ಚಿಕಿತ್ಸೆ ಫಲಿಸದೆ ಬೈಕ್​ ಸವಾರ ಸಾವು

ಚಿಂತಾಮಣಿ: ಅಪಘಾತದಲ್ಲಿ ಗಾಯಗೊಂಡಿದ್ದ ವ್ಯಕ್ತಿ ಚಿಕಿತ್ಸೆ ಫಲಿಸದೆ ಶುಕ್ರವಾರ ರಾತ್ರಿ ಮೃತಪಟ್ಟಿದ್ದಾನೆ. ನಗರದ ಬಾಗೇಪಲ್ಲಿ ರಸ್ತೆಯ ಧನಮಿಟ್ಟೇನಹಳ್ಳಿ ದಿನ್ನೆಯ ಬಳಿ ಗುರುವಾರ ಬೆಳಗ್ಗೆ ಕಾರು, ಬೈಕ್​ ಮಧ್ಯೆ ಅಪಘಾತದಲ್ಲಿ ಗಾಯಗೊಂಡಿದ್ದ ಬೈಕ್​ನಲ್ಲಿ ಇದ್ದ ಇಬ್ಬರು ಸವಾರರನ್ನು ಆಸ್ಪತ್ರೆಗೆ ಸೇರಿಸಲಾಗಿತ್ತು. ಪಾಲೇಪಲ್ಲಿ ಅಶೋಕ್​ (24) ಮೃತ. ಪಾಲೇಪಲ್ಲಿ ಹರೀಶ್​ ಗಾಯಗೊಂಡವ, ಕಾರಿನಲ್ಲಿದ್ದ ದಂಪತಿ, ಮಗು ಅಪಾಯದಿಂದ ಪಾರಾಗಿದ್ದಾರೆ. ಅಪಘಾತದಲ್ಲಿ ಬೈಕ್​ನ ಮುಂಭಾಗ ಜಖಂ ಆಗಿದೆ, ಕಾರು ರಸ್ತೆಯ ಪಕ್ಕದ ಗುಂಡಿಗೆ ಇಳಿದಿದೆ. ಅಶೋಕ್​, ಹರೀಶ್​ರನ್ನು ನಿಮ್ಹಾನ್ಸ್​ಗೆ ದಾಖಲಿಸಿದ್ದು, ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಹರೀಶ್​ನನ್ನು ಬೆಂಗಳೂರು ಸೆಂಟ್​ ಜಾನ್ಸ್​ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಮೃತನ ಕುಟುಂಬಸ್ಥರ ದೂರಿನ ಮೇಲೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.