ಹುಬ್ಬಳ್ಳಿ: ಹುಬ್ಬಳ್ಳಿ ಧಾರವಾಡ ಕೋರಿಯರ್ ಬುಕಿಂಗ್ ಹಾಗೂ ಹಂಚಿಕೆದಾರರ ಸಂಘದ ವತಿಯಿಂದ ದಸರಾ, ದೀಪಾವಳಿ ಹಬ್ಬದ ಪ್ರಯುಕ್ತ ಕೋರಿಯರ್ ಸಿಬ್ಬಂದಿಗೆ ಆಹಾರ ಧಾನ್ಯ ಕಿಟ್ ವಿತರಣೆ ಸಮಾರಂಭವನ್ನು ಅ. 25ರಂದು ಬೆಳಗ್ಗೆ 10ಕ್ಕೆ ಹೊಸೂರಿನ ಶಂಕರ ಸದನದಲ್ಲಿ ಹಮ್ಮಿಕೊಳ್ಳಲಾಗಿದೆ ಎಂದು ಸಂಘದ ಅಧ್ಯಕ್ಷ ಶಶಿಕುಮಾರ ಎನ್. ತಿಳಿಸಿದರು.
ನಗರದಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಸಂಘ ರಚನೆಯಾಗಿ ನಾಲ್ಕು ವರ್ಷವಾಗಿದೆ. ಪ್ರತಿ ವರ್ಷ ಅಗತ್ಯ ಇರುವವರಿಗೆ ಕಿಟ್ ನೀಡುತ್ತ ಬರಲಾಗಿದೆ. ಸಂಘದಲ್ಲಿ ಅಂದಾಜು 350 ಜನರ ನೋಂದಣಿ ಮಾಡಿಕೊಂಡಿದ್ದಾರೆ. ಸುಮಾರು 250 ಕಿಟ್ಗಳನ್ನು ನೀಡುವ ಉದ್ದೇಶವಿದೆ ಎಂದರು.
ಕಿಟ್ನಲ್ಲಿ ಅಕ್ಕಿ, ಸಕ್ಕರೆ, ಬೆಲ್ಲ, ಬೇಳೆ, ಎಣ್ಣೆ ಸೇರಿ ಸಾವಿರ ರೂ. ಮೌಲ್ಯದ ಆಹಾರ ಪದಾರ್ಥಗಳನ್ನು ಪ್ಯಾಕ್ ಮಾಡಲಾಗಿದೆ. ಇದರೊಂದಿಗೆ ಸಿಬ್ಬಂದಿಯ ಹಿತ ರಕ್ಷಣೆಗೆ ಸಾಮಾಜಿಕ ಸೇವಾ ಚಟುವಟಿಕೆಗಳನ್ನು ಕೈಗೊಳ್ಳುವ ಗುರಿ ಇಟ್ಟುಕೊಳ್ಳಲಾಗಿದೆ ಎಂದರು.
ಸಮಾರಂಭದಲ್ಲಿ ಸಂಘದ ಉಪಾಧ್ಯಕ್ಷ ಬಸವನಗೌಡ ಪಾಟೀಲ, ಲಕ್ಷ್ಮಣ ನರಗುಂದ, ಅಬ್ದುಲ್ ಸಾಧಿಕ್, ಕಾಂತೇಶ ಮುದೇನೂರ, ಸಿ.ಎಸ್. ಹಿರೇಮಠ, ಬಸವರಾಜ ಕೆ.ಬಿ, ವಿನಾಯಕ ಜೋಶಿ, ಶಕೀಲ್ ವಲಿ ಅಹ್ಮದ, ಹಜರತ್ ಅಲಿ ಲಕ್ಷ್ಮೇಶ್ವರ, ಅನೇಕರು ಪಾಲ್ಗೊಳ್ಳುವರು.