ಗಾಂಜಾ ಮಾರಲು ಯತ್ನಿಸುತ್ತಿದ್ದವನ ಬಂಧನ

ತಾಲೂಕಿನ ಹಾವಿನಮೂಲೆಯ ಯಜಮಾನದೊಡ್ಡಿ ಗ್ರಾಮದ ಶಿವಣ್ಣ ಆಲಿಯಾಸ್ ಗೊಣ್ಣೆ (28) ಬಂಧಿತ ಆರೋಪಿ. ಈತ ತಮಿಳುನಾಡಿನಿಂದ ಗಾಂಜಾ ಖರೀದಿಸಿ ಮಾರಾಟ ಮಾಡುವ ಉದ್ಧೇಶದಿಂದ ಪಟ್ಟಣದ ತಟ್ಟೆಹಳ್ಳ ಸಮೀಪ ಆಗಮಿಸಿದ್ದ. ಈ ಬಗ್ಗೆ ದೊರೆತ ಖಚಿತ ಮಾಹಿತಿ ಮೇರೆಗೆ ಸಬ್ ಇನ್‌ಸ್ಪೆಕ್ಟರ್ ರವಿ ಅವರು ಡಿವೈಎಸ್ಪಿ ಧರ್ಮೇಂದ್ರ ಹಾಗೂ ಇನ್ಸ್‌ಪೆಕ್ಟರ್ ಸಿ. ಆನಂದ ಮೂರ್ತಿ ಮಾರ್ಗದರ್ಶನದಲ್ಲಿ ಸಿಬ್ಬಂದಿಯೊಂದಿಗೆ ದಾಳಿ ನಡೆಸಿದರು.

ಈ ವೇಳೆ ಪರಿಶೀಲಿಸಿದಾಗ ಗಾಂಜಾ ಇರುವುದು ದೃಢಪಟ್ಟಿದೆ. 260 ಹೂ, ಗೊಂಡೆ ಮಿಶ್ರಿತ ಹದಗೊಳಿಸಿದ ಒಣ ಗಾಂಜಾವನ್ನು ವಶಕ್ಕೆ ಪಡೆದ ಪೊಲೀಸರು ಆರೋಪಿಯನ್ನು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ನೀಡಿದ್ದಾರೆ. ಈ ಸಂಬಂಧ ಹನೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ದಾಳಿಯಲ್ಲಿ ಹನೂರು ಠಾಣೆಯ ಸಿಬ್ಬಂದಿ ಚಂದ್ರು, ಸುನೀಲ್, ದಶರಥ, ಕೊಳ್ಳೇಗಾಲ ಕಚೇರಿಯ ರವಿ ಹಾಗೂ ಬಿಳಿಗೌಡ ಭಾಗವಹಿಸಿದ್ದರು.

ಫೋಟೋ

17 ಹನೂರು 4

ಹನೂರಿನಲ್ಲಿ ಗಾಂಜಾ ಮಾರಾಟಕ್ಕೆ ಯತ್ನಿಸುತ್ತಿದ್ದವನನ್ನು ಹನೂರು ಪೊಲೀಸರು ಬಂಧಿಸಿರುವುದು.