ಧಾರವಾಡ: ನೆರೆ ದುರಂತದಿಂದ ನಲುಗಿರುವ ನೇಪಾಳಕ್ಕೆ ಹೋಗಿದ್ದ ಧಾರವಾಡ ಮೂಲದ ರಾಕೇಶ್ ನಾಯಕ್ (39) ಎಂಬುವರು ಕುಟುಂಬದವರ ಸಂಪರ್ಕಕ್ಕೆ ಸಿಗುತ್ತಿಲ್ಲ. ಧಾರವಾಡದ ಶಿವಗಿರಿ ಮೂಲದ ರಾಕೇಶ್ ನಾಯಕ್ 10 ವರ್ಷಗಳಿಂದ ಆಸ್ಟ್ರೆಲಿಯಾದಲ್ಲಿ ನೆಲೆಸಿದ್ದಾರೆ. ಆ. 10ರಂದು ದೆಹಲಿಗೆ ಬಂದು ಅಲ್ಲಿಂದ ನೇಪಾಳ ಪ್ರವಾಸ ಹೋಗಿದ್ದರು.
ಸದ್ಗುರು ಜಗ್ಗಿ ವಾಸುದೇವ ಸ್ಥಾಪಿತ ಈಶಾ ಫೌಂಡೇಶನ್ ತಂಡದೊಂದಿಗೆ ರಾಕೇಶ್ ನೇಪಾಳಕ್ಕೆ ಹೋಗಿದ್ದಾರೆ. ಅವರು ಆ. 25ರವರೆಗೆ ಪತ್ನಿ ಜತೆ ಸಂಪರ್ಕದಲ್ಲಿದ್ದರು. 26ರಿಂದ ಪತ್ನಿ ಹಾಗೂ ಕುಟುಂಬದವರ ಸಂಪರ್ಕಕ್ಕೆ ಸಿಗುತ್ತಿಲ್ಲ. ಅವರಿಗೆ ಏನೂ ಆಗಿಲ್ಲ ಎಂಬ ಮಾಹಿತಿ ಬಂದಿದ್ದು, ಆದರೂ ಸಂಪರ್ಕಕ್ಕೆ ಸಿಗದಿರುವುದರಿಂದ ಪಾಲಕರಲ್ಲಿ ಆತಂಕ ಮಡುಗಟ್ಟಿದೆ.
ಈ ಕುರಿತು ಅವರ ಪಾಲಕರು ಜಿಲ್ಲಾಡಳಿತದ ಸಹಾಯವಾಣಿಗೆ ಮಾಹಿತಿ ನೀಡಿದ್ದಾರೆ. ಈ ಕುರಿತು ಜಿಲ್ಲಾಡಳಿತ ಸರ್ಕಾರಕ್ಕೆ ಮಾಹಿತಿ ರವಾನಿಸಿದೆ.