ಕಾರ್ಕಳ: ತಾಲೂಕಿನ ಹಿರ್ಗಾನ ಗ್ರಾಮದ ನೆಲ್ಲಿಕಟ್ಟೆ ನಿವಾಸಿ ವಸಂತಿ ಶೆಟ್ಟಿ ಎಂಬುವರ ಮನೆ ಮುಂಭಾಗದಲ್ಲಿದ್ದ ಬಾವಿ ಕುಸಿದಿದೆ. ಎರಡು ವರ್ಷ ಹಿಂದೆ ನಿರ್ಮಿಸಲಾದ 55 ಅಡಿ ಆಳದ ಬಾವಿ ನಿರಂತರ ಸುರಿದ ಮಳೆಗೆ ಮಣ್ಣು ಸಡಿಲಗೊಂಡು ಗುರುವಾರ ಬೆಳಗ್ಗೆ ಏಕಾಏಕಿ ಕುಸಿದಿದೆ. ಸಮೀಪದಲ್ಲೇ ಮನೆ ಹಾಗೂ ಅಂಗನವಾಡಿ ಇದ್ದು, ಕೂಡಲೇ ಬಾವಿ ಕುಸಿದು ನಿರ್ಮಾಣವಾದ ಹೊಂಡ ಮಣ್ಣು ಹಾಕಿ ಮುಚ್ಚಲಾಗಿದೆ. ಬಾವಿ ಕುಸಿದು ಬೀಳುವ ವೀಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.