ಈ ದೇಶದ ಪಂಚಾಕ್ಷರಿ ಮಂತ್ರವಾಗಿದ್ದು, ಕಾಂಗ್ರೆಸ್ ಅದನ್ನು ಸಂಪೂರ್ಣ ಹಾಡಲು ನಿರಾಕರಿಸುತ್ತಿದೆ. ಆ ಪಕ್ಷ ಒಂದು ಸಮಾಜದ ತುಷ್ಟೀಕರಣ ಮಾಡುವುದನ್ನು ಇಂದಿಗೂ ಮುಂದುವರೆಸಿದೆ ಎಂದರು.
ಅತಿಥಿಯಾಗಿ ಉದ್ಯಮಿ ಮನೋಹರ ಬಾಕಳೆ ಮಾತನಾಡಿ, ರಕ್ಷಾ ಬಂಧನದ ದಿನ ರಕ್ಷೆ ಕಟ್ಟಿಕೊಂಡು ಹೋಗುವುದಲ್ಲ. ದೇಶ ಮತ್ತು ಸಮಾಜ ರಕ್ಷಣೆಗೆ ಪಣ ತೊಡಬೇಕಿದೆ. ಸಮಾಜದ ದಿಕ್ಕು ತಪ್ಪಿಸುತ್ತಿರುವ, ಶ್ರದ್ಧಾ ಕೇಂದ್ರಗಳನ್ನು ಅವಹೇಳನ ಮಾಡುತ್ತಿರುವ ಶಕ್ತಿಗಳ ವಿರುದ್ಧ ದೇಶ, ಭಾಷೆಯನ್ನು ನಾವೆಲ್ಲರೂ ಸೇರಿ ಉಳಿಸಬೇಕಿದೆ ಎಂದು ಹೇಳಿದರು.
ಆರ್ಎಸ್ಎಸ್ ಪ್ರಮುಖ ಗೋವಿಂದಪ್ಪ ಗೌಡಪ್ಪಗೋಳ, ಹುಬ್ಬಳ್ಳಿ ಮಹಾನಗರ ಸಂಘಚಾಲಕ ಶಿವಾನಂದ ಅವಟಿ, ಕೇಂದ್ರ ಸಚಿವ ಪ್ರಹ್ಲಾದ ಜೋಶಿ, ಶಾಸಕ ಮಹೇಶ ಟೆಂಗಿನಕಾಯಿ, ರಾಜ್ಯಸಭೆ ಸದಸ್ಯ ಎಂ. ನಾಗರಾಜ, ವಿಧಾನ ಪರಿಷತ್ ಸದಸ್ಯರಾದ ಪ್ರದೀಪ ಶೆಟ್ಟರ, ಲಿಂಗರಾಜ ಪಾಟೀಲ, ಶ್ರೀ ರಾಮ ಸೇನೆಯ ಸಂಸ್ಥಾಪಕ ಅಧ್ಯಕ್ಷ ಪ್ರಮೋದ ಮುತಾಲಿಕ ಹಾಜರಿದ್ದರು.