ಕಾರಿನೊಂದಿಗೆ ಪರಾರಿಯಾಗಿದ್ದ ಮೂವರ ಬಂಧನ

ಬೆಂಗಳೂರು&ಮೈಸೂರು ಮುಖ್ಯ ರಸ್ತೆಯ ವಂಡರ್​ ಲಾ ಗೇಟ್​ನಿಂದ ಚನ್ನಪಟ್ಟಣಕ್ಕೆ ಬಿಡಲು ಇಬ್ಬರು ಉಬರ್​ನಲ್ಲಿ ಕಾರು ಬುಕ್​ ಮಾಡಿಕೊಂಡಿದ್ದರು. ಕಾರು ಚನ್ನಪಟ್ಟಣಕ್ಕೆ ಬಂದಾಗ ಅಲ್ಲಿ ಮತ್ತೊಬ್ಬರನ್ನು ಹತ್ತಿಸಿಕೊಂಡು, ಚನ್ನಪಟ್ಟಣ ಬೇಡ ಹಾರೋಹಳ್ಳಿಗೆ ಬಿಡುವಂತೆ ತಿಳಿಸಿದ್ದಾರೆ. ಅದರಂತೆ ಉಬರ್​ ಚಾಲಕ ಕಾರನ್ನು ಹಾರೋಹಳ್ಳಿಯತ್ತ ಚಲಾಯಿಸುವಾಗ ಮಾರ್ಗ ಮಧ್ಯೆ ಮಾರಕಾಸ್ತ್ರ ತೋರಿಸಿ ಚಾಲಕನನ್ನು ಬೆದರಿಸಿ, ಕಾರಿನಿಂದ ಕೆಳಗೆ ಇಳಿಸಿದ್ದಾರೆ. ಚಾಲಕನ ಅಂಕೌಟ್​ನಲ್ಲಿದ್ದ 2 ಸಾವಿರ ರೂ.ಗಳನ್ನು ೋನ್​ ಪೇ ಮಾಡಿಸಿಕೊಂಡು, ಮೊಬೈಲ್​ ಕಿತ್ತುಕೊಂಡು ಕಾರು ಸಮೇತ ಪರಾರಿಯಾಗಿದ್ದರು. ಟನೆ ಸಂಬಂಧ ಕಾರು ಚಾಲಕ ರಾಮನಗರದ ಜಾನ್​ ವಿಲಿಯಂ ಹಾರೋಹಳ್ಳಿ ಪೊಲೀಸ್​ ಠಾಣೆಯಲ್ಲಿ ದೂರು ನೀಡಿದ್ದರು.

ತನಿಖೆ ಕೈಗೊಂಡ ಇನ್​ಸ್ಪೆಕ್ಟರ್​ ಮಲ್ಲೆಶ್​ ನೇತೃತ್ವದ ತಂಡ ಪ್ರಕರಣ ದಾಖಲಾದ ಎರಡು ದಿನಗಳಲ್ಲಿ ಮೂವರು ಆರೋಪಿಗಳನ್ನು ಬಂಧಿಸಿ, ಕಾರು, ಮೊಬೈಲ್​ ಹಾಗೂ ಕೃತ್ಯಕ್ಕೆ ಬಳಸಿದ್ದ ಮಾರಕಾಸಗಳನ್ನು ವಶಪಡಿಸಿಕೊಂಡಿದ್ದಾರೆ.