- ನಗರದಲ್ಲಿ ಭಾರಿ ವಾಹನಗಳ ಒತ್ತಡ ಕಡಿತಕ್ಕೆ ಬಲ
- ಕೈಗಾರಿಕೆ, ವಿಮಾನ ನಿಲ್ದಾಣ ಸಂಪರ್ಕಕ್ಕೂ ಹೊಸ ವೇಗ
ವಿಜಯವಾಣಿ ಸುದ್ದಿಜಾಲ ಬೆಂಗಳೂರು
ರಾಜಧಾನಿಯ ಸಂಚಾರ ದಟ್ಟಣೆ ಸಮಸ್ಯೆಗೆ ಅಲ್ಪ ಪ್ರಮಾಣದ ಪರಿಹಾರ ನೀಡಬಲ್ಲ ಸ್ಯಾಟಲೈಟ್ ಟೌನ್ ವರ್ತುಲ ರಸ್ತೆ (ಎಸ್ಟಿಆರ್ಆರ್) ಯೋಜನೆಯ 288 ಕಿ.ಮೀ. ಪೈಕಿ ಸುಮಾರು 144 ಕಿ.ಮೀ. ರಸ್ತೆ 2026ರ ನವೆಂಬರ್ ಅಂತ್ಯದೊಳಗೆ ಸಂಚಾರಕ್ಕೆ ಮುಕ್ತವಾಗುವ ನಿರೀಕ್ಷೆ ಇದೆ.
ಈ ರಸ್ತೆ ದಾಬಸ್ಪೇಟೆಯಿಂದ ಹೊಸಕೋಟೆ, ದೇವನಹಳ್ಳಿ, ಹೊಸೂರುವರೆಗೆ ಸಂಪರ್ಕ ಕಲ್ಪಿಸುವ ಮೂಲಕ ರಾಷ್ಟ್ರೀಯ ಹೆದ್ದಾರಿಗಳ ನಡುವಿನ ವಾಹನಗಳಿಗೆ ನಗರ ಪ್ರವೇಶಿಸದೆ ಪರ್ಯಾಯ ಮಾರ್ಗ ಒದಗಿಸಲಿದೆ.
ಒಟ್ಟು 288 ಕಿ.ಮೀ. ಉದ್ದದ ಎಸ್ಟಿಆರ್ಆರ್ ಯೋಜನೆಯಲ್ಲಿ ಕರ್ನಾಟಕದಲ್ಲಿ 243 ಕಿ.ಮೀ. ಹಾಗೂ ತಮಿಳುನಾಡಿನಲ್ಲಿ 45 ಕಿ.ಮೀ. ರಸ್ತೆ ನಿಮಾರ್ಣವಾಗುತ್ತಿದೆ. 144 ಕಿ.ಮೀ. ಮೊದಲ ಹಂತದ ಕಾಮಗಾರಿ 14,655 ಕೋಟಿ ರೂ. ವೆಚ್ಚದಲ್ಲಿ ಆರು ಪ್ಯಾಕೇಜ್ಗಳಲ್ಲಿ ಕೈಗೆತ್ತಿಕೊಳ್ಳಲಾಗಿದೆ.
ಈಗಾಗಲೇ ದಾಬಸ್ಪೇಟೆ, ದೊಡ್ಡಬಳ್ಳಾಪುರ, ದೇವನಹಳ್ಳಿ, ಹೊಸಕೋಟೆ ನಡುವಿನ ಸುಮಾರು 80 ಕಿ.ಮೀ. ರಸ್ತೆ ಎರಡು ವರ್ಷಗಳಿಂದ ವಾಹನ ಸಂಚಾರಕ್ಕೆ ಮುಕ್ತವಾಗಿದೆ. ಕರ್ನಾಟಕ&ತಮಿಳುನಾಡು ಗಡಿಯತ್ತ ಸಾಗುವ 21 ಕಿ.ಮೀ. ಹೊಸ ಗ್ರೀನ್ಫೀಲ್ಡ್ ರಸ್ತೆ ಶೇ.94.89 ಪೂರ್ಣಗೊಂಡಿದ್ದು, ನವೆಂಬರ್ ವೇಳೆಗೆ ಕಾಮಗಾರಿ ಮುಗಿಯುವ ಗುರಿ ಹೊಂದಲಾಗಿದೆ.
ಬೆಂಗಳೂರು&ಚೆನ್ನೆ$ ರೈಲು ಮಾರ್ಗದ ಲಿಂಗದೀರಮಲ್ಲಸಂದ್ರದಲ್ಲಿ 50 ಮೀಟರ್ ಬೋಸ್ಟ್ರಿಂಗ್ ಗರ್ಡರ್ ಅಳವಡಿಕೆಗೆ ನೈಋತ್ಯ ರೈಲ್ವೆ ಅನುಮತಿ ನೀಡಿರುವುದು ಯೋಜನೆಗೆ ಹೊಸ ಚೈತನ್ಯ ತಂದಿದೆ. ಗರ್ಡರ್ ಅಳವಡಿಕೆಯ ಬಳಿಕ ಡೆಕ್ ಸ್ಲ್ಯಾಬ್ ನಿಮಾರ್ಣ, ರಸ್ತೆ ಹಾಸು, ಕಾಂಕ್ರೀಟ್ ಕ್ಯೂರಿಂಗ್, ಸುರಕ್ಷತಾ ವ್ಯವಸ್ಥೆಗಳ ಅಳವಡಿಕೆ ಹಾಗೂ ಲೋಡ್ ಪರೀಕ್ಷೆ ಸೇರಿ ಅಂತಿಮ ಹಂತದ ಕಾಮಗಾರಿಗಳು ಪೂರ್ಣಗೊಂಡ ಬಳಿಕ ರಸ್ತೆ ಸಾರ್ವಜನಿಕ ಬಳಕೆಗೆ ಲಭ್ಯವಾಗಲಿದೆ.
ತಮಿಳುನಾಡಿನ ಕೃಷ್ಣಗಿರಿ ಜಿಲ್ಲೆಯ ಬೆಳಗೊಂಡಪಳ್ಳಿವರೆಗೆ ನಿಮಾರ್ಣವಾಗುತ್ತಿರುವ 36 ಕಿ.ಮೀ. ಸಂಪರ್ಕ ರಸ್ತೆ ಕೂಡ ಶೇ.91.32 ಪೂರ್ಣಗೊಂಡಿದೆ. ಈ ಭಾಗದ 7 ಕಿ.ಮೀ. ಬೆಂಗಳೂರು&ಚೆನ್ನೆ$ ಎಕ್ಸ್ಪ್ರೆಸ್ವೇಗೆ ಸಂಪರ್ಕ ಕಲ್ಪಿಸುವ ಮೂಲಕ ಎರಡೂ ಯೋಜನೆಗಳು ಒಂದಕ್ಕೊಂದು ಪೂರಕವಾಗಲಿವೆ.
ಬೆಂಗಳೂರು ಅಭಿವೃದ್ಧಿಗೆ ನೆರವು ಹೇಗೆ?
ಎಸ್ಟಿಆರ್ಆರ್ ಕಾರ್ಯಾರಂಭವಾದ ಬಳಿಕ ಹೊಸೂರು ರಸ್ತೆ&ಸಿಲ್ಕ್ ಬೋರ್ಡ್, ಎಲೆಕ್ಟ್ರಾನಿಕ್ಸ್ ಸಿಟಿ&ನೈಸ್ ರಸ್ತೆ ಹಾಗೂ ತುಮಕೂರು ರಸ್ತೆಯ ಮೇಲಿನ ಭಾರೀ ವಾಹನಗಳ ಒತ್ತಡ ಗಮನಾರ್ಹವಾಗಿ ಕಡಿಮೆಯಾಗುವ ನಿರೀಕ್ಷೆಯಿದೆ. ವಿಶೇಷವಾಗಿ ಸರಕು ಸಾಗಣೆ ವಾಹನಗಳು ನಗರ ಪ್ರವೇಶಿಸದೆ ನೇರವಾಗಿ ರಾಷ್ಟ್ರೀಯ ಹೆದ್ದಾರಿಗಳಿಗೆ ಸಂಪರ್ಕ ಪಡೆಯುವುದರಿಂದ ನಗರ ಸಂಚಾರ ಸುಗಮವಾಗಲಿದೆ.
ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಹೊಸೂರಿನಿಂದ ತೆರಳುವ ಪ್ರಯಾಣಿಕರಿಗೆ ವೇಗವಾದ ಪರ್ಯಾಯ ಮಾರ್ಗ ಲಭ್ಯವಾಗಲಿದೆ. ಕೈಗಾರಿಕಾ ವಲಯಗಳು, ಗೋದಾಮುಗಳು, ಲಾಜಿಸ್ಟಿಕ್ಸ್ ಪಾರ್ಕ್ಗಳು ಹಾಗೂ ಸ್ಯಾಟಲೈಟ್ ಟೌನ್ಗಳ ಬೆಳವಣಿಗೆಗೂ ಎಸ್ಟಿಆರ್ಆರ್ ಹೊಸ ಉತ್ತೇಜನ ನೀಡಲಿದ್ದು, ನಗರದ ಸಮತೋಲನ ಅಭಿವೃದ್ಧಿಗೆ ಈ ಯೋಜನೆ ಮಹತ್ವದ ಮೈಲಿಗಲ್ಲಾಗಲಿದೆ.
ನೆಲಮಂಗಲ&ಬನ್ನೇರುಘಟ್ಟ ಅನುಮೋದನೆಯಾಗಿಲ್ಲ
ನೆಲಮಂಗಲ&ಕುಣಿಗಲ್&ಬನ್ನೇರುಘಟ್ಟ ರಾಷ್ಟ್ರೀಯ ಉದ್ಯಾನ ಪ್ರದೇಶದ ಮೂಲಕ ಹೊಸೂರಿಗೆ ಸಂಪರ್ಕ ಕಲ್ಪಿಸುವ ಉಳಿದ 144 ಕಿ.ಮೀ. ರಸ್ತೆ ಕಾಮಗಾರಿಗೆ ಕೇಂದ್ರ ಸರ್ಕಾರದ ಅಂತಿಮ ಅನುಮೋದನೆ ಇನ್ನೂ ದೊರಕಿಲ್ಲ. ಈ ಭಾಗಕ್ಕೆ ಶೀಘ್ರ ಅನುಮೋದನೆ ದೊರೆತರೆ ಬೆಂಗಳೂರು ಸುತ್ತ ಸಂಪೂರ್ಣ ವರ್ತುಲ ರಸ್ತೆ ಜಾಲ ನಿಮಾರ್ಣವಾಗಲಿದ್ದು, ನಗರದ ಸಂಚಾರ ವ್ಯವಸ್ಥೆಯಲ್ಲಿ ಐತಿಹಾಸಿಕ ಬದಲಾವಣೆ ಸಾಧ್ಯವಾಗಲಿದೆ.