pratibimb sourabha ಪ್ರತಿಬಿಂಬ ಸ್ಪರ್ಧಾ ಸೌರಭ

ಹುಬ್ಬಳ್ಳಿ: pratibimb sourabha ಅಖಿಲ ಹವ್ಯಕ ಮಹಾಸಭಾ ವತಿಯಿಂದ ಹುಬ್ಬಳ್ಳಿ ಧಾರವಾಡ ಹವ್ಯಕ ಶೈಕ್ಷಣಿಕ ಮತ್ತು ಸಾಂಸ್ಕೃತಿಕ ಸಂಸ್ಥೆ ಸಹಯೋಗದಲ್ಲಿ ಪ್ರತಿಬಿಂಬ ಸ್ಪರ್ಧಾ ಕಾರ್ಯಕ್ರಮವನ್ನು ನಗರದ ಹವ್ಯಕ ಭವನದಲ್ಲಿ ಜೂನ್​ 14ರಂದು ಆಯೋಜಿಸಲಾಗಿದೆ.

ಸಮಾಜದ ಪ್ರತಿಭೆಗಳನ್ನು ಗುರುತಿಸಿ ಪ್ರೋತ್ಸಾಹಿಸುವ ನಿಟ್ಟಿನಲ್ಲಿ ಪ್ರಾಂತೀಯ ಮಟ್ಟದ ವಿವಿಧ ಸ್ಪರ್ಧಾ ಕಾರ್ಯಕ್ರಮ ನಡೆಯಲಿವೆ. ಮಹಾಸಭಾ ಅಧ್ಯಕ್ಷ ಗಿರಿಧರ ಕಜೆ ಅಧ್ಯಕ್ಷತೆ ವಹಿಸಲಿದ್ದಾರೆ.

ಹವ್ಯಕರ ಹಾಡುಗಳು, ಜನಪದ, ಚಿತ್ರಕಲೆ, ಆಶುಭಾಷಣ, ಛದ್ಮವೇಷ, ತಿಂಡಿ ತಿನಿಸು ಮುಂತಾದ ಸ್ಪರ್ಧೆಗಳನ್ನು ಏರ್ಪಡಿಸಲಾಗಿದೆ. ಸ್ಪರ್ಧೆಯಲ್ಲಿ ವಿಜೇತರಿಗೆ ಬೆಂಗಳೂರಿನಲ್ಲಿ ನಡೆಯುವ ರಾಜ್ಯ ಮಟ್ಟದ ಸ್ಪರ್ಧೆಗೆ ಆಯ್ಕೆ ಮಾಡಲಾಗುತ್ತದೆ.

ಬೆಳಗ್ಗೆ 7ರಿಂದ ರಾತ್ರಿ 8ರ ವರೆಗೆ ವಿವಿಧ ಧಾರ್ಮಿಕ, ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯಲಿವೆ. ಮಧ್ಯಾಹ್ನ 3ಕ್ಕೆ ಸಭಾ ಕಾರ್ಯಕ್ರಮ ನಡೆಯಲಿದ್ದು, ವಿ.ಎಂ. ಭಟ್​ ಅಧ್ಯಕ್ಷತೆ ವಹಿಸುವರು.

ಡಾ. ಗಿರಿಧರ ಕಜೆ, ಶ್ರೀಧರ ಭಟ್​ ಕೆಕ್ಕಾರು, ಪ್ರಮೋದ ಹೆಗಡೆ, ಶಿವರಾಮ ಹೆಗಡೆ, ಶ್ರೀಕಾಂತ ಹೆಗಡೆ, ವಸಂತ ಭಟ್​, ಸುದರ್ಶನ ಹೇಮಾದ್ರಿ, ವೀಣಾ ಹೆಗಡೆ, ಅನಿತಾ ಭಟ್​ ಇತರರು ಭಾಗವಹಿಸುವರು.