iems job fair 300ಕ್ಕೂ ಹೆಚ್ಚು ಜನರಿಗೆ ಉದ್ಯೋಗ

ಹುಬ್ಬಳ್ಳಿ: iems job fair ಹೊಸ ಪದವೀಧರರಿಂದ ಉದ್ಯಮದ ನಿರೀಕ್ಷೆಗಳು ಬಹಳಷ್ಟು ಇರುತ್ತವೆ. ನಿರಂತರ ಕಲಿಕೆಯ ಉತ್ಸಾಹ, ತಂಡದಲ್ಲಿ ಕೆಲಸ ಮಾಡುವುದು, ಸಹಯೋಗ ಇತ್ಯಾದಿಗಳು ಉದ್ಯಮದ ನಿರೀಕ್ಷೆಗಳಾಗಿವೆ ಎಂದು ಆರ್​ಎನ್​ಎಸ್​ ಮೋಟಾರ್ಸ್​ ಮಾನವ ಸಂಪನ್ಮೂಲ ವಿಭಾಗದ ವ್ಯವಸ್ಥಾಪಕ ನಿರ್ದೇಶಕ ಸತೀಶ್​ ಹೇಳಿದರು.

ಇಲ್ಲಿಯ ಇನ್​ಸ್ಟಿಟ್ಯೂಟ್​ ಆಫ್​ ಎಕ್ಸಲೆನ್ಸ್​ ಇನ್​ ಮ್ಯಾನೇಜಮೆಂಟ್​ ಸೈನ್ಸ್​ (ಐಇಎಂಎಸ್​) ಎಂಬಿಎ ಕಾಲೇಜು ಕ್ಯಾಂಪಸ್​ನಲ್ಲಿ ಭಾನುವಾರ ಆಯೋಜಿಸಿದ್ದ ಉದ್ಯೋಗ ಮೇಳವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.

ಹೊಸ ಕೆಲಸಕ್ಕೆ ಸೇರಿದ ಆರಂಭಿಕರು ತಮಗೆ ಎದುರಾಗುವ ಸವಾಲುಗಳನ್ನು ಗೆಲ್ಲಲು ಶ್ರಮಿಸಬೇಕು. ದೀರ್ಘಾವಧಿಯ ಬದ್ಧತೆಯು ಖಂಡಿತವಾಗಿಯೂ ಅವರನ್ನು ವೃತ್ತಿ ಜೀವನದ ಅತ್ಯುನ್ನತ ಹಂತಕ್ಕೆ ಕೊಂಡೊಯ್ಯುತ್ತದೆ ಎಂದು ಅಭಿಪ್ರಾಯ ಪಟ್ಟರು.

ಐಇಎಂಎಸ್​ ನಿರ್ದೇಶಕ ಡಾ. ವೀರಣ್ಣ ಡಿ.ಕೆ. ಮಾತನಾಡಿ, ಸಂಸ್ಥೆಯ ಅಧ್ಯಕ್ಷ ಸಿಎ ಡಾ. ಎನ್​.ಎ. ಚರಂತಿಮಠ ಅವರು ಯುವ ಜನರ ಸಲುವಾಗಿ ಒಂದೇ ಸೂರಿನಡಿ ಅನೇಕ ಬಹುರಾಷ್ಟ್ರೀಯ ಕಂಪನಿಗಳನ್ನು ಆಹ್ವಾನಿಸಿ ಉದ್ಯೋಗ ನೀಡುವ ಕೆಲಸ ಮಾಡಿದ್ದಾರೆ. ಈ ಮೇಳದಲ್ಲಿ 33 ಕಂಪನಿಗಳು ಭಾಗವಹಿಸಿ ಸುಮಾರು 300 ಉದ್ಯೋಗಾಕಾಂಕ್ಷಿಗಳ ಸಂದರ್ಶನ ನಡೆಸಿವೆ ಎಂದರು.