ಸವದತ್ತಿ ಕೆಎಲ್ಇ ಸಂಸ್ಥೆಯ ಎಸ್.ಕೆ.ಪ್ರೌಢಶಾಲೆ ಪಠ್ಯ ಹಾಗೂ ಪಠ್ಯೇತರ ಚಟುವಟಿಕೆಗಳನ್ನು ಜಗದೀಶ ಶಿಂತ್ರಿ ಉದ್ಘಾಟಿಸಿದರು. ಎಸ್.ಬಿ.ಗುಡೆನ್ನವರ, ಪ್ರೊ.ಪಿ.ಎಲ್.ಮಿಸಾಳೆ, ಎಸ್.ಎಸ್.ಪಾಟೀಲ ಇತರರಿದ್ದರು.
ಸವದತ್ತಿ: ವಿದ್ಯಾರ್ಥಿಗಳು ಪಠ್ಯಾಭ್ಯಾಸದ ಜತೆಗೆ ಪಠ್ಯೇತರ ಚಟುವಟಿಕೆಗಳಲ್ಲೂ ಭಾಗವಹಿಸಿ ವ್ಯಕ್ತಿತ್ವ ಬೆಳೆಸಿಕೊಳ್ಳಬೇಕು ಎಂದು ಕೆಎಲ್ಇ ಸಂಸ್ಥೆಯ ಎಸ್.ಕೆ.ಪ್ರೌಢಶಾಲೆಯ ಸ್ಥಾನಿಕ ಆಡಳಿತ ಮಂಡಳಿ ಅಧ್ಯಕ್ಷ ಜಗದೀಶ ಶಿಂತ್ರಿ ಹೇಳಿದರು.
ಬಿ.ಬಿ.ಮಮದಾಪುರ ಸಭಾಭವನದಲ್ಲಿ ಬುಧವಾರ ಹಮ್ಮಿಕೊಂಡಿದ್ದ ಕೆಎಲ್ಇ ಸಂಸ್ಥೆಯ ಎಸ್.ಕೆ. ಪ್ರೌಢಶಾಲೆಯ ಪಠ್ಯ ಹಾಗೂ ಪಠ್ಯೇತರ ಚಟುವಟಿಕೆಗಳ ಉದ್ಘಾಟನಾ ಸಮಾರಂಭದಲ್ಲಿ ಮಾತನಾಡಿ, ಸ್ಪರ್ಧಾತ್ಮಕ ಯುಗದಲ್ಲಿ ವಿದ್ಯಾರ್ಥಿಗಳು ಪಠ್ಯಜ್ಞಾನಕ್ಕೆ ಸೀಮಿತರಾಗದೆ ಕ್ರೀಡೆ, ಸಾಂಸ್ಕೃತಿಕ, ಸಾಹಿತ್ಯ, ವಿಜ್ಞಾನ ಹಾಗೂ ಸಾಮಾಜಿಕ ಚಟುವಟಿಕೆಗಳಲ್ಲಿ ಭಾಗವಹಿಸುವ ಮೂಲಕ ನಾಯಕತ್ವ, ಆತ್ಮವಿಶ್ವಾಸ ಮತ್ತು ಕೌಶಲ ಬೆಳೆಸಿಕೊಳ್ಳಬೇಕು ಎಂದರು.
ನಿವೃತ್ತ ಉಪನ್ಯಾಸಕ ಪ್ರೊ.ಪಿ.ಎಲ್.ಮಿಸಾಳೆ ಮಾತನಾಡಿ, ವಿದ್ಯಾರ್ಥಿಗಳು ಸ್ಪಷ್ಟ ಗುರಿ ಇಟ್ಟುಕೊಂಡು ಅಧ್ಯಯನ ನಡೆಸಿದರೆ ಸಾಧನೆ ಮಾಡಲು ಸಾಧ್ಯ ಎಂದರು.
ಸ್ಥಾನಿಕ ಆಡಳಿತ ಮಂಡಳಿ ಸದಸ್ಯ ಎಸ್.ಬಿ.ಗುಡೆನ್ನವರ, ಉಪಪ್ರಾಚಾರ್ಯ ಎಸ್.ಎಸ್.ಪಾಟೀಲ, ಸಾಂಸ್ಕೃತಿಕ ಒಕ್ಕೂಟದ ಅಧ್ಯಕ್ಷ ವಿ.ಆರ್.ರಾಠೋಡ, ಶಶಿಕಲಾ ಅಂಗಡಿ, ವಿದ್ಯಾರ್ಥಿ ಪ್ರತಿನಿಧಿ ಸಮರ್ಥ ಶೆಟ್ಟಿಮಠ, ವಿದ್ಯಾ ಸೋಬಾನದ ಇತರರಿದ್ದರು.
ಎಸ್.ಎಂ.ಲಕ್ಷಟ್ಟಿ, ಬಿ.ಐ.ಗಡೇಕಾರ, ಎಂ.ಜಿ.ಲಮಾಣಿ, ಎ.ಎಸ್.ಬೆಳಕೂಡ, ಎಸ್.ಆರ್.ಸನದಿ, ಆರ್.ಎಸ್. ಚಂದ್ರಾಪಟ್ಟಣ, ಸಿ.ಎಸ್.ಹುಣಸಿಕಟ್ಟಿ, ಎಸ್.ಬಿ.ಹಾದಿಮನಿ, ಯು.ಬಿ.ಪೂಜೇರ, ಎಸ್.ಬಿ.ಅಂಗಡಿ ಇತರರಿದ್ದರು.