ಬೆಂಗಳೂರು&ಮೈಸೂರು ಎಕ್ಸ್ಪ್ರೆಸ್ ರಾಷ್ಟ್ರೀಯ ಹೆದ್ದಾರಿ ಕಬ್ಬಿಣದ ಬೋರ್ಡ್ಗೆ ಬಸ್ ಡಿಕ್ಕಿ ಯಾಗಿ ಪಲ್ಟಿಯಾಗಿರುವುದು.
ಅವರಗೆರೆ ಬ್ರಿಡ್ಜ್ ಬಳಿಯ ಬೆಂಗಳೂರು&ಮೈಸೂರು ಎಕ್ಸ್ಪ್ರೆಸ್ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಅಳವಡಿಸಿದ್ದ ವೇಗದ ಮಿತಿ ಮಾಹಿತಿ ಕೊಡುವ ಕಬ್ಬಿಣದ ಬೋರ್ಡ್ಗೆ ಶನಿವಾರ ಕೇರಳಂ ಸಾರಿಗೆ ಬಸ್ ಡಿಕ್ಕಿಯಾಗಿ ಪಲ್ಟಿಯಾಗಿದ್ದು ಇಬ್ಬರು ಮೃತಪಟ್ಟಿದ್ದರೆ, 25ಕ್ಕೂ ಹೆಚ್ಚು ಪ್ರಯಾಣಿಕರಿಗೆ ಗಾಯಗಳಾಗಿವೆೆ.
ಕೇರಳಂನಿಂದ ಬೆಂಗಳೂರು ಕಡೆಗೆ ಬಸ್ ಬರುತ್ತಿತ್ತು. ಚಾಲಕನ ಅಜಾಗರೂಕತೆಯಿಂದ ಅಪಘಾತ ನಡೆದಿದೆ ಎನ್ನಲಾಗಿದೆ. ಮುಂಜಾನೆಯಾದ ಕಾರಣ ಬಸ್ ಚಾಲಕ ಮಂಪರು ನಿದ್ದೆಗೆ ಜಾರಿದ್ದು ಅಪಘಾತಕ್ಕೆ ಕಾರಣ ಎನ್ನಲಾಗುತ್ತಿದೆ.
ಬಸ್ ಡಿಕ್ಕಿಯಾದ್ದರಿಂದ ವೇಗದ ಮಿತಿ ಬರೆದಿದ್ದ ಕಬ್ಬಿಣದ ಬೋರ್ಡ್ ಪ್ರಮಾಣದಲ್ಲಿ ಹೆದ್ದಾರಿಗೆ ಬಿದ್ದಿತ್ತು. ಅಲ್ಲದೆ ಬಸ್ ಪಲ್ಟಿಯಾಗಿದ್ದರಿಂದ ಬೆಂಗಳೂರು ಕಡೆಗೆ ಒಂದು ತಾಸಿಗೂ ಹೆಚ್ಚು ಕಾಲ ಸಂಚಾರ ಸಿಕ್ಕು ಉಂಟಾಗಿತ್ತು. ಬಿಡದಿ ಪೊಲೀಸರು ಹಾಗೂ ಅಗ್ನಿಶಾಮಕ ದಳದ ಸಿಬ್ಬಂದಿ ಸ್ಥಳಕ್ಕೆ ಬಂದು ಕ್ರೇನ್ ಮೂಲಕ ಬಸ್ ಹಾಗೂ ಬೋರ್ಡ್ ತೆರವು ಮಾಡಿ ವಾಹನಗಳ ಸುಗಮ ಸಂಚಾರಕ್ಕೆ ಅನುವು ಮಾಡಿಕೊಟ್ಟಿದ್ದರು. ಬಿಡದಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.