ಶಿಡ್ಲಘಟ್ಟದ 3ನೇ ವಾರ್ಡ್ನಲ್ಲಿ ನಗರಸಭೆಯಿಂದ ಕೊಳವೆ ಬಾವಿ ಕೊರೆಸಲಾಯಿತು. ನಗರಸಭೆ ಅಧ್ಯಕ್ಷ ಎಂ.ವೆಂಕಟಸ್ವಾಮಿ, ಸ್ಥಳಿಯರಾದ ಮನೋಹರ್, ನವೀನ್, ನಾಗರಾಜ್ ಇದ್ದರು.
- ನೀರಿನ ಬವಣೆ ನೀಗಿಸಲು ಮುಂದಾದ ನಗರಸಭೆ
- 2024-&25ನೇ ಸಾಲಿನ 15ನೇ ಹಣಕಾಸು ಯೊಜನೆ
- 3ನೇ ವಾರ್ಡ್ನಲ್ಲಿ ಗುರುವಾರ ನಗರಸಭೆಯಿಂದ ಭೂಮಿ ಪೂಜೆ
ವಿಜಯವಾಣಿ ಸುದ್ದಿಜಾಲ ಶಿಡ್ಲಘಟ್ಟ
2024-&25ನೇ ಸಾಲಿನ 15ನೇ ಹಣಕಾಸು ಯೊಜನೆಯಡಿ 60 ಲಕ್ಷ ರೂ., ಎಸ್.ಎಫ್.ಸಿ ಯೋಜನೆಯಲ್ಲಿ 9ಲಕ್ಷ ಒಟ್ಟುಗೂಡಿಸಿ ನಗರದಲ್ಲಿ 13 ಕೊಳವೆ ಬಾವಿ ಕೊರೆಸಲಾಗುತ್ತಿದೆ ಎಂದು ನಗರಸಭೆ ಸದಸ್ಯೆ ಚಿತ್ರಾ ಮನೋಹರ್ ತಿಳಿಸಿದರು.
ನಗರದ 3ನೇ ವಾರ್ಡ್ನಲ್ಲಿ ಗುರುವಾರ ನಗರಸಭೆಯಿಂದ ಭೂಮಿ ಪೂಜೆ ಸಲ್ಲಿಸಿ ಮಾತನಾಡಿ, ನಗರದ ವಿವಿಧೆಡೆ ಈಗಾಗಲೇ ಸ್ಥಳ ಗುರುತಿಸಿದ್ದು, ಕೊಳವೆ ಬಾವಿ ಕೊರೆಸಲಾಗುತ್ತದೆ ಎಂದರು.
ನಗರಸಭೆ ಸದಸ್ಯ ಎಲ್.ಅನಿಲ್ ಕುಮಾರ್ ಮಾತನಾಡಿ, ಮುಂದಿನ ಬೇಸಿಗೆಯೊಳಗೆ ನಗರದಲ್ಲಿ ನೀರಿನ ಕೊರತೆಯುಂಟಾಗಬಾರದು, ಒಂದು ವೇಳೆ ಯಾವುದೇ ಕೊಳವೆ ಬಾವಿಗಳ ಮೋಟರ್ ಪಂಪ್ ಕೆಟ್ಟರೂ ನೀರಿನ ಕೊರತೆಯಾಗಬಾರದೆಂದು ದೂರದೃಷ್ಟಿಯಿಂದ ಬಾವಿ ಕೊರೆಸುತ್ತಿರುವುದಾಗಿ ಹೇಳಿದರು. ಜಿಪಂ ಮಾಜಿ ಸದಸ್ಯೆ ಶಿವಲೀಲಾ ರಾಜಣ್ಣ ಮಾತನಾಡಿ, ನಗರದ ನಾಗರಿಕರು ನಗರಸಭೆಯಿಂದ ಬಯಸುವುದು ನೀರು, ಸ್ವಚ್ಛತೆ, ಬೀದಿ ದೀಪ ಸೌಕರ್ಯ ಒದಗಿಸಿದಲ್ಲಿ ಯಾರೊಬ್ಬರೂ ಆಕ್ಷೇಪಣೆ ಮಾಡುವುದಿಲ್ಲ ಎಂದರು.