ಕನಕದಾಸರು ತಳ ಸಮುದಾಯದ ಗಟ್ಟಿ ಧ್ವನಿ

ಪಟ್ಟಣದ ತಾಲೂಕು ಪಂಚಾಯಿತಿ ಸಭಾಂಗಣದಲ್ಲಿ ರಾಷ್ಟ್ರೀಯ ಹಬ್ಬಗಳ ಆಚರಣಾ ಸಮಿತಿ ವತಿಯಿಂದ ಶನಿವಾರ ಹಮ್ಮಿಕೊಂಡಿದ್ದ ಕನಕದಾಸ ಜಯಂತಿ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿ, ದಾಸರ ವಾಣಿ ಅನುಸರಣೆ ಇಂದಿನ ಪೀಳಿಗೆಯ ಅನಿವಾರ್ಯತೆಯಾಗಿದೆ ಎಂದರು. 

ಕನಕದಾಸರು ನಾಡು ಕಂಡ ಒಬ್ಬ ಶ್ರೇಷ್ಠ ಕವಿ, ದಾರ್ಶನಿಕ, ಸಾಮಾಜಿಕ ಹೋರಾಟಗಾರ. ಜಾತಿ, ಮತ, ಧರ್ಮಗಳ ಮೌಢ್ಯತೆ ನಮ್ಮನ್ನು ಇಂದಿಗೂ ಆಳುತ್ತಿದೆ. ಇದರಿಂದ ಹೊರಬರಬೇಕು. ಈ ನಿಟ್ಟಿನಲ್ಲಿ ಕನಕದಾಸರ ಪದಗಳು, ಅವರ ಜೀವನ ನಮಗೆ ಆದರ್ಶವಾಗಬೇಕು ಎಂದರು.

ಭಕ್ತಿಗೆ ಎಲ್ಲವನ್ನೂ ಓಲೈಸಿಕೊಳ್ಳುವ ಶಕ್ತಿ ಇದೆ ಎಂಬುದರ ಪ್ರತೀಕವಾಗಿ ಕನಕ ದಾಸರು ಎಂದೆಂದಿಗೂ ಪ್ರಸ್ತುತವಾಗಿ ನಿಂತಿದ್ದಾರೆ. ಸಮಾಜದಲ್ಲಿ ತುಡಿತಕ್ಕೊಳಗಾದವರ ಗಟ್ಟಿ ಧ್ವನಿಯಾಗಿ ನಿಂತಿದ್ದಾರೆ. ನನ್ನ ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯ ಹಲವು ಗ್ರಾಮದಲ್ಲಿ ಕನಕ ಭವನಗಳಿಗೆ ಅನುದಾನ ಕೊಡಿಸಿದ್ದೇನೆ ಎಂದರು. 

ಬಿಇಒ ಮಾರಯ್ಯ, ಯದುಗಿರಿ ಇದ್ದರು.