mads meet ಮ್ಯಾಡ್ಸ್ ಮೀಟ್ ಬಗ್ಗೆ ಮಾಹಿತಿ ನೀಡಿದ ಡಾ. ರಾಜೇಂದ್ರಪ್ರಸಾದ. ಡಾ. ಅಮಿತ್ ಅಂಗಡಿ, ಡಾ. ಅರುಣಾ ಬಟ್ಟೂರ, ಅಮಿತ ಮಹಾಜನ ಇದ್ದರು.
- ರಾಜ್ಯದ ವಿವಿಧೆಡೆಯ ಪದವಿ ಕಾಲೇಜು ವಿದ್ಯಾರ್ಥಿಗಳು ಭಾಗಿ
- ಹುಬ್ಬಳ್ಳಿ ಕೆಎಲ್ ಇ ಐಎಂಎಸ್ ಆರ್ ನಿಂದ ಆಯೋಜನೆ
ಹುಬ್ಬಳ್ಳಿ: mads meet ಇಲ್ಲಿಯ ವಿದ್ಯಾನಗರ ಕೆಎಲ್ಇ ಸಂಸ್ಥೆಯ ಇನ್ಸ್ಟಿಟ್ಯೂಟ್ ಮ್ಯಾನೇಜಮೆಂಟ್ ಸ್ಟಡಿಸ್ ಆ್ಯಂಡ್ ರೀಸರ್ಚ್ (ಐಎಂಎಸ್ಆರ್) ಎಂಬಿಎ ಕಾಲೇಜಿನ ವತಿಯಿಂದ ಮೇ 8 ಹಾಗೂ 9ರಂದು ರಾಜ್ಯ ಮಟ್ಟದ ಮ್ಯಾನೇಜ್ಮೆಂಟ್ ಉತ್ಸವ ಮ್ಯಾಡ್ಸ್ ಮೀಟ್ 2ಕೆ26 ಏರ್ಪಡಿಸಲಾಗಿದೆ ಎಂದು ಐಎಂಎಸ್ಆರ್ ನಿರ್ದೇಶಕ ಡಾ. ರಾಜೇಂದ್ರಪ್ರಸಾದ ಹನಗಂಡಿ ತಿಳಿಸಿದರು.
ನಗರದಲ್ಲಿ ಗುರುವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಉದ್ಯಮಶೀಲತೆ ಪ್ರೋತ್ಸಾಹಿಸುವ ಉದ್ದೇಶದಿಂದ 2014ರಿಂದ ಇಲ್ಲಿಯವರೆಗೆ ಎಂಟು ಬಾರಿ ಇಂತಹ ಕಾರ್ಯಕ್ರಮ ಆಯೋಜಿಸುತ್ತ ಬರಲಾಗಿದೆ. ಈ ಸಮ್ಮೇಳನದಿಂದ ವಿದ್ಯಾರ್ಥಿಗಳಲ್ಲಿ ಹೊಸ ಆಲೋಚನೆಗಳಿಗೆ ಇಂಬು ನೀಡಲಾಗುವುದು. ನವೋದ್ಯಮಿಗಳಲ್ಲಿರುವ ಹೊಸ ಕೌಶಲ, ಆಲೋಚನೆಗಳನ್ನು ಗುರುತಿಸುವ ಕಾರ್ಯ ಇದರಿಂದ ಮಾಡಲಾಗುತ್ತದೆ ಎಂದರು.
ಎರಡು ದಿನಗಳ ಕಾರ್ಯಕ್ರಮದಲ್ಲಿ ಐದು ಸ್ಪರ್ಧೆಗಳನ್ನು ನಡೆಸಲಾಗುವುದು. ಕರ್ಟನ್ ರೇಸರ್, ರೈಸಿಂಗ್ ಪಲಾಡಿನ್, ಮ್ಯಾಚ್ ವಿಜ್, ನೋವಸ್ ದಿ ಸೋಶಿಯಲ್ ಆಂತ್ರಪ್ರಿನರ್, ಸ್ಟಾರ್ಟಾಥಾನ್ ನೋವಾಸ್ ದಿ ಸೋಶಿಯಲ್ ಆಂತ್ರಪ್ರಿನರ್ ಸ್ಪರ್ಧೆಗಳು ನಡೆಯಲಿವೆ.
ಎಲ್ಲ ವಿಭಾಗಗಳಲ್ಲಿ ವಿಜೇತ ತಂಡಕ್ಕೆ 15 ಸಾವಿರ ರೂ. ಜನರಲ್ ಚಾಂಪಿಯನ್ ಪ್ರಶಸ್ತಿಯೊಂದಿಗೆ ಬಹುಮಾನ ನೀಡಲಾಗುವುದು. ಈಗಾಗಲೇ ರಾಜ್ಯದ 20ಕ್ಕೂ ಹೆಚ್ಚು ತಂಡಗಳು ನೋಂದಣಿ ಮಾಡಿಸಿದ್ದು, ಇನ್ನೂ ಕೆಲವು ಕಾಲೇಜುಗಳು ಬರುವ ನಿರೀಕ್ಷೆ ಇದೆ ಎಂದರು.
ಮೇ 9ರಂದು ಸಂಜೆ 6.30ಕ್ಕೆ ನಡೆಯುವ ಸಮಾರೋಪಕ್ಕೆ ನಟಿ ಅನುಪ್ರಭಾಕರ ಅತಿಥಿಗಳಾಗಿ ಭಾಗವಹಿಸುವರು. ಕೆಎಲ್ ಇ ಐಎಂಎಸ್ ಆರ್ ಸ್ಥಾನಿಕ ಆಡಳಿತ ಮಂಡಳಿ ಕಾರ್ಯಾಧ್ಯಕ್ಷ ಎಸ್.ಸಿ. ಮೆಟಗುಡ್ಡ ಅಧ್ಯಕ್ಷತೆ ವಹಿಸುವರು ಎಂದು ಹೇಳಿದರು.