ಧಾರವಾಡದಲ್ಲಿ ಫುಟ್ಪಾತ್ ಅತಿಕ್ರಮಣ
ಧಾರವಾಡ: ನಗರದಲ್ಲಿ ವಾಹನಗಳ ಸಂಖ್ಯೆ ದಿನೇದಿನೇ ಹೆಚ್ಚುತ್ತಲೇ ಇದೆ. ಇದರೊಂದಿಗೆ ಬೀದಿಬದಿ ವ್ಯಾಪಾರಸ್ಥರ ಸಂಖ್ಯೆಯೂ ಏರುತ್ತಿದೆ. ಪರಿಣಾಮ ನಗರದ ಕೆಲವೆಡೆ ವಾಹನ ಸವಾರರು, ಮತ್ತೆ ಕೆಲವೆಡೆ ಬೀದಿಬದಿ ವ್ಯಾಪಾರಸ್ಥರುಫುಟ್ಪಾತ್ ಅತಿಕ್ರಮಣ ಮಾಡುತ್ತಿದ್ದಾರೆ. ಅನೇಕ ಕಡೆಫುಟ್ಪಾತ್ಗಳಲ್ಲಿ ಪಾದಚಾರಿಗಳು ನಡೆದಾಡಲೂ ದಾರಿ ಇಲ್ಲದೆ ರಸ್ತೆಯಲ್ಲಿ ಸಂಚರಿಸಬೇಕಾದ ಅನಿವಾರ್ಯತೆ ಇದೆ.
ಧಾರವಾಡ ವಿಜಯಾ ರಸ್ತೆಯ ಸಿಬಿಟಿ ಸುತ್ತಮುತ್ತ ರಸ್ತೆ ಪಕ್ಕದ ಫುಟ್ಪಾತ್ ನುಂಗಣ್ಣರ ಪಾಲಾಗಿದೆ. ಅಂಗಡಿಕಾರರು ತಾವು ಮಾರಾಟ ಮಾಡುವ ಸಾಮಗ್ರಿಗಳನ್ನು ಫುಟ್ಪಾತ್ ಮೇಲಿಡುತ್ತಿದ್ದಾರೆ. ಹೀಗೆ ಫುಟ್ಪಾತ್ ಅತಿಕ್ರಮಣವಾದರೂ ಪಾಲಿಕೆ ಅಧಿಕಾರಿಗಳು ಕಣ್ಣು ಬಿಟ್ಟು ನೋಡುತ್ತಿಲ್ಲ. ಇಂಥ ಅಂಗಡಿಕಾರರ ಮೇಲೆ ಕ್ರಮ ಜರುಗಿಸಿ ದಂಡ ವಿಧಿಸಬೇಕು ಎಂಬುದು ಸಾರ್ವಜನಿಕರ ಒತ್ತಾಯ.
ಮತ್ತೊಂದೆಡೆ ಸುಭಾಸ ರಸ್ತೆಯ ಫುಟ್ಪಾತ್ಗಳಂತೂ ನಡೆದಾಡಲು ಜಾಗವಿಲ್ಲದಂತೆ ಅತಿಕ್ರಮಣವಾಗಿವೆ. ಹಣ್ಣಿನ ವ್ಯಾಪಾರಸ್ಥರು ರಸ್ತೆ ಬದಿ ಹಾಕಿ ವ್ಯಾಪಾರ ಮಾಡುತ್ತಿದ್ದಾರೆ. ಅಷ್ಟಿಷ್ಟು ಉಳಿದ ಫುಟ್ಪಾತ್ ಮೇಲೆ ತಮ್ಮ ಸಾಮಗ್ರಿಗಳನ್ನು ಇಟ್ಟು ಅಂಗಡಿಗಳನ್ನು ಕೂಡುತ್ತಿದ್ದಾರೆ.
ಮತ್ತೊಂದೆಡೆ ಎನ್ಎಂಆರ್ ಸ್ಕಾನ್ ಸೆಂಟರ್ನಿಂದ ಸಿವಿಲ್ ಕೋರ್ಟ್ ವೃತ್ತದವರೆಗಿನ ಎರಡೂ ಬದಿಯಲ್ಲಿ ವಾಹನ ಸವಾರರ ಹಾವಳಿ ಹೆಚ್ಚು. ರಸ್ತೆ ಬದಿಯ ುಟ್ಪಾತ್ ಅತಿಕ್ರಮಿಸಿರುವ ಬೈಕ್ಗಳು ಇಲ್ಲಿ ಸಾಮಾನ್ಯ. ಇಲ್ಲಿನ ಬಹುತೇಕ ವಾಣಿಜ್ಯ ಕಟ್ಟಡಗಳಿಗೆ ಪಾಕಿರ್ಂಗ್ ವ್ಯವಸ್ಥೆ ಇಲ್ಲ. ಸಂಜೆಯಾದರೆ ರಸ್ತೆಯ ಆಚೀಚೆ ಕಾರ್ಗಳನ್ನು ನಿಲ್ಲಿಸಲಾಗುತ್ತದೆ. ಕೆಲವೊಮ್ಮೆ ುಟ್ಪಾತ್ಗಳಲ್ಲೇ ಕಾರ್ ಪಾಕಿರ್ಂಗ್ ಮಾಡಲಾಗುತ್ತದೆ.
ನಗರದ ಮಾರುಕಟ್ಟೆ ಪ್ರದೇಶದ ರಸ್ತೆಗಳನ್ನು ಅತಿಕ್ರಮಿಸುವ ಬೀದಿಬದಿ ವ್ಯಾಪಾರಸ್ಥರ ವಿರುದ್ಧ ಪಾಲಿಕೆ ಆಯುಕ್ತರಾಗಿದ್ದ ಮೇಜರ್ ಸಿದ್ದಲಿಂಗಯ್ಯ ಹಿರೇಮಠ ಕ್ರಮ ಜರುಗಿಸಿದ್ದರು. ರಸ್ತೆ ಅತಿಕ್ರಮಿಸಿದ್ದ ತಳ್ಳುವ ಗಾಡಿಗಳನ್ನು ಹಿಂದಕ್ಕೆ ಸರಿಸಿ ಬಿಳಿ ಪಟ್ಟಿಯಿಂದ ಗುರುತು ಮಾಡಿದ್ದರು. ಅದಾದ ನಂತರ ಪಾಲಿಕೆಯಿಂದ ಈ ರೀತಿಯ ಕ್ರಮವಾಗಿಲ್ಲ.