literature ಹುಬ್ಬಳ್ಳಿ ಪ್ರಥಮ ಮಹಿಳಾ ಸಾಹಿತ್ಯ ಸಮ್ಮೇಳನ

ಹುಬ್ಬಳ್ಳಿ: literature ಅಖಿಲ ಕರ್ನಾಟಕ ಮಹಿಳಾ ಕನ್ನಡ ಸಾಹಿತ್ಯ ಪರಿಷತ್​ ಹುಬ್ಬಳ್ಳಿ ಧಾರವಾಡ ಘಟಕ ವತಿಯಿಂದ ಮಹಿಳೆಯರಿಗೆ ಪ್ರಧಾನ ವೇದಿಕೆ ಒದಗಿಸುವ ಸಲುವಾಗಿ ಪ್ರಥಮ ಮಹಿಳಾ ಸಾಹಿತ್ಯ ಸಮ್ಮೇಳನವನ್ನು ಜ. 31ರಂದು ನಗರದ ಸಿದ್ಧಾರೂಢ ಮಠ ಆವರಣದಲ್ಲಿ ಏರ್ಪಡಿಸಲಾಗಿದೆ ಎಂದು ಪರಿಷತ್​ ಸಂಸ್ಥಾಪಕ ಗಂಗಾಧರ ದೊಡ್ಡವಾಡ ತಿಳಿಸಿದರು.

ಪ್ರಥಮ ಸಮ್ಮೇಳನದ ಸರ್ವಾಧ್ಯಕ್ಷರಾಗಿ ಆಯ್ಕೆಯಾಗಿರುವ ಭಾರತಿ ರಾಜಗುರು ಅವರನ್ನು ಬೆಳಗ್ಗೆ 9ಕ್ಕೆ ಅಲಂಕೃತ ವಾಹನದಲ್ಲಿ ಶ್ರೀ ಸಿದ್ಧಾರೂಢ ಮಠ ಮಹಾದ್ವಾರದಿಂದ ಮೆರವಣಿಗೆ ಮೂಲಕ ಕರೆತರಲಾಗುವುದು. ಡೊಳ್ಳು, ಜಾಂಜ್​ಮೇಳ, ಕರಡಿಮಜಲು, ಜಗ್ಗಲಗಿ ಮೇಳ, ಹೆಜ್ಜೆ ಮೇಳ ಸೇರಿ 20ಕ್ಕೂ ಹೆಚ್ಚು ಕಲಾ ತಂಡಗಳು ಭಾಗವಹಿಸಲಿವೆ.

ಡಿಡಿಪಿಯು ತೇಜಶ್ವಿನಿ ನಾರಾಯಣಕರ, ಲೀಲಕ್ಕ ಬೆಲ್ಲದ, ಮಹಾದೇವಿ ಕೊಪ್ಪದ, ಲೀಲಾವತಿ ಹಿರೇಮಠ ಇತರರು ಪಾಲ್ಗೊಳ್ಳುವರು. ಪ್ರೊ. ಶಾರದಾ ಡಂಬಳ, ಶಾರದಾ ಕೌದಿ ಅವರು ಉಪನ್ಯಾಸ ನೀಡುವರು.

ಪರಿಷತ್​ನ ನಗರ ಹಾಗೂ ಗ್ರಾಮೀಣ ತಾಲೂಕು ಘಟಕಗಳು, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸಹಯೋಗದಲ್ಲಿ ಏರ್ಪಡಿಸಿರುವ ಸಮ್ಮೇಳನದಲ್ಲಿ ವಿವಿಧ ಗೋಷ್ಠಿ, ಸಂವಾದಗಳು ನಡೆಯಲಿವೆ. ಸಂಜೆ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮ, ಜಾನಪದ ಹಾಡು, ನೃತ್ಯ ಮುಂತಾದ ಚಟುವಟಿಕೆಗಳು ಜರುಗಲಿವೆ ಎಂದರು.