ಚನ್ನಪಟ್ಟಣ
ನಾನು ಪ್ರೇಮಸಾಯಿ ದೇವಮಾನವ. ಜನರ ಕಷ್ಟಗಳನ್ನು ಪರಿಹರಿಸುತ್ತೇನೆ ಎಂದು ಹೇಳಿಕೊಂಡು ಸಾರ್ವಜನಿಕರಿಗೆ ವಂಚಿಸಿದ ತಂಡದ ಓರ್ವ ಆರೋಪಿಯನ್ನು ಪೂರ್ವ ಪೊಲೀಸ್ ಠಾಣೆ ಪೊಲೀಸರು ಬಂಧಿಸಿದ್ದಾರೆ.
ಸಾಹಿರಾಜ್ (43) ಬಂಧಿತ. ಮಹಾರಾಷ್ಟ್ರದ ಕೊಲ್ಲಾಪುರದಿಂದ ಬಂದಿದ್ದ ತಂಡವೊಂದು ದೇವಮಾನವ ಪ್ರೇಮ ಸಾಯಿಬಾಬಾ ಹೆಸರಿನಲ್ಲಿ ನಗರದಲ್ಲಿ ಹಲವರಿಗೆ ವಂಚಿಸಿತ್ತು.
ಈ ತಂಡದಿಂದ ವಂಚನೆಗೆ ಒಳಗಾಗಿದ್ದ ಮಂಗಳವಾರ ಪೇಟೆಯ ಮರಳು ಹೊಲದ ಸಿಂಧು ಎಂಬಾಕೆ ತಂಡದ ನಾಯಕ ಸಚಿನ್ ಅಕಾರಾಂ ಸರ್ಗರ್ ಸೇರಿ 6 ಮಂದಿಯ ವಿರುದ್ಧ ಪೂರ್ವ ಪೊಲೀಸ್ ಠಾಣೆಯಲ್ಲಿ ದೂರು ಸಲ್ಲಿಸಿದ್ದರು. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಆರೋಪಿಗಳ ಪತ್ತೆಗೆ ಬಲೆ ಬೀಸಿದ್ದರು. ಪ್ರಕರಣಕ್ಕೆ ಸಂಬಂಧಿಸಿದಂತೆ ಎ2 ಆರೋಪಿ ಸಾಹಿರಾಜ್ ಎಂಬಾತನನ್ನು ಎಸ್ಪಿ ಸಂತೋಷ್ಬಾಬು ಮಾರ್ಗದರ್ಶನದಲ್ಲಿ ಡಿವೈಎಸ್ಪಿ ಓಂಪ್ರಕಾಶ್, ನಗರ ಸಿಪಿಐ ದಿವಾಕರ್ ನೇತೃತ್ವದಲ್ಲಿ ಪಿಎಸ್ಐ ಆಕಾಶ್ ಬಿ.ಪತ್ತಾರ್ ನೇತೃತ್ವದ ತಂಡ ಬಂಧಿಸಿದೆ. ಉಳಿದ ಆರೋಪಿಗಳ ಪತ್ತೆಗೆ ಬಲೆ ಬೀಸಲಾಗಿದೆ.