ವಲ್ಡ್ ಜೂನಿಯರ್ (Junior shooting) ಶೂಟಿಂಗ್ ಚಾಂಪಿಯನ್ಶಿಪ್ನಲ್ಲಿ ಬೆಳ್ಳಿ ಪದಕ ಗೆದ್ದ ಹುಬ್ಬಳ್ಳಿಯ ಐಶ್ವರ್ಯ ಬಾಲೆಹೊಸೂರ ಜತೆ ರಷ್ಯಾದ ಎಸ್. ಸೋಫಿಯಾ (ಚಿನ್ನ) ಹಾಗೂ ಮಂಗೋಲಿಯಾದ ಅಮರಬಯಸಗಲನ್ ಅರಿವುಝುಯ (ಕಂಚು) ಇದ್ದಾರೆ.
ಹುಬ್ಬಳ್ಳಿ: ಜರ್ಮನಿ ಸೂಲ್ನಲ್ಲಿ ನಡೆಯುತ್ತಿರುವ (Junior shooting) ವರ್ಲ್ಡ್ ಜೂನಿಯರ್ ಶೂಟಿಂಗ್ ಚಾಂಪಿಯನ್ಶಿಪ್ನಲ್ಲಿ ಹುಬ್ಬಳ್ಳಿಯ ಹುಡುಗಿ ಐಶ್ವರ್ಯ ಬಾಲೆಹೊಸೂರ 50 ಮೀ. ಫ್ರೀ ಪಿಸ್ತೂಲ್ ವಿಭಾಗದಲ್ಲಿ ಬೆಳ್ಳಿ ಪದಕ ಜಯಿಸಿದ್ದಾರೆ.
ರಷ್ಯಾದ ಎಸ್. ಸೋಫಿಯಾ ಚಿನ್ನದ ಪದಕ ಪಡೆದರೆ, ಕಂಚಿನ ಪದಕವನ್ನು ಮಂಗೋಲಿಯಾದ ಅಮರಬಯಸಗಲನ್ ಅರಿವುಝುಯ ಪಡೆದರು. ಸೋಫಿಯಾ ಹಾಗೂ ಐಶ್ವರ್ಯ ತಲಾ 540 ಅಂಕಗಳನ್ನು ಸಂಪಾದಿಸಿದರು.
ಐಶ್ವರ್ಯ ಅವರು ಹುಬ್ಬಳ್ಳಿ ಶೂಟಿಂಗ್ ಅಕಾಡೆಮಿಯ ತರಬೇತುದಾರ, ಮಾಜಿ ಸೈನಿಕ ರವಿಚಂದ್ರ ಬಾಲೆಹೊಸೂರ ಅವರ ಪುತ್ರಿ.