ನವಲಗುಂದ ತಾಲೂಕು ಶಿರೂರ ಗ್ರಾಮದ ರೈತ ಮುಖಂಡ ಮಲ್ಲಿಕಾರ್ಜುನ ಬಾಳನಗೌಡರ ಅವರು ಕಾಯಿ ಬಿಡದ ಹೆಸರು ಬೆಳೆಯನ್ನು ಧಾರವಾಡ ಉಸ್ತುವಾರಿ ಸಚಿವ ಸಂತೋಷ ಲಾಡ್ಗೆ ತೋರಿಸಿದರು.
ಜಿಲ್ಲೆಯ ಕೆಲವೆಡೆ ಮಳೆಯಾಗಿದೆ, ಕೆಲವೆಡೆ ಆಗಿಲ್ಲ. ಕೆಲ ತಾಲೂಕಿನಲ್ಲಿ ಹಸಿರು ಬೆಳೆಗಳು ಕಾಣುತ್ತಿವೆ. ಆದರೆ, ಸಮಯಕ್ಕೆ ಸರಿಯಾಗಿ ಮಳೆಯಾಗದ ಕಾರಣ ಕಾಯಿ ಬಿಟ್ಟಿಲ್ಲ. ಆದ್ದರಿಂದ ಸರ್ಕಾರ ಪ್ರತಿಯೊಂದು ಸರ್ವೇ ನಂಬರ್ಗಳ ಪ್ರಕಾರ ಸರ್ವೇ ಮಾಡಿಸಿ ಸಲು ನಷ್ಟ ಆಧರಿಸಿ ಬೆಳೆ ಹಾನಿ ಪರಿಹಾರ ಮೊತ್ತ ನಿರ್ಧರಿಸಲಿದೆ ಎಂದು ಜಿಲ್ಲಾ ಉಸ್ತುವಾರಿ ಸಚಿವ ಸಂತೋಷ ಲಾಡ್ ತಿಳಿಸಿದರು.
ನವಲಗುಂದ ತಾಲೂಕು ಶಿರೂರ ಗ್ರಾಮದ ರೈತ ಮುಖಂಡ ಮಲ್ಲಿಕಾರ್ಜುನ ಬಾಳನಗೌಡರ ನೇತೃತ್ವದಲ್ಲಿ ರೈತರು ಕಾಯಿ ಬಿಡದ ಹೆಸರು ಬೆಳೆಯನ್ನು ತೋರಿಸಿದ್ದಾರೆ. ಆದ್ದರಿಂದ ಹಾನಿ ಪ್ರಮಾಣ ಮತ್ತು ಮಾನದಂಡಗಳನ್ನು ಅವಲೋಕಿಸಿ ಪರಿಹಾರದ ಮೊತ್ತ ನಿಗದಿಪಡಿಸಲಾಗುವುದು ಎಂದರು.