ಕೊಕಟನೂರ ಸರ್ಕಾರಿ ಪ್ರಥಮ ದರ್ಜೆ ಮಹಾವಿದ್ಯಾಲಯದಲ್ಲಿ ಹಮ್ಮಿಕೊಂಡಿದ್ದ ಅಂತಾರಾಷ್ಟ್ರೀಯ ಕ್ಷಯರೋಗ ದಿನದ ಸಮಾರಂಭದಲ್ಲಿ ಡಾ.ಚಂದ್ರಕಾಂತ ಧೂಳಶೆಟ್ಟಿ ಮಾತನಾಡಿದರು. ಡಾ.ಪ್ರಭಾಕರ ಖ್ಯಾಡಿ, ಡಾ.ವಿದ್ಯಾಶ್ರೀ ಕೋಲಕಾರ, ದಯಾನಂದ ಎಲ್.ಎನ್. ಇದ್ದರು.
ಅಥಣಿ ಗ್ರಾಮೀಣ: ಕ್ಷಯ ರೋಗದ ಬಗ್ಗೆ ಸಾರ್ವಜನಿಕರಿಗೆ ಅರಿವು ಮೂಡಿಸುವುದರಿಂದ ಮತ್ತೊಬ್ಬರಿಗೆ ಹರಡುವುದನ್ನು ತಡೆಗಟ್ಟಬಹುದು ಎಂದು ಕೊಕಟನೂರ ಪ್ರಾಥಮಿಕ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಡಾ.ಚಂದ್ರಕಾಂತ ಧೂಳಶೆಟ್ಟಿ ಹೇಳಿದರು.
ಅಥಣಿ ತಾಲೂಕಿನ ಕೊಕಟನೂರ ಗ್ರಾಮದ ಸರ್ಕಾರಿ ಪ್ರಥಮ ದರ್ಜೆ ಮಹಾವಿದ್ಯಾಲಯದಲ್ಲಿ ಕಾಲೇಜು ಶಿಕ್ಷಣ ಇಲಾಖೆ, ಕಾಲೇಜಿನ ರೆಡ್ಕ್ರಾಸ್,
ಎನ್ಎಸ್ಎಸ್ ಘಟಕ ಹಾಗೂ ಸಮುದಾಯ ಆರೋಗ್ಯ ಕೇಂದ್ರ ಸಹಯೋಗದಲ್ಲಿ ಮಂಗಳವಾರ ಹಮ್ಮಿಕೊಂಡಿದ್ದ ಅಂತಾರಾಷ್ಟ್ರೀಯ ಕ್ಷಯರೋಗ ದಿನದ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.
ಪ್ರಾಚಾರ್ಯ ಡಾ.ಪ್ರಭಾಕರ ಖ್ಯಾಡಿ ಮಾತನಾಡಿದರು. ಸರ್ಕಾರಿ ಆಸ್ಪತ್ರೆ ಸಿಬ್ಬಂದಿ, ವಿದ್ಯಾರ್ಥಿಗಳು ಹಾಗೂ ಬೋಧಕರು ಸೇರಿದಂತೆ ಗ್ರಾಮದ ಎಲ್ಲ ಬಡಾವಣೆಗಳಲ್ಲಿ ಕ್ಷಯರೋಗ ನಿರ್ಮೂಲನೆ ಕುರಿತು ಅರಿವು ಮೂಡಿಸಿದರು.
ಡಾ.ವಿದ್ಯಾಶ್ರೀ ಕೋಲಕಾರ, ದಯಾನಂದ ಎಲ್.ಎನ್., ರಾಜಶೇಖರ ಕೂರಟ್ಟಿ, ಪಲ್ಲವಿ ಎಂ.ಎಂ., ವಿನೋದಕುಮಾರ ಮೇತ್ರಿ, ಅಬ್ದುಲ್ಗಣಿ ಮುಲ್ಲಾ, ರಾಮಗೊಂಡ ಪಾಟೀಲ, ಹುಸೇನ್ಸಾಬ್ ಗಡ್ಡೆಕರ, ಶೈಲಜಾ ತುಬಚಿ, ರಮೇಶ ಸಕ್ರಿ, ಭೀಮಪ್ಪ ಬಿದರೊಳ್ಳಿ, ದಾನೇಶ್ವರಿ ನೀಲವಾಣಿ, ಸುವರ್ಣಾ ಸನದಿ ಇತರರಿದ್ದರು.