ಪೊನ್ನಾಚಿ ಗ್ರಾಮದಲಿ ಜೋರು ಮಳೆ

ಸಂಜೆ 7ರ ವೇಳೆಯಲ್ಲಿ ಆರಂಭವಾದ ಜೋರು ಮಳೆ ಸುಮಾರು ಒಂದು ಗಂಟೆಗಳ ಕಾಲ ಸುರಿಯಿತು. ಪರಿಣಾಮ ಗ್ರಾಮದ ಮುಖ್ಯ ರಸ್ತೆಯಲ್ಲಿ ಎತೇಚ್ಛವಾದ ನೀರು ಹಳ್ಳದಂತೆ ಹರಿಯ ತೊಡಗಿತು. ಜನರು ಸಂಚರಿಸಲು ತೊಡುಕಾಗಿ ಪರಿಣಮಿಸಿತು. ಇತ್ತ ಶಂಕರ ಅವರ ಮನೆಗೆ ನೀರು ನುಗ್ಗಿತು. ಇದರಿಂದ ದಿನಸಿ ಪದಾರ್ಥ ಹಾಗೂ ಕೆಲ ಗೃಹೋಪಯೋಗಿ ವಸ್ತುಗಳ ಹಾನಿಯಾಗಿದೆ. ಮನೆಯೊಳಗೆ ಸಂಗ್ರಹಣೆಯಾದ ನೀರನ್ನು ಹೊರ ಹಾಕಲು ಕುಟುಂಬಸ್ಥರು ಹರಸಾಹಸಪಟ್ಟರು.

ತಗ್ಗು ಪ್ರದೇಶದಿಂದ ಕೂಡಿರುವ ಗ್ರಾಮದ ಬೀದಿಯಲ್ಲಿ ಚರಂಡಿಯನ್ನು ನಿರ್ಮಿಸಿರುವುದರ ಮೂಲಕ ಮಳೆಗಾಲದ ವೇಳೆ ಮನೆಗಳಿಗೆ ನೀರು ನುಗ್ಗದಂತೆ ಗ್ರಾಪಂ ಅಧಿಕಾರಿಗಳಿಗೆ ಹಲವು ಬಾರಿ ಮನವಿ ಮಾಡಲಾಗಿದೆ. ಆದರೆ ಯಾವುದೇ ಕ್ರಮವಾಗಿಲ್ಲ. ಆದ್ದರಿಂದ ಸಂಬಂಧಪಟ್ಟ ಅಧಿಕಾರಿಗಳು ಇನ್ನಾದರೂ ಇತ್ತ ಗಮನಹರಿಸಿ ಅಗತ್ಯ ಕ್ರಮ ವಹಿಸುವಂತೆ ಗ್ರಾಮದ ಸಾಮಾಜಿಕ ಕಾರ್ಯಕರ್ತ ಪೊನ್ನಾಚಿ ರಾಜು ಒತ್ತಾಯಿಸಿದ್ದಾರೆ.