ಸಿಟಿ ಬಸ್​ ಸಂಚಾರಕ್ಕೆ ಚಾಲನೆ

ಇಂಡಿ: ಪಟ್ಟಣದ ಪ್ರವಾಸಿ ಮಂದಿರದಲ್ಲಿ ಕಲ್ಯಾಣ ಕರ್ನಾಟಕ ಸಾರಿಗೆ ಸಂಸ್ಥೆ ವತಿಯಿಂದ ನಗರ ಬಸ್​ ಸಂಚಾರಕ್ಕೆ ಶಾಸಕ ಯಶವಂತ್ರಾಯಗೌಡ ಪಾಟೀಲ ಸೋಮವಾರ ಚಾಲನೆ ನೀಡಿದರು.

ಶಾಲೆಯ ವಿದ್ಯಾರ್ಥಿಗಳಿಗೆ ಹಾಗೂ ನಗರ ವಾಸಿಗಳಿಗೆ ಈ ಬಸ್​ ಸಂಚಾರದಿಂದ ಅನುಕೂಲವಾಗಲಿದೆ. ಸಾರ್ವಜನಿಕರು ಇದರ ಸದುಪಯೋಗ ಪಡೆದುಕೊಳ್ಳಬೇಕೆಂದು ಮನವಿ ಮಾಡಿದರು.

ಕೆ.ಕೆ.ಎರ್​.ಟಿ.ಸಿ ವಿಭಾಗೀಯ ನಿಯಂತ್ರಣಾಧಿಕಾರಿ ನಾರಾಯಣಪ್ಪ ಕುರುಬರ ಮಾತನಾಡಿ, ಇಂದಿನಿಂದ ಎರಡು ನಗರ ಬಸ್​ಗಳು ಸಂಚರಿಸಲಿವೆ. ವಾಚು ನಗರದಿಂದ ಬಸ್​ ನಿಲ್ದಾಣ ಮುಖಾಂತರ ಆದರ್ಶ ಶಾಲೆ, ಕೆಇಬಿ ವರೆಗೆ ಮತ್ತು ಸಾತಪುರದಿಂದ ರೇಲ್ವೆ ನಿಲ್ದಾಣ ಮುಖಾಂತರ ಬಸ್​ ನಿಲ್ದಾಣ ಮತ್ತು ಸ್ಪಂದನಾ ಆಸ್ಪತ್ರೆ ವರೆಗೆ ಎರಡು ಬಸ್​ಗಳು ಸಂಚರಿಸಲಿವೆ ಎಂದರು.

ಕಂದಾಯ ಉಪವಿಬಾಗಾಧಿಕಾರಿ ಅನುರಾಧಾ ವಸ್ತ್ರದ, ತಹಸೀಲ್ದಾರ್​ ಬಿ.ಎಸ್​.ಕಡಕಬಾವಿ, ವಿಭಾಗೀಯ ಅಧಿಕಾರಿ ಎಂ.ಎಸ್​.ಹಿರೇಮಠ, ಟಕ ವ್ಯವಸ್ಥಾಪಕ ರೇವಣಸಿದ್ದ ಖೆನೂರ, ತಾಂತ್ರಿಕ ಶಿಲ್ಪಿ ನಾಗರಾಜ, ಆನಂದ ಬಡಿಗೇರ, ಕಾಶಿನಾಥ ಹೊಸಮನಿ, ಆರ್​.ಎಂ.ಮೋರೆ, ಜಿ.ಸಿ.ಹಿರೇಮಠ, ಗಂಗಾಧರ ಸಾಲೇಂಗಾಂವ, ಸದಾಶಿವ ಪ್ಯಾಟಿ, ಜಾವೀದ ಮೋಮಿನ, ಹುಚ್ಚಪ್ಪ ತಳವಾರ, ಇಲಿಯಾಸ ಬೋರಾಮಣಿ, ಪ್ರಶಾಂತ ಕಾಳೆ, ಜಟ್ಟೆಪ್ಪ ರವಳಿ ಉಪಸ್ಥಿತರಿದ್ದರು.