ಸಿಗಲಿದೆ ನೀರಾವರಿ ಸೌಲಭ್ಯ Bhadra

ನಗರದ ಸಂಗೀತಾ ಕಂಫರ್ಟ್ ಸಭಾಂಗಣದಲ್ಲಿ ಶುಕ್ರವಾರ ಆಯೋಜಿಸಿದ್ದ ಮಾಧ್ಯಮ ಸಂವಾದದಲ್ಲಿ ಮಾತನಾಡಿದರು.

ಸಿದ್ದರಾಮಯ್ಯ ಅವರ ಅವಧಿಯಲ್ಲಿ ಭದ್ರಾ ಮೇಲ್ದಂಡೆ ಯೋಜನೆಗೆ 4600 ಕೋಟಿ ಅನುದಾನ ನೀಡಿ, ಕಾಮಗಾರಿಗೆ ವೇಗ ನೀಡಿದ್ದರಿಂದ ಭದ್ರೆ ನೀರು ವಿವಿ ಸಾಗರದ ಒಡಲು ಸೇರಿ ಇಂದು ಜಲ ವೈಭವ ಮೇಳೈಸುತ್ತಿದೆ. ಈ ಯೋಜನೆಯಿಂದ ಹಿರಿಯೂರು ತಾಲೂಕಿನ 2ಲಕ್ಷ ಎಕರೆ ಭೂಮಿ, ಜಿಲ್ಲೆಯ 80 ಕೆರೆಗಳಿಗೆ ನೀರಾವರಿ ಸೌಲಭ್ಯ ಸಿಗಲಿದೆ ಎಂದರು.

ಸಿಎಂ ಡಿ.ಕೆ.ಶಿವಕುಮಾರ್ ಅವರ ಬದ್ಧತೆ, ದಿ. ಸುಧಾಕರ್ ಅವರ ಪ್ರಯತ್ನದಿಂದ ಜೆ.ಜಿ. ಹಳ್ಳಿ ಹೋಬಳಿಯ 16 ಕೆರೆಗಳಿಗೆ ನೀರು ತುಂಬಿಸಲು 244 ಕೋಟಿ ಅನುದಾನ ಮಂಜೂರಾಗಿದೆ. ಕಾಲಮಿತಿಯಲ್ಲಿ ಯೋಜನೆ ಕಾರ್ಯಗತಕ್ಕೆ ಶಕ್ತಿ ಮೀರಿ ಪ್ರಯತ್ನಿಸಲಾಗುವುದು ಎಂದು ಹೇಳಿದರು.

ತಾಲೂಕಿನ ಐಮಂಗಲ ಹೋಬಳಿ ಸೇರಿದಂತೆ ವಿವಿ ಪುರ ಗ್ರಾಪಂ. ವ್ಯಾಪ್ತಿಯ ಕೆರೆಗಳಿಗೆ ಶೀಘ್ರ ನೀರು ಹರಿಸಲಾಗುವುದು. ಚಿತ್ರದುರ್ಗ ಜಿಲ್ಲೆಗೆ ಭದ್ರೆ ನೀರು ಹರಿಸಲು ಕ್ಷಣಗಣನೆ ಶುರುವಾಗಿದ್ದು, ಚಿತ್ರದುರ್ಗ ಶಾಖಾ ನಾಲೆಯಿಂದ ಅ.15 ಕ್ಕೆ ಟ್ರಯಲ್ ರನ್, ಅ.2ಕ್ಕೆ ಕೆರೆಗಳಿಗೆ ನೀರು ತುಂಬಿಸಲಾಗುವುದು ಎಂದರು.

ವಿಶ್ವೇಶ್ವರಯ್ಯ ಜಲ ನಿಗಮದ ವ್ಯವಸ್ಥಾಪಕ ನಿರ್ದೇಶಕ ಸ್ಥಾನದ ಅವಕಾಶ ನೀಡಿದ ಸಿಎಂ ಡಿ.ಕೆ.ಶಿವಕುಮಾರ್ ಸಹಾಯಕ್ಕೆ ಎಂದಿಗೂ ಚಿರಋಣಿ. ಇಲ್ಲಿನ ಜನರ ಪ್ರೀತಿ, ವಿಶ್ವಾಸ, ಬೆಂಬಲಕ್ಕೆ ಬೆಲೆ ಕಟ್ಟಲಾಗದು ಎಂದು ತಿಳಿಸಿದರು.

ಕಾಂಗ್ರೆಸ್ ನನ್ನ ಮಾತೃ ಪಕ್ಷ, ಸಿಎಂ ಡಿ.ಕೆ.ಶಿವಕುಮಾರ್ ನನ್ನ ಕೆಲಸ ಮೆಚ್ಚಿದ್ದು, ಅಹಿಂದ ನಾಯಕ ಸಿದ್ದರಾಮಯ್ಯ, ಕೆಪಿಸಿಸಿ ಅಧ್ಯಕ್ಷ ಬಿ.ಕೆ.ಹರಿಪ್ರಸಾದ್ ಅವರು ಈ ಬಾರಿ ನನಗೆ ರಾಜಕೀಯ ಅವಕಾಶ ನೀಡುವ ನಿರೀಕ್ಷೆ ಇದೆ ಎಂದರು.

ಅವಕಾಶ ಸಿಕ್ಕರೆ ಮುಂದಿನ ಹತ್ತು ವರ್ಷದಲ್ಲಿ ಹಿರಿಯೂರಿನ ಚಿತ್ರಣ ಬದಲಾಯಿಸಲಾಗುವುದು. ವಿವಿ ಸಾಗರ ಜಲಾಶಯದ ಬಳಿ ಕೆಆರ್‌ಎಸ್ ಮಾದರಿ ಬೃಂದಾವನ ನಿರ್ಮಾಣ, ಮೂಲ ಸೌಕರ್ಯ, ಪ್ರವಾಸೋದ್ಯಮ ಅಭಿವೃದ್ಧಿ, ಸಮಗ್ರ ನೀರಾವರಿ ಸೇರಿದಂತೆ ಕೈಗಾರಿಕೆ ಸ್ಥಾಪನೆಯ ಮೂಲಕ ಸಮಗ್ರ ಹಿರಿಯೂರು ನಿರ್ಮಾಣದ ಕನಸಿದೆ ಎಂದು ತಿಳಿಸಿದರು. ಮುಖಂಡರಾದ ಕೃಷ್ಣಮೂರ್ತಿ, ಪದ್ಮನಾಭ್, ಪಿ.ಆರ್. ದಾಸ್, ಪೆರಿಸ್ವಾಮಿ, ಕುಮಾರ್, ಗುರುಮೂರ್ತಿ, ಪುಟ್ಟರಾಜ್, ಯತೀಶ್, ನೌಷಾದ್, ಷರೀಫ್, ಎಸ್.ಆರ್.ತಿಪ್ಪೇಸ್ವಾಮಿ, ಸದಾನಂದ್, ಪ್ರಭು ಯಾದವ್, ಪ್ರಸಾದ್, ದಲಿತ ಮುಖಂಡ ಕೃಷ್ಣಮೂರ್ತಿ, ಶ್ರವಣಗೆರೆ ಶಿವಣ್ಣ, ಎಚ್.ಆರ್. ತಿಮ್ಮಯ್ಯ, ಬಬ್ಬೂರು ಸುರೇಶ್ ಇತರರಿದ್ದರು.