onion: ಸಾಮಾನ್ಯವಾಗಿ ಈರುಳ್ಳಿಯನ್ನು ಕತ್ತರಿಸಿದಾಗ ಕಣ್ಣಲ್ಲಿ ನೀರು ಹರಿಯುತ್ತದೆ. ಇದಲ್ಲದೆ, ಇದು ಕಣ್ಣಿಗೆ ಕಿರಿಕಿರಿಯನ್ನು ಉಂಟುಮಾಡುತ್ತದೆ. ಈರುಳ್ಳಿಯಲ್ಲಿ ಇರುವ ಸಿನ್-ಪ್ರೊಪನೆಥೈಲ್-ಎಸ್-ಆಕ್ಸೈಡ್ ಎಂಬ ರಾಸಾಯನಿಕವು ಈರುಳ್ಳಿಯನ್ನು ಕತ್ತರಿಸುವಾಗ ಕಣ್ಣುಗಳಲ್ಲಿ ನೀರು ಬರಲು ಪ್ರಮುಖ ಕಾರಣ. ಏಕೆಂದರೆ ಇದು ಕಣ್ಣುಗಳ ಲ್ಯಾಕ್ರಿಮಲ್ ಗ್ರಂಥಿಗಳ ಮೇಲೆ ಪರಿಣಾಮ ಬೀರುತ್ತದೆ. ಅದಕ್ಕಾಗಿಯೇ ಕಣ್ಣುಗಳಿಂದ ಕಣ್ಣೀರು ಬರಲು ಪ್ರಾರಂಭಿಸುತ್ತದೆ. ಆದರೆ ಈ ಸಮಸ್ಯೆಗಳಿಂದ ಮುಕ್ತಿ ಪಡೆಯಲು ಮಹಿಳೆಯೊಬ್ಬರು ಹೊಸ ಮಾರ್ಗ ಕಂಡುಕೊಂಡಿದ್ದಾರೆ. ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಈ ವೈರಲ್ ವಿಡಿಯೋದಲ್ಲಿ ಮಹಿಳೆಯೊಬ್ಬರು ಕುಳಿತು ಈರುಳ್ಳಿ ಕತ್ತರಿಸುತ್ತಿರುವುದನ್ನು ನೀವು ನೋಡಬಹುದು. ಈರುಳ್ಳಿ ಕತ್ತರಿಸುವಾಗ ಆ ಮಹಿಳೆ ತನ್ನ ಕಣ್ಣಿನಿಂದ ಕಣ್ಣೀರು ಬರದಂತೆ ತಡೆಯಲು ಮಾಡಿದ ತಂತ್ರವನ್ನು ನೋಡಿ ಎಲ್ಲರೂ ಬೆರಗಾದರು. ಮಹಿಳೆ ಮೊದಲು ತನ್ನ ಕಣ್ಣುಗಳ ಬಳಿ ಅಗಲವಾದ ಸೆಲ್ಲೋ ಟೇಪ್ ಅನ್ನು ಅಂಟಿಸಿಕೊಂಡಳು. ಆ ಮಹಿಳೆ ತನ್ನ ಕಣ್ಣುಗಳನ್ನು ಸಂಪೂರ್ಣವಾಗಿ ಟೇಪ್ ನಿಂದ ಮುಚ್ಚಿಕೊಂಡಳು ಮತ್ತು ನಂತರ ಯಾವುದೇ ಚಿಂತೆಯಿಲ್ಲದೆ ಬೇಗನೆ ಈರುಳ್ಳಿ ಕತ್ತರಿಸಲು ಪ್ರಾರಂಭಿಸಿದಳು. ಕಣ್ಣೀರೆ ಬರುವುದಿಲ್ಲ.
ಈ ವೀಡಿಯೊವನ್ನು @HinduHunDilse ಹೆಸರಿನ ಖಾತೆಯಿಂದ ಸಾಮಾಜಿಕ ತಾಣ X ನಲ್ಲಿ ಹಂಚಿಕೊಳ್ಳಲಾಗಿದೆ ಈ ಈರುಳ್ಳಿ ಕತ್ತರಿಸುವ ತಂತ್ರವು ದೇಶದಿಂದ ಹೊರಗೆ ಹೋಗಬಾರದು ಎಂದು ಶೀರ್ಷಿಕೆ ನೀಡಿದೆ. ಈ ವೀಡಿಯೊವನ್ನು ಮೂರುವರೆ ಲಕ್ಷಕ್ಕೂ ಹೆಚ್ಚು ಜನರು ವೀಕ್ಷಿಸಿದ್ದಾರೆ.
ಇದು ಡಿಜಿಟಲ್ ಇಂಡಿಯಾ, ಇದು ಅಭಿವೃದ್ಧಿಯತ್ತ ಸಾಗುತ್ತಿದೆ. ಇದು ತಂತ್ರವಲ್ಲ, ಇದು ಕಣ್ಣುಗಳನ್ನು ಹಾಳು ಮಾಡುವ ಒಂದು ಮಾರ್ಗ. ಈರುಳ್ಳಿ ರಸದಿಂದ ಕಣ್ಣುಗಳು ಸ್ವಚ್ಛವಾಗುತ್ತವೆ ಎಂದು ನೆಟ್ಟಿಗರು ಕಾಮೆಂಟ್ ಮಾಡಿದ್ದಾರೆ.