ರಕ್ತದಾನದಿಂದ ಅಡ್ಡಪರಿಣಾಮ ಆಗದುBlood Donation

ತಾಲೂಕಿನ ರಾಮಗಿರಿ ವಿರಕ್ತಮಠದ ಆವರಣದಲ್ಲಿ ಜಿಲ್ಲಾಸ್ಪತ್ರೆ, ರಕ್ತ ನಿಧಿ ಕೇಂದ್ರ, ಜಿಲ್ಲಾಡಳಿತ, ಜಿಪಂ, ಸಾರ್ವಜನಿಕ ಆಸ್ಪತ್ರೆ, ರಾಮಗಿರಿ ಹಾಗೂ ಗೌಡಿಹಳ್ಳಿ ಪ್ರಾಥಮಿಕ ಅರೋಗ್ಯ ಕೇಂದ್ರ, ಹೊಳಲ್ಕೆರೆ ತಾಲೂಕು ಕಾರ್ಯನಿರತ ಪತ್ರಕರ್ತರ ಸಂಘ ಇವರ ಸಹಯೋಗದಲ್ಲಿ ಇತ್ತೀಚೆಗೆ ಆಯೋಜಿಸಿದ್ದ ಸ್ವಯಂ ಪ್ರೇರಿತ ರಕ್ತದಾನ ಶಿಬಿರದಲ್ಲಿ ಮಾತನಾಡಿದರು.

ಆರೋಗ್ಯವಂತ ವ್ಯಕ್ತಿ ವರ್ಷಕ್ಕೆ ಕನಿಷ್ಠ ಎರಡು ಬಾರಿ ರಕ್ತದಾನ ಮಾಡಿದರೂ ತಪ್ಪಿಲ್ಲ. ಇದರಿಂದ ದೇಹದಲ್ಲಿ ರಕ್ತ ಪುನಃ ಉತ್ಪತ್ತಿಯಾಗುವ ಜತೆಗೆ ಶುದ್ಧಿಯಾಗುತ್ತದೆ ಎಂದರು.

ರಾಮಗಿರಿ ಪ್ರಾಥಮಿಕ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಚಂದ್ರಶೇಖರನಾಯ್ಕ ಮಾತನಾಡಿ, ರಕ್ತದಾನ ಮಾಡುವುದರಿಂದ ನಮ್ಮ ಆರೋಗ್ಯ ಸುಸ್ಥಿತಿಯಲ್ಲಿಡುವ ಜತೆಗೆ ಅನೇಕ ಜನರ ಪ್ರಾಣ ಉಳಿಸಬಹುದಾಗಿದೆ. ರಕ್ತದಾನ ಮಾಡುವವರು ಒಗ್ಗೂಡಿ ತಾಲೂಕಿನಲ್ಲಿ ಸಂಘ ಸ್ಥಾಪಿಸಿದರೆ ಇದು ದೇಶದ ಪ್ರಗತಿಗೆ ಪೂರಕ ಸಂಘಟನೆಯಾಗಲಿದೆ ಎಂದು ಹೇಳಿದರು. ಹಿರಿಯ ಪ್ರಯೋಗ ಶಾಲಾ ತಜ್ಞ ಮುರಳಿ, ಮುಖಂಡ ಶ್ರೀಧರ್ ಮಾತನಾಡಿದರು. ಗ್ರಾಪಂ ಮಾಜಿ ಅಧ್ಯಕ್ಷ ಷಣ್ಮುಖಪ್ಪ, ಆರೋಗ್ಯ ನಿರೀಕ್ಷಣಾಧಿಕಾರಿ ಪಾಂಡು, ಹಿರಿಯ ಆರೋಗ್ಯ ನಿರೀಕ್ಷಕ ಗೋಪಾಲನಾಯ್ಕ, ಆಪ್ತ ಸಮಾಲೋಚಕರಾದ ರೂಪಶ್ರೀ, ಹೇಮಂತ್, ಪ್ರಯೋಗ ಶಾಲಾ ತಂತ್ರಜ್ಞೆ ರಾಜೇಶ್ವರಿ, ಹಿರಿಯ ಆರೋಗ್ಯ ಸಹಾಯಕಿಯರಾದ ಅನುಸೂಯ, ವೀಣಾ ಇತರರಿದ್ದರು.

ಶಿಬಿರದಲ್ಲಿ 45 ಜನ ರಕ್ತದಾನ ಮಾಡಿದರು.