ಹರಿಹರ: ವಿದ್ಯುತ್ ಬಿಲ್ ಭರಿಸಲು ಎರಡು ಕೌಂಟರ್ಗಳನ್ನು ಪುನಃ ಆರಂಭಿಸುವಂತೆ ಒತ್ತಾಯಿಸಿ ವಿಶ್ವ ಕರ್ನಾಟಕ ರಕ್ಷಣಾ ವೇದಿಕೆ ಗುರುವಾರ ನಗರದ ಬೆಸ್ಕಾಂ ಕಾರ್ಯ ನಿರ್ವಾಹಕ ಅಭಿಯಂತರ ರವಿ ಕಿರಣ್ ಅವರಿಗೆ ಮನವಿ ಸಲ್ಲಿಸಿತು.
ಈ ವೇಳೆ ರಾಜ್ಯ ಉಪಾಧ್ಯಕ್ಷ ನಾಗರಾಜ್ ಬಂಡಾರಿ ಮಾತನಾಡಿ, ನಗರದ ಶಿವಮೊಗ್ಗ ರಸ್ತೆಯ ಜೆಸಿ ಬಡಾವಣೆ ಬಳಿ ಹಾಗೂ ಇಂಡಸ್ಟ್ರಿ ಯಲ್ ಏರಿಯಾದಲ್ಲಿ ಬೆಸ್ಕಾಂ ಗ್ರಾಹಕರಿಗೆ ವಿದ್ಯುತ್ ಬಿಲ್ ಕಟ್ಟಲು ಕೌಂಟರ್ಗಳನ್ನು ಮಾಡಲಾಗಿತ್ತು. ಆದರೆ ಇತ್ತೀಚೆಗೆ ಬೆಸ್ಕಾಂ ಕಚೇರಿಯಿಂದ ಈ ಎರಡು ಕೌಂಟರ್ಗಳನ್ನು ಬಂದ್ ಮಾಡಲಾಗಿದ್ದು ಗ್ರಾಹಕರು ತೊಂದರೆ ಅನುಭವಿಸುತ್ತಿದ್ದಾರೆ ಎಂದರು.
ಸರ್ಕಾರ ಗೃಹ ಜ್ಯೋತಿ ಹೆಸರಿನಲ್ಲಿ 200 ಯುನಿಟ್ ಉಚಿತ ವಿದ್ಯುತ್ ನೀಡುತ್ತಿದ್ದಾರೆ. ಆದರೆ ಹೆಚ್ಚುವರಿ ಯುನಿಟ್ ಬಿಲ್ ಪಾವತಿಗೆ ಬೆಸ್ಕಾಂ ಕಚೇರಿ ಆವರಣದಲ್ಲಿರುವ ಏಕೈಕ ಕೌಂಟರ್ಗೆ ಬರಬೇಕಿದೆ. ಇದರಿಂದ ನಗರದ ಗ್ರಾಹಕರು ಬಿಲ್ ಪಾವತಿಸಲು ದಿನ ಪೂರ್ತಿ ಕಾಯುವ ಪರಿಸ್ಥಿತಿ ನಿರ್ವಣವಾಗುತ್ತದೆ ಎಂದು ಆರೋಪಿಸಿದರು.
ಬೆಸ್ಕಾಂ ಅಧಿಕಾರಿಗಳು ಒಂದು ತಿಂಗಳೊಳಗೆ ಸ್ಥಗಿತ ಮಾಡಿರುವ ಕೌಂಟರ್ಗಳನ್ನು ಪ್ರಾರಂಭಿಸಬೇಕು ಹಾಗೂ ಹೆಚ್ಚುವರಿ ಕೌಂಟರ್ಗಳನ್ನು ತೆರೆಯಬೇಕು. ಇಲ್ಲದಿದ್ದರೆ ಸಂಘಟನೆಯಿಂದ ಹೋರಾಟ ಮಾಡಲಾಗುವುದು ಎಂದು ಎಚ್ಚರಿಸಿದರು.
ಈ ವೇಳೆ ತಾಲೂಕಾಧ್ಯಕ್ಷ ರಾಹುಲ್ ಮೆಹರ್ವಾಡೆೆ, ಜಿ.ವಿ. ಪ್ರವೀಣ್ಕುಮಾರ್, ಡಿವಿಜಿ ಲಿಂಗರಾಜ್, ಗೌತಮ್ ಮೈಫುಜ್ ಮತ್ತಿತರರಿದ್ದರು.