ಹಾವೇರಿ: ಮಹಿಳೆಯೊಬ್ಬರು ಬಸ್ ಇಳಿಯುವಾಗ ಕೊರಳಿನಲ್ಲಿದ್ದ 1.75 ಲಕ್ಷ ರೂ. ಮೌಲ್ಯದ ಚಿನ್ನದ ಸರವನ್ನು ಯಾರೋ ಖದೀಮರು ದೋಚಿರುವ ಘಟನೆ ನಗರದ ಕೇಂದ್ರೀಯ ಬಸ್ ನಿಲ್ದಾಣದಲ್ಲಿ ನಡೆದಿದೆ.
ಹಾನಗಲ್ಲ ಪಟ್ಟಣದ ಕುಮಾರೇಶ್ವರ ನಗರದ ನಿವಾಸಿ ಸುವರ್ಣ ತಿರುಕಪ್ಪ ಅಣಜಿ (56) ಎಂಬುವರ ಸರ ದೋಚಿರುವುದು.
ಇವರು ಹಾನಗಲ್ಲದಿಂದ ಸಾರಿಗೆ ಸಂಸ್ಥೆ ಬಸ್ ಹತ್ತಿ ಹಾವೇರಿಗೆ ಬಂದಿದ್ದಾರೆ. ಬಸ್ ಇಳಿಯುವ ಸಮಯದಲ್ಲಿ ಯಾರೋ ಖದೀಮರು ಸರ ದೋಚಿದ್ದಾರೆ ಎನ್ನಲಾಗಿದೆ. ಈ ಕುರಿತು ಶಹರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.