ಹೊಳಲ್ಕೆರೆ ತಾಲೂಕಿನ ಎಲ್ಲ ಕೆರೆಗಳಿಗೆ ಹರಿಯಲಿದೆ ನೀರು

ಹೊಳಲ್ಕೆರೆ: ಮುಂದಿನ ಒಂದೆರಡು ತಿಂಗಳಿನಲ್ಲಿ ಹೊಳಲ್ಕೆರೆ ತಾಲೂಕಿನ ಎಲ್ಲ ಕೆರೆಗಳಿಗೆ ನೀರು ತುಂಬಿಸಲಾಗುವುದು ಎಂದು ಶಾಸಕ ಡಾ.ಎಂ. ಚಂದ್ರಪ್ಪ ಭರವಸೆ ನೀಡಿದರು.

ತಾಳ್ಯ&ಮದ್ದೇರು ಗ್ರಾಮಗಳ ಮಧ್ಯದಲ್ಲಿ 21 ಕೋಟಿ ರೂ.ವೆಚ್ಚದಲ್ಲಿ ನಿರ್ಮಾಣವಾಗಲಿರುವ ನೂತನ 66/11 ಕೆ.ವಿ. ವಿದ್ಯುತ್​ ಉಪ ಕೇಂದ್ರದ ಕಾಮಗಾರಿಗೆ ಗುರುವಾರ ಶಂಕುಸ್ಥಾಪನೆ ನೆರವೇರಿಸಿ ಮಾತನಾಡಿದರು.

ರೈತರು ತೋಟ ಉಳಿಸಿಕೊಳ್ಳಲಾಗದ ಪರಿಸ್ಥಿತಿ ತಲುಪಿದ್ದಾಗ ಭದ್ರಾ ಪ್ರಾಜೆಕ್ಟ್​ನಿಂದ ಟ್ರಯಲ್​ ರನ್​ ಆದ ಮೇಲೆ ಹೊಳಲ್ಕೆರೆಗೆ ನೀರು ಹರಿಯಿತು. ಚಿಕ್ಕಮಗಳೂರಿನ ಹಗರಿ ಗ್ರಾಮದಲ್ಲಿ ರೈತರು ಕೇಸ್​ ಹಾಕಿದ ಪರಿಣಾಮ ರೈತರೊಂದಿಗೆ ಅಲ್ಲಿಗೆ ಹೋಗಿ ವಿಚಾರಿಸಿ 3 ತಿಂಗಳಲ್ಲಿ ಕೇಸ್​ ಕ್ಲಿಯರ್​ ಆಗುವಂತೆ ನೋಡಿಕೊಂಡೆ ಎಂದು ತಿಳಿಸಿದರು. ಮಲಸಿಂಗನಹಳ್ಳಿ ಗುಡ್ಡದ ಹತ್ತಿರವಿರುವ ಕೆರೆಗೆ ನೀರು ಹರಿಸಲಾಗುತ್ತದೆ. ಗೂಳಿಹೊಸಹಳ್ಳಿ ಬಳಿ ಎಪ್ಪತ್ತು ಎಚ್​.ಪಿ.ಮೋಟಾರ್​ ಕೂರಿಸಿ ಕೆರೆಯಾಗಳಹಳ್ಳಿ ಕೆರೆಗೆ ನೀರು ತುಂಬಿಸಲಾಗುವುದು. ಹಿರಿಯೂರಿನ ವಾಣಿವಿಲಾಸಸಾಗರದಿಂದ ನೀರು ತಂದು ಪ್ರತಿ ಮನೆಗೂ ಶುದ್ಧ ಕುಡಿಯುವ ನೀರು ಪೂರೈಸುವುದಕ್ಕಾಗಿ 367 ಕೋಟಿ ರೂ. ಖರ್ಚು ಮಾಡಲಾಗಿದೆ. ಗುಂಡೇರಿ, ತಾಳ್ಯ, ಟಿ. ಎಮ್ಮಿಗನೂರು, ಹನುಮಲಿ, ತುಪ್ಪದಹಳ್ಳಿ, ಹಿರೆಕಂದವಾಡಿ, ಹಿರೇಎಮ್ಮಿಗನೂರು ಗ್ರಾಮಗಳಲ್ಲಿ ವಿದ್ಯುತ್​ ಪವರ್​ ಸ್ಟೇಷನ್​ ಕಟ್ಟಿಸಲಾಗುವುದು. ಈಗಾಗಲೇ ಚಿತ್ರಹಳ್ಳಿ, ಮಲ್ಲಾಡಿಹಳ್ಳಿಯಲ್ಲಿ ನಿರ್ಮಾಣವಾಗಿದೆ. ಚಿಕ್ಕಜಾಜೂರಿನ ಕೋಟೆಹಾಳ್​ ಸಮೀಪ 13.5 ಎಕರೆ ಪ್ರದೇಶದಲ್ಲಿ 500 ಕೋಟಿ ರೂ.ವೆಚ್ಚದಲ್ಲಿ ವಿದ್ಯುತ್​ ಪವರ್​ ಸ್ಟೇಷನ್​ ಆಗುತ್ತಿದೆ. ಜೋಗಫಾಲ್ಸ್​ ನಿಂದ ನೇರವಾಗಿ ಇಲ್ಲಿಗೆ ವಿದ್ಯುತ್​ ಪೂರೈಕೆಯಾಗಲಿದೆ ಎಂದು ಹೇಳಿದರು.

ಮಾಜಿ ಶಾಸಕ ಜಿ.ಎಸ್​.ಮಂಜಣ್ಣ, ಮುಖ್ಯ ಅಭಿಯಂತರರಾದ ರೇವಣಸಿದ್ದಪ್ಪ, ಹರೀಶ್​ಕುಮಾರ್​, ಲಿಂಗರಾಜ್​, ರಮೇಶ್​, ಬಿಜೆಪಿ ಮುಖಂಡರಾದ ಚಿತ್ರಹಳ್ಳಿ ದೇವರಾಜ್​, ದಾಸಯ್ಯನಹಟ್ಟಿ ರಮೇಶ್​, ನಿತಿನ್​, ಪುಟ್ಟಣ್ಣ, ತಮ್ಮಣ್ಣ, ರಾಜಣ್ಣ, ತಿಪ್ಪೇಶ್​, ಬಸವರಾಜ್​, ಮಂಜು, ಸ್ವಾಮಿ, ರವಿ, ಕಲ್ಲಜ್ಜ, ಗುತ್ತಿಗೆದಾರ ನಾಗಭೂಷಣ್​ ಇದ್ದರು.