ಹಾವೇರಿ: ಪೋನ್ಪೇ ಮಿಸ್ಮ್ಯಾಚ್ ಟ್ರಾಜಾಕ್ಷನ್ ಬಗ್ಗೆ ಆನ್ಲೈನ್ನಲ್ಲಿ ಕಂಪ್ಲೆಂಟ್ ಮಾಡಿದ್ದ ಸರ್ಕಾರಿ ನೌಕರರೊಬ್ಬರಿಗೆ ಯಾರೋ ವ್ಯಕ್ತಿ ಲಿಂಕ್ವೊಂದನ್ನು ಕಳುಹಿಸಿ 2 ಲಕ್ಷ ರೂ. ಹಣ ಬೇರೆ ಖಾತೆಗೆ ವರ್ಗಾಯಿಸಿಕೊಂಡು ಮೋಸ ಮಾಡಿದ ಕುರಿತು ಇಲ್ಲಿಯ ಸೈಬರ್ ಕೆಂ ಪೊಲೀಸ್ ಠಾಣೆಯಲ್ಲಿ ಶುಕ್ರವಾರ ಪ್ರಕರಣ ದಾಖಲಾಗಿದೆ.
ಇಲ್ಲಿಯ ಬಸವೇಶ್ವರ ನಗರದ ನಿವಾಸಿ ಹಾಗೂ ಆರೋಗ್ಯ ಇಲಾಖೆಯ ಜಿಲ್ಲಾ ಕಾರ್ಯಕ್ರಮ ಸಂಯೋಜಕ ಉಮಾಪತಿ ಜಿ. ಎಂಬುವರಿಗೆ ಮೋಸ ಮಾಡಿರುವುದು.
ಇವರು ಪೋನ್ ಪೇ ಮಿಸ್ಮ್ಯಾಚ್ ಟ್ರಾಜಾಕ್ಷನ್ ಬಗ್ಗೆ ಆನ್ಲೈನ್ನಲ್ಲಿ ದೂರು ನೀಡಿದ್ದರು. ಇವರ ವಾಟ್ಸ್ಅಪ್ ನಂಬರ್ಗೆ ಯಾರೋ ಅಪರಿಚಿತ ವ್ಯಕ್ತಿ ಲಿಂಕ್ವೊಂದನ್ನು ಕಳುಹಿಸಿದ್ದಾನೆ. ಅದನ್ನು ಉಮಾಪತಿಯವರು ಒತ್ತಿದಾಗ ಅವರ ಖಾತೆಯಲ್ಲಿದ್ದ 2 ಲಕ್ಷ ರೂ. ಬೇರೆ ಖಾತೆಗೆ ವರ್ಗಾವಣೆ ಆಗಿದೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.