ನಿರ್ಮಾಣ ಹಂತದ ಮತ್ತು ‘ರೆಡಿ ಟೂ ಮೂವ್’ ಅಪಾರ್ಟ್ವೆುಂಟ್ ನಡುವಿನ ಬೆಲೆಯಲ್ಲಿ ಸಾಕಷ್ಟು ವ್ಯತ್ಯಾಸವಿರಲಿದೆ. ಆದ್ದರಿಂದ, ಜಿಎಸ್ಟಿ, ನೋಂದಣಿ ಸೇರಿ ಇನ್ನಿತರ ಖರ್ಚು ವೆಚ್ಚಗಳನ್ನು ತಗ್ಗಿಸಲು ಸಿದ್ಧವಾಗಿರುವ ಅಪಾರ್ಟ್ವೆುಂಟ್ಗಳಿಗೆ ಖರೀದಿದಾರರು ಹೆಚ್ಚು ಆಸಕ್ತಿ ತೋರುತ್ತಿದ್ದಾರೆ. ನಿರ್ಮಾಣ ಹಂತದಲ್ಲಿರುವ ಅಪಾರ್ಟ್ವೆುಂಟ್ಗಳಿಗೆ ಆಸ್ತಿಯ ಮೇಲೆ ಭೂ ತೆರಿಗೆ ಆಧಾರದಲ್ಲಿ ಶೇ.5 ಜಿಎಸ್ಟಿ ಶುಲ್ಕ ಮತ್ತು ಸಿದ್ಧವಾದ ಅಪಾರ್ಟ್ ಮೆಂಟ್ಗಳಲ್ಲಿ ಶೂನ್ಯ ಜಿಎಸ್ಟಿ ಇರುತ್ತದೆ.
ಹೀಗಾಗಿ ಮನೆ ಖರೀದಿಸುವ ವೆಚ್ಚ ಕೂಡ ಕಡಿಮೆಯಾಗುತ್ತದೆ ಎಂದು ಖರೀದಿದಾರರು ಸಿದ್ಧವಾದ ಅಪಾರ್ಟ್ವೆುಂಟ್ಗಳ ಕಡೆ ಹೆಚ್ಚು ಲಕ್ಷ್ಯ ವಹಿಸುತ್ತಾರೆ. ಭಾರತದ ಏಳು ನಗರಗಳಲ್ಲಿ ‘ರೆಡಿ ಟೂ ಮೂವ್’ ವಸತಿ ಆಸ್ತಿಗಳ ಬೆಲೆಗಳು ಸರಾಸರಿ ಶೇ.3 ರಿಂದ 7 ಪ್ರೀಮಿಯಂನಲ್ಲಿದೆ ಎಂದು ರಿಯಲ್ ಎಸ್ಟೇಟ್ ಕನ್ಸಲ್ಟೆನ್ಸಿ ಸಂಸ್ಥೆ ನಡೆಸಿದ್ದ ಸಂಶೋಧನೆಯಲ್ಲಿ ತಿಳಿದುಬಂದಿದೆ.
ಕೆಲವು ಸಂದರ್ಭದಲ್ಲಿ ಖರೀದಿದಾರರು ಸಮರ್ಪಕವಾಗಿ ಪ್ರಾಜೆಕ್ಟ್ಗಳ ಬಗ್ಗೆ ಪರಿಶೀಲಿಸಿ ಮುಂದಿನ ಹೆಜ್ಜೆಯಿಟ್ಟರೆ ಜಿಎಸ್ಟಿಯೊಂದಿಗೆ ಒಟ್ಟು ವೆಚ್ಚವನ್ನು ಕಡಿಮೆ ಮಾಡಿಕೊಳ್ಳಬಹುದು ಎಂದು ಅಧ್ಯಯನದ ಮೂಲಕ ತಿಳಿಸಲಾಗಿದೆ.
ಬೆಂಗಳೂರು, ಮುಂಬೈ, ದೆಹಲಿ, ಕೋಲ್ಕತ್ತಾ, ದೆಹಲಿ, ಹೈದರಾಬಾದ್ ಹಾಗೂ ಚೆನ್ನೈನಲ್ಲಿನ ಎರಡು ವರ್ಗದ ಆಸ್ತಿಗಳ ನಡುವಿನ ಸರಾಸರಿ ಬೆಲೆಯಲ್ಲಿನ ವ್ಯತ್ಯಾಸವು 2017ರಲ್ಲಿ ಶೇ.8-12 ಮತ್ತು 2018ರಲ್ಲಿ ಶೇ.5-9ರಷ್ಟಿತ್ತು. ನಿರ್ಮಾಣ ಹಂತದ ಅಪಾರ್ಟ್ವೆುಂಟ್ಗಳಿಗೆ ಹೋಲಿಸಿದರೆ ಕೋಲ್ಕತ್ತಾದ ಸಿದ್ಧ ಆಸ್ತಿಗಳ ಬೆಲೆಗಳನ್ನು ಸರಾಸರಿ 3.5 ಶೇಕಡಾ ಪ್ರೀಮಿಯಂ ಇದೆ.
ವಿಳಂಬ ಮತ್ತು ನಿರ್ಮಾಣ ಗುಣಮಟ್ಟ ಸೇರಿದಂತೆ ಇನ್ನಿತರ ಸಮಸ್ಯೆಗಳ ಬಗ್ಗೆ ತಿಳಿದುಕೊಂಡಿರುವ ಗ್ರಾಹಕರು, ನಿರ್ಮಾಣ ಹಂತದ ಅಪಾರ್ಟ್ವೆುಂಟ್ಗಳನ್ನು ಖರೀದಿಸಲು ಹಿಂದೇಟು ಹಾಕುತ್ತಾರೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
ಸೀಮಿತ ವಸತಿ ಮಾರಾಟದ ಮಾರುಕಟ್ಟೆ ಸನ್ನಿವೇಶದಲ್ಲಿ ಬೆಲೆ ಏರಿಕೆಯಿಂದ ಖರೀದಿದಾರರು ಅಪಾರ್ಟ್ವೆುಂಟ್ ಖರೀದಿಸಲು ನಿರಾಸಕ್ತಿ ತೋರುತ್ತಾರೆ. ಒಂದು ವೇಳೆ ಬೆಲೆ ಏರಿಕೆಯಾದರೂ ಅಪಾರ್ಟ್ವೆುಂಟ್ಗಳು ಮಾರಾಟವಾಗುವುದಿಲ್ಲ. ಇದರಿಂದ ಬಿಲ್ಡರ್ಗಳಿಗೆ ಮತ್ತೊಂದು ಸಮಸ್ಯೆ ತರುತ್ತದೆ. ನಿರ್ಮಾಣ ಹಂತದಲ್ಲಿರುವ ಆಸ್ತಿಗಳಿಗೆ ಬಾಡಿಗೆ ಮತ್ತು ಪೂರ್ವ ಇಎಂಐ ಎರಡನ್ನೂ ಪಾವತಿಸುವ ಬದಲು ಸಿದ್ಧ ಅಪಾರ್ಟ್ವೆುಂಟ್ ಖರೀದಿಸಲು ಖರೀದಿದಾರರು ಸಿದ್ಧರಾಗಿರುತ್ತಾರೆ ಎಂದು ರಿಯಲ್ ಎಸ್ಟೇಟ್ ಸಂಸ್ಥೆಗಳ ಅಧಿಕಾರಿಗಳು ಮಾಹಿತಿ ನೀಡುತ್ತಾರೆ.
| ಬೇಲೂರು ಹರೀಶ