ಬೆಂಗಳೂರು: ಉನ್ನತ ಪೊಲೀಸ್ ಅಧಿಕಾರಿಗಳು, ಮಾನವ ಹಕ್ಕುಗಳ ಆಯೋಗದ ಸದಸ್ಯರು ಎಂದು ಹೇಳಿಕೊಂಡು ಶ್ರೀಮಂತ ಉದ್ಯಮಿಗಳಿಗೆ ಚಂಚಿಸುತ್ತಿದ್ದ ಖತರನಾಕ್ ಗ್ಯಾಂಗ್ ಒಂದನ್ನು ಆಂಧ್ರಪ್ರದೇಶದ ಸೈಬರಾಬಾದ್ ಪೊಲೀಸರು ಬಂಧಿಸಿದ್ದಾರೆ.
ವಿಜಯ್ ಕುಮಾರ್ ರೆಡ್ಡಿ, ಸ್ಮರ್ತಿ ಸಿಂಹ, ರಾಘವರೆಡ್ಡಿ, ರಣದೀರ್ ರೆಡ್ಡಿ, ಅಭಿಲಾಶ್ ರೆಡ್ಡಿ, ಪ್ರವಾಲಿಕ ಬಂಧಿತ ಆರೋಪಿಗಳು. ಎಲ್ಲರೂ ಸಮಾಜದಲ್ಲಿ ಉನ್ನತ ಹುದ್ದೆಯಲ್ಲಿರುವುದಾಗಿ ಬಿಂಬಿಸಿಕೊಂಡಿದ್ದ ತಂಡ, ಅದೇ ರೀತಿ ಟ್ರ್ಯಾವೆಲ್ ಬ್ಯುಸ್ನೆಸ್ ಮಾಡುವುದಾಗಿ ಹೇಳಿಕೊಂಡಿದ್ದ ಕಿಲಾಡಿಗಳು, 72 ಬಸ್ ಹಾಗೂ 32 ಎಕರೆ ಪಾರ್ಕಿಂಗ್ ಲಾಟ್ ಹೊಂದಿರುವುದಾಗಿ ಹೇಳಿಕೊಂಡಿದ್ದರು.
ಈ ರೀತಿ ಉದ್ಯಮಿ ವೀರಾ ರೆಡ್ಡಿಯನ್ನ ಟ್ರ್ಯಾಪ್ ಮಾಡಿದ್ದ ತಂಡ, ಬೆಂಗಳೂರು ಸೆಂಟ್ರಲ್ ಡಿಸಿಪಿ ಎಂದು ಪರಿಚಯ ಮಾಡಿಕೊಂಡು ವಂಚನೆ ಮಾಡಿದ್ದರು. ಸುಳ್ಳು ಸುಳ್ಳು ಪ್ರಕರಣ ದಾಖಲಿಸುವುದಾಗಿ ಧಮ್ಕಿ ಹಾಕಿ ಉದ್ಯಮಿ ವೀರಾ ರೆಡ್ಡಿಯಿಂದ 11 ಕೋಟಿ ಲೂಟಿ ಹೊಡೆದಿದ್ದರು.
ಈ ಕುರಿತು ಬಚುಪಲ್ಲಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಪ್ರಕರಣ ದಾಖಲಾಗುತ್ತಿದ್ದಂತೆ ವಿಜಯ್ ಕುಮಾರ್ ರೆಡ್ಡಿ ಆತ್ಮಹತ್ಯೆಗೆ ಶರಣಾಗಿದ್ದ. ಪ್ರಕರಣ ಸಂಬಂದ ಆರೋಪಿಗಳನ್ನ ಬಂಧಿಸಿರುವ ಪೊಲೀಸರು, ಬಂಧಿತರಿಂದ 3 ಐಷಾರಾಮಿ ಬಿಎಂಡ್ಬ್ಲು ಕಾರ್, 2 ಫೋರ್ಡ್ ಕಾರು, 7 ಮೊಬೈಲ್, 50 ಲಕ್ಷ ಮೌಲ್ಯದ ಚಿನ್ನಾಭರಣ ಹಾಗೂ 2 ಲಕ್ಷ ನಗದು ವಶಪಡಿಸಿಕೊಂಡಿದ್ದಾರೆ. (ವಿಜಯವಾಣಿ ಸುದ್ದಿಜಾಲ)