ಬಿಎಸ್‌ವೈ ಕೊಡುಗೆಗೆ ಸಮುದಾಯ ಋಣಿ - ಡಾ.ಪ್ರಭಾಕರ ಕೋರೆ

ಕಾರಂಜಿಮಠದ ಗುರುಸಿದ್ಧ ಸ್ವಾಮೀಜಿ ಸಾನ್ನಿಧ್ಯ ವಹಿಸಿದ್ದರು. ಸಚಿವರಾದ ಎಂ.ಬಿ.ಪಾಟಿಲ, ಶರಣ ಪ್ರಕಾಶ ಪಾಟೀಲ, ಲಕ್ಷ್ಮೀ ಹೆಬ್ಬಾಳ್ಕರ್, ಮಹಾಸಭಾ ರಾಜ್ಯಾಧ್ಯಕ್ಷ ಶಂಕರ ಬಿದರಿ, ಮಾಜಿ ಸಂಸದ ರಮೇಶ ಕತ್ತಿ, ವಿಧಾನ ಪರಿಷತ್ ಸದಸ್ಯ ಡಾ. ಬಿ.ಜಿ. ಪಾಟೀಲ, ಶಾಸಕರಾದ ರಾಜು ಕಾಗೆ, ಮಹಾಂತೇಶ ಕೌಜಲಗಿ, ಬಿ.ಆರ್.ಪಾಟೀಲ ಯಾವಗಲ್, ಎಂ.ವೈ.ಪಾಟೀಲ, ಅಮರೇಗೌಡ ಬಯ್ಯಪುರ, ಲತಾ ಮಲ್ಲಿಕಾರ್ಜುನ, ಹನುಮಂತ ನಿರಾಣಿ, ಶೈಲೇಂದ್ರ ಬೆಲ್ದಾಳೆ, ಶಶಿಲ್ ನಮೋಸಿ, ಅಲ್ಲಮಪ್ರಭು ಪಾಟೀಲ, ಗಣೇಶ ಹುಕ್ಕೇರಿ, ಚನ್ನರಾಜ ಹಟ್ಟಿಹೊಳಿ, ವಿಧಾನ ಪರಿಷತ್ ಮಾಜಿ ಸದಸ್ಯ ಮಹಾಂತೇಶ ಕವಟಗಿಮಠ, ಡಾ.ಎಚ್.ಬಿ.ರಾಜಶೇಖರ, ಆಶಾ ಪ್ರಭಾಕರ ಕೋರೆ, ಎಂ.ಬಿ.ಝಿರಲಿ, ಜಗದೀಶ ಮೆಟಗುಡ್ಡ, ಡಾ.ಪ್ರೀತಿ ಕೋರೆ ಇತರರಿದ್ದರು. ಮಹಾಸಭಾ ಜಿಲ್ಲಾಧ್ಯಕ್ಷೆ ರತ್ನಪ್ರಭಾ ಬೆಲ್ಲದ ಸ್ವಾಗತಿಸಿದರು. ಆಶಾ ಯಮಕನಮರಡಿ ನಿರೂಪಿಸಿದರು. ಡಾ.ಗುರುದೇವಿ ಹುಲೆಪ್ಪನವರಮಠ ವಂದಿಸಿದರು.

ನನ್ನ ಪವರ್ ಆಫ್ ಅಟಾರ್ನಿ ಡಾ. ಕೋರೆ ಅವರ ಬಳಿಯಿದೆ. ಅದಕ್ಕೆ ಯಾವುದೇ ಷರತ್ತಿಲ್ಲ. ಅವರು ಹೇಳಿದ್ದನ್ನು ನೂರಕ್ಕೆ ನೂರು ಮಾಡುವೆ ಎಂದು ಸಚಿವ ಎಂ.ಬಿ.ಪಾಟೀಲ ವಾಗ್ದಾನ ಮಾಡಿದರು. ಇದಕ್ಕೆ ಸ್ಪಂದಿಸಿದ ಡಾ.ಕೋರೆ ‘ನೂತನ ವಸತಿನಿಲಯಕ್ಕೆ 3.5 ಕೋಟಿ ರೂ. ಖರ್ಚು ಮಾಡಿದ್ದೇವೆ. ಇನ್ನೊಂದು ಮಹಡಿ ಮಾಡಬೇಕಿದೆ. ಅದನ್ನು ಸಚಿವ ಎಂ.ಬಿ.ಪಾಟೀಲರೇ ಮಾಡಿ ಕೊಡಬೇಕು. ಎಂ.ಬಿ.ಪಾಟೀಲರು ಶಿರಸಂಗಿಯವರ ವಶಂಸ್ಥರಿದ್ದಾರೆ. ದಾನ ಪರಂಪರೆ ಅವರ ರಕ್ತದಲ್ಲೇ ಬಂದಿದೆ. ಇದೊಂದು ದಾನ ಆಗಲಿ’ ಎಂದರು.

ಗದಗ, ಹಾವೇರಿ, ಧಾರವಾಡದಲ್ಲಿ ಮಹಾಸಭೆಯಿಂದ ಇದೇ ರೀತಿಯ ವಸತಿನಿಲಯ ಮಾಡಲು ಮುಂದಾದರೆ ನಾನೂ 50 ಲಕ್ಷ ರೂ. ಸಂಗ್ರಹಿಸಿ ಕೊಡುವೆ ಎಂದು ವಿಧಾನ ಪರಿಷತ್ ಸಭಾಪತಿ ಬಸವರಾಜ ಹೊರಟ್ಟಿ ತಿಳಿಸಿದರು.