ಅಪಘಾತದಲ್ಲಿ ಬೈಕ್​ ಸವಾರ ಸಾವು

ಕುದೂರು: ಹೋಬಳಿಯ ರಾಷ್ಟ್ರೀಯ ಹೆದ್ದಾರಿ 75ರ ಕೆಜಿ ನಗರ ಯು&ರ್ಟನ್​ನಲ್ಲಿ ಶನಿವಾರ ಸಂಜೆ ಸಂಭವಿಸಿದ ಅಪಘಾತದಲ್ಲಿ ವ್ಯಕ್ತಿಯೊಬ್ಬ ಮೃತಪಟ್ಟು, ಇಬ್ಬರು ಸವಾರರು ಗಾಯಗೊಂಡಿದ್ದಾರೆ. ಬೆಂಗಳೂರು ನಗರದ ನಂದಿನಿ ಲೇಔಟ್​ನ ಸಾಕಮ್ಮ ಬಡಾವಣೆಯ ಶಿವಕುಮಾರ್​(42) ಮೃತ. ಊರ ಹಬ್ಬಕ್ಕೆಂದು ಹೊಸಪಾಳ್ಯಕ್ಕೆ ಬಂದಿದ್ದ ಶಿವಕುಮಾರ್​ ಮನೆಗೆ ಬೇಕಾದ ದಿನಸಿತೆಗೆದುಕೊಳ್ಳಲು ಕೆ.ಜಿ. ನಗರಕ್ಕೆ ಬಂದು ವಾಪಸ್​ ತೆರಳಲು ಯುರ್ಟನ್​ ಮಾಡುವಾಗ ಕುಣಿಗಲ್​ ಕಡೆಯಿಂದ ನೆಲಮಂಗಲಕ್ಕೆ ಹೋಗುವ ದ್ವಿಚಕ್ರ ವಾಹನವೊಂದು ಡಿಕ್ಕಿ ಹೊಡೆದಿದೆ. ಈ ವೇಳೆ ಎರಡೂ ಬೈಕಿನ ಚಾಲಕರು ಬಿದ್ದಿದ್ದಾರೆ. ಅದೇ ಮಾರ್ಗವಾಗಿ ಬಂದ ಮತ್ತೊಂದು ಸ್ಕೂಟರ್​ ಡಿಕ್ಕಿಯಾಗಿ ಅವರೂ ಬಿದ್ದು ಗಾಯಗೊಂಡರು. ಗಾಯಗೊಂಡ ಮೂವರನ್ನೂ ನೆಲಮಂಗಲ ಸರ್ಕಾರಿ ಆಸ್ಪತ್ರೆಗೆ ಸಾಗಿಸುವಾಗ ಶಿವಕುಮಾರ್​ ಮಾರ್ಗ ಮಧ್ಯೆ ಮೃತಪಟ್ಟಿದ್ದಾರೆ. ಕುದೂರು ಠಾಣೆಯಲ್ಲಿ ದೂರು ದಾಖಲಾಗಿದೆ.