ಧಾರವಾಡ: ಗ್ಯಾಸ್ ಸಿಲಿಂಡರ್ಗಳ ಅಭಾವ ಒಂದೆಡೆಯಾದರೆ ನಗರದ ಆಟೋ ಗ್ಯಾಸ್ಗೂ ಬರ ಎದುರಾಗಿದೆ. ನಗರದಲ್ಲಿರುವ 6 ಎಲ್ಪಿಜಿ ಬಂಕ್ಳು ಬಂದ್ ಆಗಿವೆ.
ನಗರದ ವಿದ್ಯಾಗಿರಿಯ ಜಿಯೋ ಎಲ್ಪಿಜಿ, ಮೈಸೂರು ಗ್ಯಾರೇಜ್ ಬಳಿಯ ಗೋ ಗ್ಯಾಸ್, ಓಲ್ಡ್ ಎಸ್ಪಿ ವೃತ್ತದ ಎಲ್ಪಿಜಿ ಬಂಕ್, ಹೊಸಯಲ್ಲಾಪುರ ಮುಖ್ಯ ರಸ್ತೆಯಲ್ಲಿರುವ ಸೂಪರ್ ಗ್ಯಾಸ್ ಬಂಕ್ ಹಾಗೂ ಹೆಬ್ಬಳ್ಳಿ ರಸ್ತೆಯ ಎಲ್ಪಿಜಿ ಬಂಕ್ಗಳು ಸರಬರಾಜು ಇಲ್ಲದೆ ಶುಕ್ರವಾರ ಬೆಳಗ್ಗೆಯಿಂದ ಬಂದ್ ಆಗಿವೆ.
ಈ ಬಂಕ್ಗಳನ್ನು ಅವಲಂಬಿಸಿದ್ದ ಆಟೋ ಚಾಲಕರು ಎಲ್ಪಿಜಿ ಸಿಗದಿರುವುದರಿಂದ ಆಟೋಗಳನ್ನು ಮನೆ ಮುಂದೆ ನಿಲ್ಲಿಸುವ ಅನಿವಾರ್ಯತೆ ಎದುರಾಗಿದೆ. ರಾಯಾಪುರದಲ್ಲಿರುವ ಬಂಕ್ನಲ್ಲಿ ಎಲ್ಪಿಜಿ ಸಿಗುತ್ತಿರುವ ಮಾಹಿತಿ ತಿಳಿದು ಆಟೋ ಚಾಲಕರು ಮುಗಿಬಿದ್ದಿದ್ದರು. ಬೆಳಗ್ಗೆಯಿಂದಲೇ ಆಟೋಗಳ ಸರದಿ ಸಾಲು ಇತ್ತು.