ಗಾಂಜಾ ಮಾರಾಟಗಾರರ ಬಂಧನ

ಬಾಗೇಪಲ್ಲಿ: ಗಾಂಜಾ ಅಕ್ರಮ ಮಾರಾಟ ದಂಧೆಯಲ್ಲಿ ತೊಡಗಿದ್ದ ಮೂವರು ಆರೋಪಿಗಳನ್ನು ಬಂಧಿಸಿರುವ ಬಾಗೇಪಲ್ಲಿ ಠಾಣೆ ಪೊಲೀಸರು, ಎರಡು ಲಕ್ಷ ರೂ. ಮೌಲ್ಯದ ಮಾದಕ ವಸ್ತುವನ್ನು ವಶಕ್ಕೆ ಪಡೆದಿದ್ದಾರೆ. ತಾಲೂಕಿನ ವಡ್ರಪಾಳ್ಯ ಗ್ರಾಮದ ನಾರಾಯಣಪ್ಪ, ಗೌರಿಬಿದನೂರು ತಾಲೂಕಿನ ಬಿಸಲಹಳ್ಳಿ ಲೋಕೇಶ್​, ಗೌರಿಬಿದನೂರಿನಹರ್ಷ ಬಂಧಿತರು. ಬಾಗೇಪಲ್ಲಿ ತಾಲೂಕಿನ ಪರಗೋಡು ಗ್ರಾಮದ ಬಳಿಯ ಖಾಸಗಿ ಲೇಔಟ್​ನಲ್ಲಿ ಗುರುವಾರ ಗಾಂಜಾ ಮಾರಾಟ ದಂಧೆಯಲ್ಲಿ ತೊಡಗಿರುವ ಬಗ್ಗೆ ಬಂದ ಖಚಿತ ಮಾಹಿತಿ ಮೇರೆಗೆ ಸರ್ಕಲ್​ ಇನ್​ಸ್ಪೆಕ್ಟರ್​ ನೇತೃತ್ವದಲ್ಲಿ ಪೊಲೀಸ್​ ಇನ್ಸ್​ಪೆಕ್ಟರ್​ಗಳಾದ ಸುನೀಲ್​ ಕುಮಾರ್​, ಮುನಿರತ್ನಂ, ಸಿಬ್ಬಂದಿಗಳಾದ ಸುರೇಶ್​, ನಾಗಾರ್ಜುನ, ವೆಂಕಟಶಿವ, ಕೃಷ್ಣ, ರಾಜಪ್ಪ, ಶಂಕರಪ್ಪ ಕಾರ್ಯಾಚರಣೆ ನಡೆಸಿ ವಶಕ್ಕೆ ಪಡೆದರು.