ಕೆ.ಚಂದರಗಿಯ ಕ್ರೀಡಾ ವಸತಿ ಶಾಲೆಯಲ್ಲಿ ಹಮ್ಮಿಕೊಂಡಿದ್ದ ವಿಶ್ವ ಪರಿಸರ ದಿನದ ಕಾರ್ಯಕ್ರಮದಲ್ಲಿ ಸಸಿ ನೆಡಲಾಯಿತು. ಜೆ.ಬಿ.ಮೇಟಿ, ಐ.ಎಸ್.ಸೂಳಿಭಾವಿ ಇತರರಿದ್ದರು.
ಕಟಕೋಳ: ಮನುಷ್ಯ ಪ್ರಕೃತಿಯ ಕೂಸು, ನಮ್ಮ ಸುತ್ತಮುತ್ತಲಿನ ಪರಿಸರ ಶುಚಿಯಾಗಿಟ್ಟುಕೊಳ್ಳುವ ಮೂಲಕ ಸಸಿ ನೆಟ್ಟು ಪೋಷಿಸುವುದು ಪ್ರತಿಯೊಬ್ಬರ ಜವಾಬ್ದಾರಿ ಎಂದು ಸ್ಪೋಕೋ ಸಂಸ್ಥೆ ವ್ಯವಸ್ಥಾಪಕ ಜೆ.ಬಿ.ಮೇಟಿ ಹೇಳಿದರು.
ಸಮೀಪದ ಕೆ.ಚಂದರಗಿಯ ಕ್ರೀಡಾ ವಸತಿ ಶಾಲೆಯಲ್ಲಿ ಎನ್ಸಿಸಿ ವಿಭಾಗದ ವತಿಯಿಂದ ಶುಕ್ರವಾರ ಹಮ್ಮಿಕೊಂಡಿದ್ದ ವಿಶ್ವ ಪರಿಸರ ದಿನದ ಕಾರ್ಯಕ್ರಮದಲ್ಲಿ ಮಾತನಾಡಿದರು. ಪರಿಸರ ಸಂರಕ್ಷಣೆ ನಮ್ಮೆಲ್ಲರ ಹೊಣೆ. ಹೀಗಾಗಿ, ಪ್ರತಿಯೊಬ್ಬರೂ ಮನೆಗೊಂದು ಸಸಿ ನೆಟ್ಟು ಆರೋಗ್ಯಯುತ ಸಮಾಜ ನಿರ್ಮಾಣಕ್ಕೆ ಕೈಜೋಡಿಸಬೇಕು ಎಂದು ತಿಳಿಸಿದರು.
ಪ್ರಾಚಾರ್ಯ ಐ.ಎಸ್.ಸೂಳಿಭಾವಿ ಮಾತನಾಡಿದರು. ಪ್ರಬಂಧ ಹಾಗೂ ಚಿತ್ರಕಲಾ ಸ್ಪರ್ಧೆಯಲ್ಲಿ ವಿಜೇತ ವಿದ್ಯಾರ್ಥಿಗಳಿಗೆ ಗಣ್ಯರು ಬಹುಮಾನ ವಿತರಿಸಲಾಯಿತು.
ಪ್ರಾಚಾರ್ಯ ರೂಬಿ, ಶಿಕ್ಷಕರಾದ ಹಾಲೇಶ, ಎಂ.ಎ.ಇನಾಮದಾರ್, ಆರ್.ಬಿ.ಗಲಬಿ, ಎಸ್.ಎಸ್.ಉಮಚಗಿ, ಎಂ.ಎಂ.ಗೋರಿಖಾನ್, ಎಸ್.ಎಸ್.ವಿರಕ್ತಮಠ, ಜಯಶ್ರೀ ಹಿರೇಮಠ, ಓಂಕಾರ ಗೌಡರ, ಚನ್ನಮ್ಮ ಕಾಜಗಾರ, ಪಲ್ಲವಿ ಬಡಿಗೇರ ಇತರರಿದ್ದರು.