ವಿದ್ಯುತ್​ ಶಾರ್ಟ್​ ಸಕ್ಯೂರ್ಟ್​ಗೆ ಶಾಮಿಯಾನ ಅಂಗಡಿ ಭಸ್ಮ

ಸೋಗಾಲ ಗ್ರಾಮದ ಅರುಣ್​ ಕುಮಾರ್​ ಅವರ ಶಾಮಿಯಾನ ಅಂಗಡಿಗೆ ಬೆಳಗಿನ ಜಾವ ಬೆಂಕಿ ಬಿದ್ದಿದೆ. ಬೆಂಕಿಯ ಕೆನ್ನಾಲಿಗೆಗೆ ಕುರ್ಚಿ, ಪಾತ್ರೆಗಳು, ಡಯಾಸ್​, ಸೋಫಾ, ಶಾಮಿಯಾನ ಬಟ್ಟೆ, ಮ್ಯಾಟ್​, ಫ್ಯಾನ್​ ಸೇರಿ ಲಾಂತರ ರೂ.ಮೌಲ್ಯದ ವಸ್ತುಗಳೊಂದಿಗೆ, ಇಡೀ ಶೇಡ್​ ಸಂಪೂರ್ಣ ಸುಟ್ಟಿದೆ. ಅವಡದಿಂದ ಶಾಮಿಯಾನ ಅಂಗಡಿ ಪಕ್ಕದ ಕ್ಲಿನಿಕ್​ ಮತ್ತು ಮೆಡಿಕಲ್​ ಸ್ಟೋರ್​, ಪಾತ್ರೆ ಅಂಗಡಿಗೂ ಬೆಂಕಿ ತಾಗಿದ್ದು, ಈ ಅಂಗಡಿಗಳ ಕೆಲ ವಸ್ತುಗಳು ಬೆಂಕಿಗೆ ಆಹುತಿಯಾಗಿವೆ ಎನ್ನಲಾಗಿದೆ.

ಮಾಲೀಕ ಅರುಣ್​ ರಾತ್ರಿ 9ರ ಸುಮಾರಿಗೆ ದೈನಂದಿನ ವ್ಯವಹಾರ ಮುಗಿಸಿ ಮನೆಗೆ ತೆರಳಿದ್ದ. ಈ ಮಧ್ಯೆ ಮಧ್ಯರಾತ್ರಿ 2ರ ಸುಮಾರಿಗೆ ಅಂಗಡಿಯಿಂದ ದಟ್ಟ ಹೊಗೆ ಬರುವುದನ್ನು ಕಂಡ ಸ್ಥಳಿಯರು, ಅಂಗಡಿ ಮಾಲೀಕರಿಗೆ ಕರೆ ಮಾಡಿದ್ದಾರೆ. ಅಂಗಡಿ ಬಾಗಿಲು ತೆಗೆಸಿ ಖಾಸಗಿ ನೀರಿನ ಟ್ಯಾಂಕರ್​ ಮೂಲಕ ಬೆಂಕಿ ನಂದಿಸಲು ಯತ್ನಿಸಿದರಾದರೂ ಯಾವುದೇ ಪ್ರಯೋಜನವಾಗಿಲ್ಲ. ಸ್ಥಳಕ್ಕೆ ಅಕ್ಕೂರು ಪೊಲೀಸ್​ ಠಾಣೆ ಪಿಎಸ್​ಐ ಆಕಾಶ್​ ಭೇಟಿ ನೀಡಿ ಪರಿಶೀಲಿಸಿದರು.ಅಕ್ಕೂರುಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.