blood camp ಹುಬ್ಬಳ್ಳಿಯ ವರೂರ ವಿಆರ್ಎಲ್ ಮುಖ್ಯ ಕಚೇರಿಯಲ್ಲಿ ಶುಕ್ರವಾರ ವಿಆರ್ಎಲ್ ಸಮೂಹ ಸಂಸ್ಥೆಗಳ ಚೇರ್ಮನ್ ಡಾ. ವಿಜಯ ಸಂಕೇಶ್ವರ ಅವರ ಜನ್ಮದಿನ ನಿಮಿತ್ತ ಏರ್ಪಡಿಸಿದ್ದ ಶಿಬಿರದಲ್ಲಿ ಸಿಬ್ಬಂದಿ ರಕ್ತದಾನ ಮಾಡಿದರು. ಎಸ್.ಜಿ. ಪಾಟೀಲ, ಅಮರ ಸೂಜಿ, ವಿದ್ಯಾಧರ ಯಲಗಚ್ಚ, ಮಂಜುನಾಥ ಹೊಂಬಳ, ನಿತಿನ್ ಶೆಣೈ ಇತರರು ಇದ್ದರು.
ಹುಬ್ಬಳ್ಳಿ: blood camp ವಿಆರ್ಎಲ್ ಸಮೂಹ ಸಂಸ್ಥೆಗಳ ಚೇರ್ಮನ್, ಪದ್ಮಶ್ರೀ ಪುರಸ್ಕೃತರಾದ ಡಾ. ವಿಜಯ ಸಂಕೇಶ್ವರ ಅವರ 76ನೇ ಜನ್ಮದಿನದ ಅಂಗವಾಗಿ ಶುಕ್ರವಾರ ವರೂರಿನ ವಿಆರ್ಎಲ್ ಮುಖ್ಯ ಕಚೇರಿಯಲ್ಲಿ ರಕ್ತದಾನ ಶಿಬಿರ
ರೋಟರಿ ಕ್ಲಬ್ ಆಫ್ ಹುಬ್ಬಳ್ಳಿ, ವಿಆರ್ಎಲ್ ಲಾಜಿಸ್ಟಿಕ್ಸ್ ಲಿಮಿಟೆಡ್ ಹಾಗೂ ರಾಷ್ಟ್ರೊತ್ಥಾನ ಬ್ಲಡ್ ಬ್ಯಾಂಕ್ ಇವರ ಸಂಯುಕ್ತ ಆಶ್ರಯದಲ್ಲಿ ಆಯೋಜಿಸಿದ್ದ ಶಿಬಿರದಲ್ಲಿ ವಿಆರ್ಎಲ್ ಸಿಬ್ಬಂದಿ ಉತ್ಸಾಹದಿಂದ ರಕ್ತದಾನ ಮಾಡಿದರು.
ಒಟ್ಟು 222 ಯೂನಿಟ್ಗಳಷ್ಟು ರಕ್ತ ಸಂಗ್ರಹಿಸಲಾಯಿತು. ರಕ್ತದಾನ ಮಾಡಿದ ಸಿಬ್ಬಂದಿಗೆ ಕೃತಜ್ಞತೆಯ ಸಂಕೇತವಾಗಿ ಹಣ್ಣುಗಳು ಹಾಗೂ ಉಪಹಾರವನ್ನು ನೀಡಲಾಯಿತು.
ವಿಆರ್ಎಲ್ ಲಾಜಿಸ್ಟಿಕ್ಸ್ ಮಾನವ ಸಂಪನ್ಮೂಲ ವಿಭಾಗದ ಉಪಾಧ್ಯಕ್ಷ ಎಸ್.ಜಿ. ಪಾಟೀಲ ಅವರ ಸಹಕಾರದೊಂದಿಗೆ ಕಾರ್ಯಕ್ರಮ ಯಶಸ್ವಿಯಾಯಿತು. ನಿತಿನ್ ಶೆಣೈ ಅಧ್ಯಕ್ಷತೆ ವಹಿಸಿದ್ದರು.
ರೋಟರಿ ಕ್ಲಬ್ ಕಾರ್ಯದರ್ಶಿ ಅಮರ ಸೂಜಿ, ಸದಸ್ಯರಾದ ವಿದ್ಯಾಧರ ಯಲಗಚ್ಚ, ಸುಭಾಷ್ಚಂದ್ರ ಹೊಳಲ, ವಸಂತ ಭಸ್ಮೆ, ಜಯೇಶ್ ಇರಕಲ್, ರಾವೇಂದ್ರ ಜೀವಣ್ಣವರ, ಪ್ರಕಾಶ ರಾವ್, ಮೋಹಿತ್ ದಂಡ್, ಸಮುದಾಯ ಸೇವಾ ನಿರ್ದೇಶಕ ಮಂಜುನಾಥ ಹೊಂಬಳ ಉಪಸ್ಥಿತರಿದ್ದರು.