ಬದಿಯಡ್ಕ: ಚೆರ್ಕಳ - ಕಲ್ಲಡ್ಕ ಅಂತಾರಾಜ್ಯ ಹೆದ್ದಾರಿ ದುರಸ್ತಿ ಆಗ್ರಹಿಸಿ ಬದಿಯಡ್ಕ ಮಂಡಲ ಕಾಂಗ್ರೆಸ್ ಸಮಿತಿ ನೇತೃತ್ವದಲ್ಲಿ ಪ್ರತಿಭಟನೆ ನಡೆಯಿತು.
ಧರಣಿಯನ್ನು ಡಿಸಿಸಿ ಅಧ್ಯಕ್ಷ ಪಿ.ಕೆ.ಫೈಸಲ್ ಉದ್ಘಾಟಿಸಿ, ಉಕ್ಕಿನಡ್ಕ ಮೆಡಿಕಲ್ ಕಾಲೇಜು ಮತ್ತು ಕರ್ನಾಟಕಕ್ಕೆ ಅನೇಕ ಪ್ರಯಾಣಿಕರು ಹಾದುಹೋಗುವ ರಸ್ತೆ ದುಸ್ಥಿತಿಯಲ್ಲಿದೆ ಎಂಬುದನ್ನು ಅಧಿಕಾರಿಗಳು ನೆನಪಿನಲ್ಲಿಟ್ಟುಕೊಳ್ಳಬೇಕು. 2016ರಿಂದ ಟೆಂಡರ್ ಮಾಡಿದ ನಂತರವೂ ರಸ್ತೆಯನ್ನು ಸಂಚಾರಕ್ಕೆ ಯೋಗ್ಯವಾಗಿಸಲಾಗಿಲ್ಲ ಮತ್ತು ಎಡನೀರಿನಿಂದ ಪಳ್ಳತ್ತಡ್ಕದವರೆಗೆ ವಿವಿಧ ಸ್ಥಳಗಳಲ್ಲಿ ದೊಡ್ಡ ಗುಂಡಿಗಳು ನಿರ್ಮಾಣವಾಗಿದೆ. ಇದು ಪ್ರಯಾಣಿಕರ ಜೀವಕ್ಕೆ ಅಪಾಯಕಾರಿಯಾಗಿದೆ ಮತ್ತು ಇದನ್ನು ತಕ್ಷಣ ಪರಿಹರಿಸದಿದ್ದರೆ ಮುಷ್ಕರ ತೀವ್ರಗೊಳಿಸಬೇಕಾಗುತ್ತದೆ ಎಂದರು.
ಮಂಡಲ ಕಾಂಗ್ರೆಸ್ ಅಧ್ಯಕ್ಷ ಶ್ಯಾಮಪ್ರಸಾದ್ ಮಾನ್ಯ, ಡಿಕೆಟಿಎಫ್ ಜಿಲ್ಲಾಧ್ಯಕ್ಷ ಎ.ವಾಸುದೇವನ್ ನಾಯರ್, ಬ್ಲಾಕ್ ಕಾಂಗ್ರೆಸ್ ಉಪಾಧ್ಯಕ್ಷರಾದ ಖಾದರ್ ಮಾನ್ಯ, ಗಂಗಾಧರ ಗೋಳಿಯಡ್ಕ, ಕಾರ್ಯದರ್ಶಿಗಳಾದ ಶಾಫಿ ಗೋಳಿಯಡ್ಕ, ಚಂದ್ರಹಾಸನ್, ರಾಮ ಪಟ್ಟಾಜೆ, ಕಾಂಗ್ರೆಸ್ ಬ್ಲಾಕ್ ಅಧ್ಯಕ್ಷ ತಿರುಪತಿ ಕುಮಾರ್ ಭಟ್, ಯುವ ಕಾಂಗ್ರೆಸ್ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಶ್ರೀನಾಥ್ ಬಡ್ಡಳದ, ಮುಖಂಡರಾದ ಶ್ರೀನಾಥ್ ಬದಿಯಡ್ಕ, ಕುಮಾರನ್ ನಾಯರ್, ಗೋಪಾಲ ಡಿ., ಸತೀಶ್ ಪೆರ್ಮುಂಡ, ರವಿ ಪಳ್ಳತ್ತಡ್ಕ, ಖಮರುದ್ದೀನ್, ವಾಮನ ನಾಯ್ಕ, ವಿನ್ಸೆಂಟ್, ಬಾಬು ಪಟ್ಟಾಜೆ, ಐತಪ್ಪ ಪಟ್ಟಾಜೆ, ಶಾಫಿ ಗೋಲಿಯಡಿ, ಕುಂಜಿಕಣ್ಣನ್ ಚೇಡೇಕಲ್, ರಾಮ ಗೋಳಿಯಡ್ಕ, ಹಮೀದ್, ಜಾನಿ, ಶರೀಫ್ ಮೊದಲಾದವರಿದ್ದರು.