ಪತ್ನಿಯ ಕಿರುಕುಳಕ್ಕೆ ಬೇಸತ್ತ ನವವಿವಾಹಿತ ಸಾಫ್ಟ್ವೇರ್ ಇಂಜಿನಿಯರ್ ಹರಟಬೆಲೆ ಗ್ರಾಮದ ಹೊರ ವಲಯದಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ.
ಬೆಂಗಳೂರಿನ ಜಯನಗರದ ಖಾಸಗಿ ಕಂಪನಿಯಲ್ಲಿ ಸಾಫ್ಟ್ವೇರ್ ಇಂಜಿನಿಯರ್ ಆಗಿದ್ದ ಈತ, ಆತ್ಮಹತ್ಯೆಗೂ ಮುನ್ನ ತನ್ನ ಮೊಬೈಲ್ನಲ್ಲಿ ನನ್ನ ಸಾವಿಗೆ ಪತ್ನಿ ಇಕ್ರಾ ಫಾತಿಮಾ ಹಾಗೂ ಅವಳ ಕುಟುಂಬದವರೇ ಕಾರಣ ಎಂದು ಸ್ಕ್ರೀನ್ನಲ್ಲಿ ಬರೆದಿರುವುದು ಸಿಕ್ಕಿದೆ.
ಒಂದು ತಿಂಗಳ ಹಿಂದಷ್ಟೇ ಮದುವೆ: ಮಳವಳ್ಳಿ ತಾಲೂಕು ಶಿಂಶಾಪುರದ ಅನ್ವರ್ ಖಾನ್ ಅವರ ಪುತ್ರ ರೋಷನ್ ಜಮೀರ್ ಹಾಗೂ ಬೆಂಗಳೂರು ಇಲಿಯಾಜ್ ನಗರ ರಪರ್ ಪುತ್ರಿ ಇಕ್ರಾ ಫಾತಿಮಾ ಮದುವೆ ಒಂದು ತಿಂಗಳ ಹಿಂದಷ್ಟೇ ನಡೆದಿತ್ತು.
ಆ.6ರಂದು ಸ್ನೇಹಿತನ ಮನೆಗೆ ಹೋಗಿದ್ದ ರೋಷನ್ 7ರ ಮಧ್ಯಾಹ್ನ ಹರಟಬೆಲೆ ಗ್ರಾಮದ ಬಳಿ ಮರಕ್ಕೆ ನೇಣುಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ.
ಇಷ್ಟೆಲ್ಲ ಬೆಳವಣಿಗೆ ನಂತರ ರೋಷನ್ ವಿರುದ್ಧ ಬಸವಗುಡಿ ಠಾಣೆಯಲ್ಲಿ ಪತ್ನಿ ಇತ್ತೀಚೆಗೆ ದೂರು ನೀಡಿದ್ದಳು.
ಅಲ್ಲಿ ರಾಜಿಯಾಗದ ಕಾರಣ ವಿಚ್ಚೇದನ ಪಡೆಯಲು ನಿರ್ಧರಿಸಿದ್ದರು. ಠಾಣೆ ಹೊರಭಾಗದಲ್ಲಿ ಕುಟುಂಬದ ಸದಸ್ಯರು ರೋಷನ್ಗೆ ಪ್ರಾಣ ಬೆದರಿಕೆ ಹಾಕಿ ದೌರ್ಜನ್ಯವೆಸಗಿದ್ದರು ಎಂದು ರೋಷನ್ ಪಾಲಕರು ದೂರಿನಲ್ಲಿ ತಿಳಿಸಿದ್ದಾರೆ.
ಮಗನ ಸಾವಿಗೆ ಪತ್ನಿ, ಆಕೆಯ ತಂದೆ, ತಾಯಿ ಹಾಗೂ ಕುಟುಂಬದ ಸದಸ್ಯರು ನೇರ ಕಾರಣರಾಗಿದ್ದಾರೆ. ಅವರ ವಿರುದ್ಧ ಕ್ರಮ ಕೈಗೊಂಡು ನ್ಯಾಯ ದೊರಕಿಸಿಕೊಡಬೇಕೆಂದು ಮೃತನ ತಂದೆ ಅನ್ವರ್ ಪಾಷ ಗ್ರಾಮಾಂತರ ಠಾಣೆಗೆ ದೂರು ನೀಡಿದ್ದಾರೆ. ಪ್ರಕರಣ ದಾಖಲಿಸಿಕೊಂಡಿರುವ ಸಬ್ಇನ್ಸ್ಪೆಕ್ಟರ್ ಆಕಾಶ್ ತನಿಖೆ ಕೈಗೊಂಡಿದ್ದಾರೆ.
ಸ್ವಗ್ರಾಮ ಶಿಂಷಾಪುರದಲ್ಲಿ ಅಂತ್ಯಕ್ರಿಯೆ ನಡೆಯಿತು.
ರೋಷನ್ ಜಮೀರ್ ಮೂಲತ@ ಸಾಫ್ಟ್ವೇರ್ ಇಂಜಿನಿಯರ್ ಆಗಿದ್ದರೂ ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯವಾಗಿ ವೈಲರ್ ಆಗುವ ಮೂಲಕ ಎರಡು ಲಕ್ಷಕ್ಕೂ ಹೆಚ್ಚು ಫಾಲೋವರ್ಸ್ ಹೊಂದಿದ್ದ. ಈತನ ಸಾವಿನ ಸುದ್ದಿ ತಿಳಿದು ನಗರದ ಸರ್ಕಾರಿ ಆಸ್ಪತ್ರೆ ಶವಗಾರದ ಬಳಿ ನೂರಾರು ಅಭಿಮಾನಿಗಳು ಕಿಕ್ಕಿರಿದು ನಿಂತಿದ್ದರು. ಹಲವು ಅಭಿಮಾನಿಗಳು ಕಣ್ಣಿರಿಟ್ಟ ದೃಶ್ಯ ಕಂಡುಬಂತು.