ಶೂ, ಸಾಕ್ಸ್‌ಗಾಗಿ ಕಾದು ಕುಳಿತ ಶಾಲಾ ಮಕ್ಕಳು; 1.88 ಕೋಟಿ ಬಿಡುಗಡೆ, 1.66 ಕೋಟಿ ಬಾಕಿ, ಮೂರನೇ ಕಂತು ಬಿಡುಗಡೆ ಯಾವಾಗ ?

 ಜಿಲ್ಲೆಯಲ್ಲಿ ಒಟ್ಟು 1,283 ಸರ್ಕಾರಿ ಪೂರ್ವ ಪ್ರಾಥಮಿಕ, ಪ್ರಾಥಮಿಕ ಹಾಗೂ ಪ್ರೌಢಶಾಲೆಗಳಿವೆ. ರಾಜ್ಯ ಸರ್ಕಾರ ಪ್ರತಿ ವರ್ಷ ಆಗಸ್ಟ್ ಒಳಗಾಗಿ ಹಣ ಬಿಡುಗಡೆ ಮಾಡಿ, ಶೂ, ಸಾಕ್ಸ್ ವಿತರಿಸುತ್ತಿತ್ತು. ಆದರೆ, ಈ ಬಾರಿ ಗ್ಯಾರಂಟಿ ಯೋಜನೆಯಿಂದಾಗಿಯೋ ಅಥವಾ ಮತ್ತಿತರ ಕಾರಣಗಳಿಂದಲೋ ಹಣ ಬಿಡುಗಡೆಯಲ್ಲಿ ವಿಳಂಭ ಮಾಡುತ್ತಿದೆ. ಇದರಿಂದಾಗಿ ನವೆಂಬರ್ ಆದರೂ ಇವೆರೆಗೆ ವಿತರಣೆ ಇರಲಿ ಸಂಪೂರ್ಣ ಖರೀದಿಯೂ ಆಗಿಲ್ಲ. 

 ಮೊದಲ ಎರಡು ಕಂತುಗಳಲ್ಲಿ ಶಿಕ್ಷಣ ಇಲಾಖೆ ಕೇಂದ್ರ ಕಚೇರಿ ಜಿಲ್ಲೆಯ ಆಯಾ ಶಾಲೆಗಳ ಎಸ್‌ಡಿಎಂಸಿ ಖಾತೆಗಳಿಗೆ 1,88,69,840 ರೂ. ಬಿಡುಗಡೆ ಮಾಡಿದೆ. ಈ ಹಣದಲ್ಲಿ ಅಂದಾಜು ಶೇ.65ರಷ್ಟು ಖರೀದಿ ಪ್ರಕ್ರಿಯೆ ಪೂರ್ಣಗೊಂಡಿದೆ. ಬಾಕಿ ಇರುವ 1,66,57,895 ರೂ. ಮೂರನೇ ಕಂತಿನಲ್ಲಿ ಬಿಡುಗಡೆ ಮಾಡಬೇಕಿದೆ. ಈ ಹಣ ಬಿಡುಗಡೆಯಾದರೆ ಎಲ್ಲ ಶಾಲೆಗಳಲ್ಲೂ ಶೂ, ಸಾಕ್ಸ್ ಖರಿದಿ ಪ್ರಕ್ರಿಯೆಗೆ ವೇಗ ಸಿಗಲಿದೆ.  

 ಶಿಕ್ಷಣ ಇಲಾಖೆಯಿಂದ ಆಯಾ ಶಾಲೆಗಳ ಎಸ್‌ಡಿಎಂಸಿ ಅಧ್ಯಕ್ಷರು ಮತ್ತು ಮುಖ್ಯೋಪಾಧ್ಯಾಯರ ಜಂಟಿ ಖಾತೆಗೆ ಹಣ ಜಮೆಯಾಗುತ್ತದೆ. ಈ ಹಣದಿಂದ ಶಾಲಾ ಸಮಿತಿಯವರು ಒಂದೆಡೆ ಶೂ, ಸಾಕ್ಸ್ ಖರೀದಿಸಲು ಅನುಮತಿ ಇದೆ. ಕೇಂದ್ರೀಕೃತವಾಗಿ (ಬಲ್ಕ್) ಎಲ್ಲರೂ ಒಂದೇ ಕಡೆ ಖರೀದಿಸಬಾರದು. ಇಲಾಖೆಯ ಅಧಿಕಾರಿಗಳ ಹಸ್ತಕ್ಷೇಪ ಇರಬಾರದು ಎಂಬ ಆದೇಶವಿದೆ. ಆದರೆ, ಕೆಲ ಬಿಇಒ ಹಾಗೂ ಇತರ ಅಧಿಕಾರಿಗಳ ಒತ್ತಡಕ್ಕೆ ಒಳಗಾಗಿ ಹಲವು ಶಾಲೆಗಳು ಒಂದೇ ಕಡೆ ಖರೀದಿಸುತ್ತಾರೆ. ಇದರಿಂದ ಗುಣಮಟ್ಟದ ಕೊರತೆ ಕಾಣಿಸುತ್ತಿದೆ. ಕೆಲ ಪ್ರತಿಷ್ಠಿತ ಕಂಪನಿಯವರೇ ಸರ್ಕಾರಿ ಶಾಲೆಗಳಿಗಾಗಿಯೇ ಕಡಿಮೆ ಗುಣಮಟ್ಟದ ಉತ್ಪನ್ನ ತಯಾರಿಸುತ್ತಿವೆ ಎಂಬ ದೂರುಗಳು ಕೇಳಿ ಬಂದಿವೆ.  

 ಕೋಟ್: 

"

  ದರ ಎಷ್ಟು ? 

 1ರಿಂದ 5ನೇ ತರಗತಿ- 260 ರೂ.

 6ರಿಂದ 8ನೇ ತರಗತಿ- 295 ರೂ.  

 9ರಿಂದ 10ನೇ ತರಗತಿ- 325 ರೂ. 

 ಬ್ಯಾಡಗಿ              118                      79                                39 

 ಹಾನಗಲ್ಲ             249                     179                               70 

 ಹಾವೇರಿ              183                     136                               47 

 ಹಿರೇಕೆರೂರ          223                     161                               62 

 ರಾಣೆಬೆನ್ನೂರ         206                     172                               34 

 ಸವಣೂರ             127                      98                                29 

 ಶಿಗ್ಗಾಂವಿ               177                     127                               50