ಕೊಪ್ಪ: ಕಾಂಗ್ರೆಸ್ನ ನೈಜ ಬಂಡವಾಳ ಅಮೆರಿಕದಲ್ಲಿ ಬಯಲಾಗಿದೆ. ವಿದೇಶಗಳಲ್ಲಿ ಭಾರತದ ಮಾನ ತೆಗೆಯುವ ಕೆಲಸವನ್ನು ಕೇಂದ್ರದ ವಿರೋಧ ಪಕ್ಷದ ನಾಯಕ ರಾಹುಲ್ಗಾಂಧಿ ಮಾಡಿದ್ದಾರೆ ಎಂದು ಬಿಜೆಪಿ ಮಂಡಲ ಅಧ್ಯಕ್ಷ ದಿನೇಶ್ ಹೊಸೂರು ದೂರಿದರು.
ಪಟ್ಟಣದ ಬಸ್ನಿಲ್ದಾಣದ ಆವರಣದಲ್ಲಿ ಬಿಜೆಪಿ ಮಂಡಲದ ವತಿಯಿಂದ ಕೇಂದ್ರ ವಿರೋಧ ಪಕ್ಷ ದ ನಾಯಕ ರಾಹುಲ್ಗಾಂಧಿ ವಿರುದ್ಧ ಹಮ್ಮಿಕೊಂಡಿದ್ದ ಪ್ರತಿಭಟನೆಯಲ್ಲಿ ಮಾತನಾಡಿ ಅವರು, ರಾಹುಲ್ ಗಾಂಧಿ ವಿದೇಶದಲ್ಲಿ ದೇಶದ ಮಾನ ತೆಗೆದಿದ್ದಾರೆ. ದೇಶ ವಿರೋಧಿ ಶಕ್ತಿಗಳ ಜತೆಯಲ್ಲಿ ಮಾತನಾಡಿ ಪೋಟೋ ತೆಗೆಸಿಕೊಳ್ಳುತ್ತಾರೆ. ರಾಹುಲ್ಗಾಂಧಿ ದೇಶದಕ್ಕೆ ಅಪಮಾನ ಮಾಡಿದ್ದಾರೆ ಎಂದು ದೂರಿದ್ದಾರೆ.
ದೇಶದ ಸಂವಿಧಾನಕ್ಕೆ ಅಪಮಾನ ಮಾಡಿದ್ದಾರೆ. ದಲಿತರ ಮೀಸಲಾತಿ ತೆಗೆದು ಹಾಕುತ್ತೇನೆ ಎಂದು ಹೇಳಿಕೆ ನೀಡುತ್ತಾರೆ. ರಾಹುಲ್ಗಾಂಧಿ ಹಾಗೂ ಕಾಂಗ್ರೆಸ್ಎಂದು ದಲಿತರ ಪರವಾಗಿಲ್ಲ. ದಲಿತರನ್ನು ಮತಬ್ಯಾಂಕ್ಗೆ ಮಾತ್ರ ಉಪಯೋಗಿಸಿಕೊಳ್ಳುತ್ತಾರೆ ಎಂದರು.
ಜಿಲ್ಲಾ ಕಾರ್ಯದರ್ಶಿ ಪುಣ್ಯಪಾಲ್ ಜೆ ಮಾತನಾಡಿ, ಬಿಜೆಪಿ ದೇಶವನ್ನು ಕಟ್ಟುವ, ವಿದೇಶದಲ್ಲಿ ಭಾರತ ಪ್ರಭಾವನ್ನು ಹೆಚ್ಚಿಸುವ ಕೆಲಸ ಮಾಡಿದರೇ, ಕಾಂಗ್ರೆಸ್ ವಿದೇಶದಲ್ಲಿ ಭಾರತ ತಲೆತಗ್ಗಿಸುವಂತಹ ಕೆಲಸ ಮಾಡುತ್ತದೆ. ದೇಶದಲ್ಲಿಯೂ ಸಹ ದಲಿತರ ಹಣವನ್ನು ಚುನಾವಣೆಗಳಿಗೆ ಬಳಸಿಕೊಂಡು ದಲಿತರಿಗೆ ಅನ್ಯಾಯ ಮಾಡುತ್ತಿದೆ ಎಂದರು.
ಬಿಜೆಪಿ ಮಂಡಲ ಪ್ರಧಾನ ಕಾರ್ಯದರ್ಶಿ ಅರುಣ್ ಶಿವಪುರ, ಬಿಷೇಜ್ ಭಟ್, ವಕ್ತಾರ ಎಚ್.ಆರ್ ಜಗದೀಶ್, ಪಪಂ ಅಧ್ಯಕ್ಷ ಗಾಯತ್ರಿ ವಸಂತ್, ಉಪಾಧ್ಯಕ್ಷೆ ಗಾಯತ್ರಿಶೆಟ್ಟಿ, ಮುಖಂಡರಾದ ಎಚ್.ಎಂ.ರವಿಕಾಂತ್, ಸುರೇಶ್ ಕಣಗಲ್, ದಿವಾಕರ್ ಭಟ್, ಇಸ್ಮಾಯಿಲ್, ರೇಖಾ, ಲಲಿತ ನಾಗೇಂದ್ರ ಇದ್ದರು.