flute music ಪಂ. ಪ್ರವೀಣ ಗೋಡ್ಖಿಂಡಿ
- 14ರಂದು ಕೃಷ್ಣಾ ಹಾನಗಲ್ ರಾಷ್ಟ್ರೀಯ ಪುರಸ್ಕಾರ ಪ್ರದಾನ
ನಗರದಲ್ಲಿ ಶನಿವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಖ್ಯಾತ ಹಿಂದುಸ್ತಾನಿ ಕಲಾವಿದೆ, ವಿದುಷಿ ಕೃಷ್ಣಾ ಹಾನಗಲ್ ಅವರ ಸ್ಮರಣೆಯಲ್ಲಿ ಪ್ರತಿ ವರ್ಷ ಪ್ರಬುದ್ಧ ಕಲಾವಿದರೊಬ್ಬರಿಗೆ ಪುರಸ್ಕಾರ ನೀಡುತ್ತ ಬರಲಾಗಿದೆ. ಪ್ರಶಸ್ತಿಯು 50 ಸಾವಿರ ರೂ. ನಗದು, ಫಲಕಗಳನ್ನು ಒಳಗೊಂಡಿದೆ. ಜ. 14ರಂದು ಸಂಜೆ 5ಕ್ಕೆ ಇಲ್ಲಿಯ ಸವಾಯಿ ಗಂಧರ್ವ ಹಾಲ್ನಲ್ಲಿ ಏರ್ಪಡಿಸಿರುವ ಕಾರ್ಯಕ್ರಮದಲ್ಲಿ ಪದ್ಮಶ್ರೀ ಪಂ. ವೆಂಕಟೇಶಕುಮಾರ ಅವರು ಪ್ರಶಸ್ತಿ ಪ್ರದಾನ ಮಾಡುವರು ಎಂದರು.
ಸಿಂಫನಿ ಇನ್ಸ್ಟಿಟ್ಯೂಟ್ ಆಫ ಮ್ಯೂಸಿಕ್ ಆಶ್ರಯದಲ್ಲಿ ಕಾರ್ಯಕ್ರಮ ಆಯೋಜಿಸಲಾಗಿದ್ದು, ಪಂ. ಪ್ರವಿಣ ಗೋಡ್ಖಿಂಡಿ ಅವರ ಕೊಳಲು ವಾದನ ಇರಲಿದೆ. ಆರಂಭದಲ್ಲಿ ಕೋಮಲ್ ನಾಡಿಗೇರ ಗಾಯನದೊಂದಿಗೆ ಸಂಗೀತ ಕಚೇರಿ ಆರಂಭವಾಗಲಿದೆ. ಹೇಮಂತ ಜೋಶಿ, ಬಸವರಾಜ ಹಿರೇಮಠ ಅವರು ತಬಲಾ, ಚಿದಂಬರ ಜೋಶಿ ಹಾಮೋರ್ನಿಯಂ ಸಾಥ್ ನೀಡುವರು.
ಸಂಗೀತ ವಿದ್ಯಾಲಯದ ವೈಷ್ಣವಿ ಹಾನಗಲ್ ಮಾತನಾಡಿ, ಗಂಗೂಬಾಯಿ ಹಾನಗಲ್ ಅವರು ವಾಸವಾಗಿದ್ದ ದೇಶಪಾಂಡೆನಗರದ ಮನೆಯಲ್ಲಿ ಸಂಗೀತ ತರಬೇತಿ ನಡೆಸಲಾಗುತ್ತಿದೆ. ಅವರು ಬಳಕೆ ಮಾಡುತ್ತಿದ್ದ ಸಂಗೀತ ಪರಿಕರ, ಅವರಿಗೆ ಸಂದ ಗೌರವ, ಸನ್ಮಾನ, ಬಿರುದುಗಳ ಮ್ಯೂಸಿಯಂ ಮಾಡಲಾಗಿದ್ದು, ಅನೇಕರು ಭೇಟಿ ನೀಡಿ ವೀಕ್ಷಣೆ ಮಾಡುತ್ತಿದ್ದಾರೆ. ಮಕ್ಕಳು, ಸಂಗೀತಾಸಕ್ತರು ಭೇಟಿ ನೀಡಬಹುದು ಎಂದರು.