ಬಡವರ ಮಕ್ಕಳಿಗೆ ಕಾಲುವೆಗಳೇ ಈಜುಕೊಳ

ಹಗರಿಬೊಮ್ಮನಹಳ್ಳಿ: ತುಂಗಭದ್ರಾ ಜಲಾಶಯದ ಎಡ ಮತ್ತು ಬಲದಂಡೆ ಕಾಲುವೆಗಳು ಗ್ರಾಮೀಣ ಮಕ್ಕಳಿಗೆ ಈಜುಕೊಳಗಳಾಗಿ ಮಾರ್ಪಾಡಾಗಿವೆ.

ಇದನ್ನೂ ಓದಿ:ಮಕ್ಕಳ ಬೌದ್ಧಿಕ ಬೆಳವಣಿಗೆಗೆ ಬೇಸಿಗೆ ಶಿಬಿರ ಸಹಕಾರಿ

ಈ ವರ್ಷ ಬೇಸಿಗೆ ಅವಧಿಯಲ್ಲಿ ಎಡ ಮತ್ತು ಬಲದಂಡೆ ಕಾಲುವೆಗಳನ್ನು ಸ್ವಚ್ಛಗೊಳಿಸಿ ನೀರು ಹರಿಸಲಾಗುತ್ತಿದೆ. ಇದರಿಂದ ರೈತರಿ ಬೇಸಿಗೆ ಬೆಳೆ ಬಂದಿದೆ. ಜತೆಗೆ ಗ್ರಾಮೀಣ ಮಕ್ಕಳ ಬೇಸಿಗೆಯಲ್ಲಿ ಕಾಲುವೆಗಿಳಿದು ಈಜಿ ಕುಣಿದು ಕುಪ್ಪಳಿಸಿದ್ದಾರೆ. ನಗರ ಪ್ರದೇಶಗಳಲ್ಲಿ ಈಜುಕೊಳಗಳಿರುತ್ತವೆ. ಶಾಲಾ-ಕಾಲೇಜು ರಜಾ ಅವಧಿಯಲ್ಲಿ ಈಜುಕೊಳಗಳಲ್ಲಿ ತರಬೇತಿ ಪಡೆಯಲು ಇಂತಿಷ್ಟು ಶುಲ್ಕ ಪಡೆಯಲಾಗುತ್ತದೆ. ಪಾಲಕರು ಮಕ್ಕಳು ಈಜುವುದನ್ನು ನೋಡಿ ಸಂತೋಷಪಡುತ್ತಾರೆ. ಆದರೆ, ಗ್ರಾಮೀಣ ಮಕ್ಕಳಿಗೆ ಬೇಸಿಗೆಯಲ್ಲಿ ಕಾಲುವೆಗಳೇ ಈಜುಕೊಳಗಳಾಗಿವೆ.