ರಾಜೀವ್ ಗೌಡ ನಟೋರಿಯಸ್, ಆತನ ಮೇಲೆ ಕೇಸುಗಳಿವೆ ಎಂದ‌‌ ಎಸ್ಪಿ

ಚಿಕ್ಕಬಳ್ಳಾಪುರ ಗ್ರಾಮಾಂತರ ಠಾಣೆಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಶಿಡ್ಲಘಟ್ಟ ನಗರಸಭೆ ಪೌರಾಯುಕ್ತ ಜಿ.ಅಮೃತಾರನ್ನು ನಿಂದಿಸಿದಕ್ಕೆ ಸಂಬಂಧಿಸಿದಂತೆ ಪೊಲೀಸ್ ಠಾಣೆಯಲ್ಲಿ ರಾಜೀವ್ ಗೌಡ ವಿರುದ್ಧ ಪ್ರಕರಣ ದಾಖಲಾಗಿದೆ. ಆತನ ಬಂಧನಕ್ಕೆ ನುರಿತ ಪೊಲೀಸ್ ತಂಡವನ್ನು ರಚಿಸಲಾಗಿದೆ.‌ ಬೆಂಗಳೂರು, ದೆಹಲಿ ಸೇರಿದಂತೆ ವಿವಿಧೆಡೆ ಅಡಗಿರುವ ಮಾಹಿತಿಯನ್ನಾಧಾರಿಸಿ ಕಾರ್ಯಾಚರಣೆ ಕೈಗೊಳ್ಳಲಾಗುತ್ತಿದೆ.‌ ಆದಷ್ಟು ಬೇಗ ಬಂಧಿಸಲಾಗುತ್ತದೆ ಎಂದು ತಿಳಿಸಿದರು.

ರಾಜೀವ್ ಗೌಡ ಸಾಮಾನ್ಯ ವ್ಯಕ್ತಿಯಲ್ಲ. ಆತ ಒಬ್ಬ ನಟೋರಿಯಸ್ ಇದ್ದಾನೆ. ಅಟ್ರಾಟಿಸಿ ಸೇರಿದಂತೆ 16 ಪ್ರಕರಣಗಳು ಆತನ ವಿರುದ್ಧ ದಾಖಲಾಗಿದೆ. ಎಎಸ್ಪಿ ಆಗಿದ್ದಾಗಲೇ ಎರಡು ಪ್ರಕರಣಗಳ ತನಿಖೆ ನಡೆಸಿದ ಸಂದರ್ಭದಲ್ಲಿ ಆತ ಏನೆಂಬುದು ಗೊತ್ತಿದೆ ಎಂದರು.

ಪೌರಾಯುಕ್ತರು ದೂರನ್ನಾಧಾರಿಸಿ ನಿಗದಿತ ಸೆಕ್ಷನ್ ಗಳಡಿ ಪ್ರಕರಣ ದಾಖಲಾಗಿಸಿದೆ. ಇದೇ ವೇಳೆ ನ್ಯಾಯಾಲಯವು ಆರೋಪಿಯ ಜಾಮೀನು ವಿಚಾರಣೆ ವೇಳೆ ಬೇರೆ ಬೇರೆ ಸೆಕ್ಷನ್ ಗಳಡಿ ಪ್ರಕರಣ ಏಕೆ‌ ದಾಖಲಿಸಿಲ್ಲ ಎಂಬುದನ್ನು ಕೇಳಿದೆ. ಆರೋಪಗಳಲ್ಲಿನ ಬೇರೆ ಬೇರೆ ಅಂಶಗಳನ್ನು ಸೇರಿಸಿ ನಿಯಮಾನುಸಾರ ಪ್ರಕರಣ ದಾಖಲಿಸಲು ಅವಕಾಶ ಇರುತ್ತದೆ ಎಂದು ತಿಳಿಸಿದ್ದಾರೆ.