ಕನಕಪುರ ತಾಲೂಕು ತೆರಿಗೆದೊಡ್ಡಿ ಗ್ರಾಮದಲ್ಲಿ ರಾಜಕೀಯ ಕಿರುಕುಳಕ್ಕೆ ಧ್ವಂಸಗೊಂಡ ಕೋಳಿಫಾಮ್ರ್ಅನ್ನು ಸರ್ಕಲ್ ಇನ್ಸ್ಪೆಕ್ಟರ್ ವಿಕಾಸ್ಗೌಡ ಪರಿಶೀಲಿಸಿದರು. ಎಸ್ಐ ಪ್ರದಿಪ್ಕುಮಾರ್, ಗ್ರಾಮಸ್ಥರು ಉಪಸ್ಥಿತರಿದ್ದರು.
ಕನಕಪುರ: ಜೀವನಾಧಾರಕ್ಕೆ ಆಶ್ರಯವಾಗಿದ್ದ ಕೃಷಿ ಹಾಗೂ ಕೋಳಿ ಫಾಮ್ರ್ ನಾಶ ಮಾಡಿ ನಮ್ಮ ಬದುಕನ್ನೇ ನಾಶಗೊಳಿಸಲಾಗಿದೆ, ರಾಜಕೀಯ ದ್ವೇಷ, ಅಸೂಯೆಯಿಂದ ನಡೆಯುತ್ತಿರುವ ದೌರ್ಜನ್ಯಗಳ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕು ಎಂದು ಗ್ರಾಮಾಂತರ ಠಾಣೆ ಸರ್ಕಲ್ ಇನ್ಸ್ಪೆಕ್ಟರ್ ವಿಕಾಸ್ಗೌಡ ಎದುರು ತಾಲೂಕಿನ ಐ.ಗೊಲ್ಲಹಳ್ಳಿ ಗ್ರಾಪಂ ವ್ಯಾಪ್ತಿಯ ತೆರಿಗೆದೊಡ್ಡಿಯ ಗೌರಿಬಾಯಿ, ರಾಮನಾಯ್ಕ ಕುಟುಂಬ ನೋವು ತೋಡಿಕೊಂಡಿತು.
ಜಮೀನಿನಲ್ಲಿನ ಕೋಳಿ ಾಮ್ರ್ ಧ್ವಂಸಗೊಂಡ ಹಿನ್ನೆಲೆಯಲ್ಲಿ ಗುರುವಾರ ಸ್ಥಳ ಪರಿಶೀಲನೆಗೆಂದು ಸರ್ಕಲ್ ಇನ್ಸ್ಪೆಕ್ಟರ್ ಬಂದಾಗ ಕಣ್ಣೀರು ಹಾಕಿದ ಗೌರಿಬಾಯಿ ಮತ್ತು ಕುಟುಂಬ, ಜಮೀನು ವ್ಯಾಜ್ಯದ ಬಗ್ಗೆ ಸವವಿವರವಾಗಿ ತಿಳಿಸಿದರು. ನಮ್ಮ ವಿರುದ್ಧ ಜಮೀನಿನ ವಿಚಾರವಾಗಿ ಹಗೆತನ ಮಾಡುತ್ತಿರುವವರು ಎರಡು ಬಾರಿ ಕೋಳಿ ಾಮ್ರ್ಗೆ ಬೆಂಕಿ ಇಟ್ಟಿದ್ದರು. ಬುಧವಾರ ನಡುರಾತ್ರಿ ಮತ್ತೆ ಬಂದು
ಫಾಮ್ರ್ ಕಟ್ಟಡವನ್ನೇ ನಾಶ ಮಾಡಿದ್ದಾರೆ ಎಂದು ನೋವು ತೋಡಿಕೊಂಡರು.
ಮಗ ಖಾಸಗಿ ಶಾಲೆಯಲ್ಲಿ ಶಿಕ್ಷಕನಾಗಿದ್ದ. ಆತನ ವಿರುದ್ಧ ಸುಳ್ಳು ಪ್ರಕರಣ ದಾಖಲಿಸಿ ಸೇವೆಯಿಂದ ವಜಾ ಗೊಳಿಸಿದರು, ಈಗ ಮೇಕೆ&ಕುರಿಗಳನ್ನು ಮೇಯಿಸುತ್ತಿದ್ದಾನೆ ಎಂದು ಕಣ್ಣೀರು ಹಾಕಿದರು. ಗೌರಿಬಾಯಿ ಕುಟುಂಬದ ಅಳಲು ಆಲಿಸಿದ ಸರ್ಕಲ್ ಇನ್ಸ್ಪೆಕ್ಟರ್ ವಿಕಾಸ್ಗೌಡ, ಧೈರ್ಯವಾಗಿರಿ, ಯಾರು ಯಾರನ್ನೂ ಕೊಲ್ಲುವ ಅಧಿಕಾರವಿಲ್ಲ, ಯಾರೇ ತಪ್ಪು ಮಾಡಿದ್ದರೂ ಪರಿಶೀಲಿಸಿ ಕ್ರಮ ಕೈಗೊಳ್ಳುತ್ತೇವೆ ಎಂದು ಸಮಾಧಾನಪಡಿಸಿದರು. ರಾಮಚಂದ್ರನಾಯ್ಕ, ಗುಂಡಾನಾಯ್ಕ, ಶಿವಮಾದನಾಯ್ಕ, ರಾಮಲಿಂಗನಾಯ್ಕ, ಗೌರಿಬಾಯಿ, ಲ್ಮಬಾಯಿ ಸೇರಿದಂತೆ ಕುಟುಂಬ ಸದಸ್ಯರು ಹಾಜರಿದ್ದರು.