ಚಿಂತಾಮಣಿ: ರಭಸವಾಗಿ ಹರಿಯುತ್ತಿದ್ದ ಕುಶಾವತಿ ನದಿಯ ನೀರಿನಲ್ಲಿ ಕೊಚ್ಚಿಹೊಗುತ್ತಿದ್ದ ವ್ಯಕ್ತಿಯೊಬ್ಬರು ಗ್ರಾಮಸ್ಥರ ಸಮಯಪ್ರಜ್ಞೆಯಿಂದ ಬದುಕುಳಿದಿದ್ದಾರೆ. ಚಿಂತಾಮಣಿ-&ಚೇಳೂರು ಮುಖ್ಯ ರಸ್ತೆಯ ಹೊಸಹುಡ್ಯ ಸಮೀಪದ ರಸ್ತೆಯಲ್ಲಿ ಕುಶಾವತಿ ನದಿ ನೀರಿನ ಹರಿವು ಹೆಚ್ಚಳವಾಗಿದ್ದರಿಂದ ವಾಹನ ಸಂಚಾರ ಸ್ಥಗಿತಗೊಳಿಸಲಾಗಿತ್ತು. ಆದರೆ, ಚಾಲಕ ನೀರಿನ ನಡುವೆ ವಾಹನ ಚಲಾಯಿಸಲು ಮುಂದಾಗಿದ್ದು, ಈ ವೇಳೆ ಇಂಜಿನ್ಗೆ ನೀರು ನುಗ್ಗಿ ವಾಹನ ಕೆಟ್ಟಿದೆ. ಈ ವೇಳೆ ವಾಹನದಿಂದ ಇಳಿದ ಚಾಲಕ ಚೇಳೂರಿನ ಪೆದ್ದೂರು ಗುಂಡ್ಲಹಳ್ಳಿಯ ವಿಜಯ್ (25) ದಡ ಸೇರಲು ಹೋಗುತ್ತಿದ್ದಾಗ ನೀರಿನ ರಭಸಕ್ಕೆ ಕೊಚ್ಚಿಕೊಂಡು ರಸ್ತೆ ಪಕ್ಕದ ಗುಂಡಿಗೆ ಬಿದ್ದಿದ್ದಾನೆ. ಪಕ್ಕದಲ್ಲಿದ್ದ ಮರದ ಕೊಂಬೆ ಹಿಡಿದು ನಿಂತಿದ್ದ ಆತನನ್ನು ಗ್ರಾಮಸ್ಥರು ರಸಿದ್ದಾರೆ. ಜೆಸಿಬಿಯಿಂದ ಕ್ಯಾಂಟರ್ಅನ್ನು ದಡಕ್ಕೆ ತರಲಾಯಿತು. ವಿಷಯ ತಿಳಿದ ಅಗ್ನಿಶಾಮಕ ದಳದ ಅಧಿಕಾರಿ ಲೋಕೇಶ್ ನೇತೃತ್ವದ ತಂಡ, ಕೆಂಚಾರ್ಲಹಳ್ಳಿ ಠಾಣೆ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರೀಶಿಲಿಸಿದರು.