ಮಲತ್ಯಾಜ್ಯ ಘಟಕ ನಿರ್ಮಾಣಕ್ಕೆ ವಿರೋಧ

ಕಿನ್ನಿಗೋಳಿ: ಕಿನ್ನಿಗೋಳಿ ಪಟ್ಟಣ ಪಂಚಾಯಿತಿ ವ್ಯಾಪ್ತಿಯ ಮೆನ್ನಬೆಟ್ಟುವಿನಲ್ಲಿ ನಿರ್ಮಾಣ ಹಂತದಲ್ಲಿರುವ ಮಲತ್ಯಾಜ್ಯ ಘಟಕದಿಂದ ಸಾರ್ವಜನಿಕರಿಗೆ ಸಮಸ್ಯೆ ನಿರ್ಮಾಣವಾಗಲಿದೆ. ಇದನ್ನು ನಿಲ್ಲಿಸದಿದ್ದರೆ ಮುಂದಕ್ಕೆ ತೀವ್ರ ಹೋರಾಟ ಮಾಡಲಾಗುವುದು ಎಂದು ನಿರ್ಮಾಣ ಹಂತದಲ್ಲಿರುವ ಘಟಕದ ವಠಾರದಲ್ಲಿ ಗ್ರಾಮಸ್ಥರು ಆಕ್ರೋಶ ವ್ಯಕ್ತಪಡಿಸಿದರು.

ಪಟ್ಟಣ ಪಂಚಾಯಿತಿ ಚುನಾಯಿತ ಜನಪ್ರತಿನಿಧಿಗಳು ಬರುವ ಮೊದಲು ಘಟಕ ಆರಂಭಿಸಲಾಗಿದೆ. ಆಗ ಅಧಿಕಾರಲ್ಲಿದ್ದ ಕಿನ್ನಿಗೋಳಿ ಪಟ್ಟಣ ಪಂಚಾಯಿತಿ ಮುಖ್ಯಾಧಿಕಾರಿ, ಆರೋಗ್ಯ ಅಧಿಕಾರಿಗಳು ಇಲ್ಲಿನ ಗ್ರಾಮದ ಜನರಿಂದ ಯಾವ ಘಟಕ ಆಗುತ್ತದೆ ಎಂಬ ವಿಷಯವನ್ನು ಮುಚ್ಚಿಟ್ಟು ಗ್ರಾಮಸ್ಥರ ಅಭಿಪ್ರಾಯವನ್ನು ಗಣನೆಗೆ ತೆಗೆದುಕೊಳ್ಳದೆ ಅವರದ್ದೇ ನಿರ್ಣಯದಂತೆ ಘಟಕ ಕಾಮಗಾರಿ ನಡೆದಿದೆ. ನಮಗೆ ಯಾವ ಮಾಹಿತಿಯೂ ನೀಡಿಲ್ಲ, ಪತ್ರಿಕೆಯಲ್ಲಿ ವರದಿ ಬಂದ ಬಳಿಕ ಗೊತ್ತಾಯಿತು ಎಂದು ಹರೀಶ್ ತಿಳಿಸಿದರು.

ವಾರ್ಡ್ ಸದಸ್ಯರಾದ ಕೋಕಿಲ್ ಡಿ ಅಮೀನ್, ಪ್ರಕಾಶ್ ಆಚಾರ್, ಚಂದ್ರ ರಾಣ್ಯ, ಸುನೀತಾ ರೋಡ್ರಿಗಸ್, ಸುನೀಲ್ ಆಳ್ವ ಸಮಸ್ಯೆ ಬಗ್ಗೆ ವಿವರಣೆ ನೀಡಿದರು. ಪಕ್ಕದ ಶಾಲೆಯ ಪಾಲಕರ ಸಮಿತಿಯ ಸಂದೀಪ್ ಶೆಟ್ಟಿ ಅವರನ್ನು ಸಮಿತಿ ಅಧ್ಯಕ್ಷರಾಗಿ ಆಯ್ಕೆ ಮಾಡಲಾಯಿತು. ಚರ್ಚ್ ಸಮಿತಿಯ ಲ್ಯಾನ್ಸಿ, ಲೈನಲ್ ಪಿಂಟೋ, ಪ್ರವೀಣ್, ಸುದರ್ಶನ್, ಲಕ್ಷ್ಮಣ್ ಕುಕ್ಯಾನ್, ಲ್ಯಾನ್ಸಿ ಡಿಸೋಜ, ಚರ್ಚ್ ಕಮಿಟಿಯ ವಿಲಿಯಂ, ಲೈನಲ್ ಪಿಂಟೋ, ವಾರ್ಡ್ ಗುರಿಕಾರರಾದ ಹಿಲ್ಡಾ ಡಿಸೋಜ, ಲ್ಯಾನ್ಸಿ ಪಿರೇರಾ, ಪದ್ಮಿನಿ , ಶಾಂತಾ, ಚಂದ್ರಿಕಾ, ಪೌಲಿನ್, ಲ್ಯಾನ್ಸ್ ಲೋಬೋ, ಶ್ರೀನಿವಾಸ, ನೆಲ್ಸನ್, ರೂಡಿ ಜಾನ್ಸನ್, ಪ್ರತಿಮಾ, ಉದಯ, ದಿವ್ಯಾ, ಪರಿಸರದ ಮೆರಿವೆಲ್ ಕಾನ್ವೆಂಟಿನ ಭಗಿನಿಯರು, ಶಾಲಾ ಸಮಿತಿಯ ಪಾಲಕರು ಹಾಗೂ ಗ್ರಾಮಸ್ಥರು ಉಪಸ್ಥಿತರಿದ್ದರು.