ಬರಗೂರು: ಗ್ರಾಮಗಳಲ್ಲಿ ಹೆಚ್ಚು ಧಾರ್ಮಿಕ ಕಾರ್ಯಕ್ರಮಗಳು ನಡೆದಾಗ ಅಭಿವೃದ್ಧಿಗೆ ಸಹಕಾರಿಯಾಗಲಿದೆ ಎಂದು ಶಿರಾ ಬ್ಲಾಕ್ ಕಾಂಗ್ರೆಸ್ ಗ್ರಾಮಾಂತರ ಅಧ್ಯಕ್ಷ ನಟರಾಜ್ ಬರಗೂರು ಹೇಳಿದರು.
ಶಿರಾ ತಾಲೂಕು ಬರಗೂರು ಗ್ರಾಮದಲ್ಲಿ ಭಾನುವಾರ ಏಕದಂತ ಗೆಳೆಯರ ಬಳಗ ಆಯೋಜಿಸಿದ್ದ ರಸಮಂಜರಿ ಕಾರ್ಯಕ್ರಮದಲ್ಲಿ ಮಾತನಾಡಿದರು.
ಶಿರಾ ತಾಲೂಕು ಯುವ ಜೆಡಿಎಸ್ ಅಧ್ಯಕ್ಷ ಮಾತನಾಡಿ, ಎಂಟನೇ ವರ್ಷದ ಗಣೇಶ ಉತ್ಸವ ಮೆರಗು ನೀಡುತ್ತಿದೆ. ಮುಂದಿನ ದಿನಗಳಲ್ಲಿ ಸಹ ಯಶಸ್ವಿಯಾಗಿ ನಡೆದು ಸಂಘದ ಶ್ರೇಯೋಭಿವೃದ್ಧಿಗೆ ಸಾರ್ಥಕತೆ ಕಾಣಲಿ ಎಂದರು.
ಸಹಾಯಕ ಸಬ್ ಇನ್ಸ್ಪೆಕ್ಟರ್ ತಿಪ್ಪಣ್ಣ, ಫಕ್ರುದ್ದೀನ್, ಮುದ್ದುಕೃಷ್ಣಗೌಡ, ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದ ನಿರ್ದೇಶಕ ಸಿದ್ದೇಶ್, ಏಕದಂತ ಗೆಳೆಯರ ಬಳಗದ ರಘುವೀರ್, ಅಫ್ರೋಜ್, ತಿಪ್ಪೇಸ್ವಾಮಿ, ಗುರುಪ್ರಸಾದ್, ಗಿರೀಶ್, ಮನು, ವಿಜಯ್ ಕುಮಾರ್, ಬಸವರಾಜು, ಬೋಜ, ಅಂಜನ್, ಮಲ್ಲೇಶ್, ಹನುಮಂತರಾಯಪ್ಪ, ಕೃಷ್ಣಕುಮಾರ್, ಗೋವಿಂದರಾಜ್, ರಂಜಿತ್ ಮತ್ತು ಗ್ರಾಮಸ್ಥರು ಇದ್ದರು.